no copi

суббота, 19 марта 2011 г.

* Икона Божией Матери «Благодатное Небо» *

*
*
Икона Божией Матери 
«Благодатное Небо»
Икона Пресвятой Богородицы, именуемая 
«Благодатное Небо»
Σύναξις Ὑπεραγίας Θεοτόκου τῆς Οὐρανίου Χαρᾶς ἐν Μόσχᾳ
*
БЛАГОДАТНОЕ НЕБО
Издана в честь возвращения 31.10.2005 г. в Вауловский скит чтимой иконы,
созданной по благословению св. Иоанна Кронштадского усердием сенатора В.Мордвинова
и освященной в С.- Петербурге в Светлый Четверг того же года причтом Леушинского подворья
*
Икона Божией Матери «Благодатное Небо»
Празднование 6/19 марта и в неделю Всех Святых

Икона Божией Матери, именуемая «Благодатное Небо», находится в иконостасе Московского Архангельского собора Кремля по левую сторону от царских врат. 
Известно, что этот образ находился ранее в Смоленске и был перевезен в Москву дочерью литовского князя Витовта Софией, когда она стала супругой Московского князя Василия Дмитриевича (1389–1425). 
На иконе Божия Матерь изображена в полный рост, на левой руке Ее – Богомладенец. 
Некоторые этот образ Богоматери называют «Что Тя наречем?».

Русская Православная Церковь
http://www.mospat.ru/calendar/
Четверг, 6 марта (ст.ст.) 19 марта 2009 (нов. ст.)

*

======================
Богоматерь
БЛАГОДАТНОЕ НЕБО
XIX в. (?)
Дерево, масло.
Оклад - латунь, чеканка, гравировка, перегородчатые полихромные эмали.
57х134 см.
Частное собрание
 *
Икона Пресвятой Богородицы, именуемая 
«Благодатное Небо»
     Предание говорит, что икона «Благодатное Небо» раньше находилась в городе Смоленске и привезена оттуда в Москву великою княгинею Софией Витовтовною, дочерью литовского князя Витовта (конец 14-го и начало 15-го столетия), когда она сделалась супругою великого московского князя Василия Дмитриевича (1389 —1425).
     Чудотворная икона Богоматери, именуемая «Благодатное Небо», сейчас находится в Москве, в Архангельском соборе, по левую руку царских врат.

КОТЛОВКА.RU
информационный портал
http://kotlovka.ru/index.php?option=com_frontpage&Itemid=1
*
фрагмент иконы
БЛАГОДАТНОЕ НЕБО
XIX в. (?)
Дерево, масло.
Оклад - латунь, чеканка, гравировка, перегородчатые полихромные эмали.
57х134 см.
Частное собрание
*
=====================
Σύναξις Ὑπεραγίας Θεοτόκου τῆς Καρδίας ἐν Σελτομέζᾳ τῆς Ρωσίας
*
Σύναξις Ὑπεραγίας Θεοτόκου τῆς Οὐρανίου Χαρᾶς ἐν Μόσχᾳ

Ἡ ἱερὰ εἰκόνα τῆς Παναγίας τῆς «Οὐρανίου Χαρᾶς» φυλάσσεται στὸ παρεκκλήσι τοῦ Ἀρχαγγέλου Μιχαὴλ στὸν καθεδρικὸ ναὸ τοῦ Κρεμλίνου. Ἡ εἰκόνα βρισκόταν ἀρχικὰ στὸ Σμολὲνσκ καὶ τὴ μετέφερε στὴν Μόσχα ἡ Σοφία, θυγατέρα τοῦ Λιθουανοῦ πρίγκιπα Βίτοβτ.
*
==================
Богоматерь
БЛАГОДАТНОЕ НЕБО
Государственный исторический музей
*
АКАФИСТ Божией Матери пред иконой Ея 
«Благодатное Небо»
Кондак 1
     Избранней от всех родов Божией Матери и Царице, Благодатным Небом нами именуемой, телу нашему и душам спасение подающей, благодарственное приносим пение, Богородице, Ты же яко имущая милосердие неизреченное, от всяких нас бед и грехов свободи, да зовем Ти:
     Радуйся Владычице, Благодатное Небо, радость и спасение нам дарующая.

Икос 1
     Ангели и праведных души удивишася, егда предстала еси пред Сыном Твоим и Богом, и многим молением ходатайствовала о людех во гресех пребывающих. Мы же очима веры толикое Твое благоутробие зряще, со умилением взываем Ти сице:
     Радуйся, молитвы всех христиан приемлющая.
     Радуйся, и самых отчаянных грешников моления не отвергающая.
     Радуйся, к Сыну Твоему о них предстательствующая.
     Радуйся, нечаянную радость спасения им подающая.
     Радуйся, предстательством Твоим весь мир спасающая.
     Радуйся, вся наша печали утоляющая.
     Радуйся, житие наше добре устрояющая.
     Радуйся, избавление от грехов всем человеком принесшая.
     Радуйся Владычице, Благодатное Небо, радость и спасение нам дарующая.

Кондак 2
     Видящи Пречистая люди грешныя с верою и упованием пред честною Ея иконою долу повергающияся, и слезно молящияся о гресех своих, внят молению их, да вси, зряще Ея Матернее милосердие, на небеси и на земли вопиют Богу: Аллилуиа.

Икос 2
     Разум человеческий воистинну превосходит любовь Твоя к роду христианскому, о нем же молишися Сыну Твоему и Богу. Мы же, зряще Тя неотступную Предстательницу за нас грешных, со слезами вопием:
     Радуйся, Заступнице усердная рода христианскаго от Бога нам дарованная.
     Радуйся, Путеводительнице наша, к небесному отечеству нас возводящая.
     Радуйся, верных ограждение и прибежище.
     Радуйся, помоще всех призывающих имя Твое Святое.
     Радуйся, презренных и отверженных от рова погибели исхищающая.
     Радуйся, тех на путь правый обращающая.
     Радуйся, непрестанное уныние и мрак душевный отгоняющая.
     Радуйся, оставленных врачами на Своя всемощныя руце приемлющая.
     Радуйся Владычице, Благодатное Небо, радость и спасение нам дарующая.

Кондак 3
     Сила благодати, предстательством Твоим, Пречистая, преизобилует тамо, идеже умножися грех, да радуются на небеси Ангели о грешницех кающихся, поюще пред Престолом Божиим: Аллилуиа.

Икос 3
     Имущи к роду христианскому Матернее милосердие, всем с верою и упованием прибегающим к Тебе, подаеши руку помощи, Владычице, да вси единем сердцем и едиными усты славословие приносят Ти сицевое:
     Радуйся, яко Тобою к нам нисходит Божие благоволение.
     Радуйся, яко во всех бедах и обстояниих наших приносиши Сыну Твоему усердныя о нас молитвы.
     Радуйся, яко и наша молитвы приятными Богу соделоваеши.
     Радуйся, яко невидимых врагов от нас отгоняеши.
     Радуйся, яко сердца злых человек умягчаеши.
     Радуйся, яко от клеветы, досаждения и укорения нас изымаеши.
     Радуйся, яко Тобою вся благая желания наша исполняются.
     Радуйся, яко много может молитва Твоя пред Сыном Твоим и Богом.
     Радуйся Владычице, Благодатное Небо, радость и спасение нам дарующая.

Кондак 4
     Бурю внутрь имея греховных помышлений, пред честною иконою Твоею, Царице Небесная, склоняем колена душ и телес наших и со умилением дерзновенно молим Тя: спаси нас, о Мати милосердия, да не погибнем до конца во гресех наших. Ты бо еси всем грешником Едина Надежда и прибежище; преклонися убо на милость, Благая Мати, и умоли о нас Сына Твоего и Творца нашего, да непрестанно зовем Ему: Аллилуиа.

Икос 4
     Слышавше небожители, яко молитвами Твоими пред Сыном Твоим прощение грехов и спасение на земли сущим грешником даруется, прославляют Тя, благосердную Царицу небесе и земли. И мы, грешнии, уведевше таковое Твое заступление о нас, недоумеем, како благохвалити Тя возможем по достоянию, и из глубины сердца нашего умиленно воспеваем Ти сице:
     Радуйся, Споручнице спасения грешных.
     Радуйся, падших востание.
     Радуйся, Предстательнице к Богу, мир от бед спасающая.
     Радуйся, яко гласа молитв Твоих беси трепещут.
     Радуйся, яко Ангели сему радуются.
     Радуйся, яко и нас земнородных сила молитв Твоих веселия исполняет.
     Радуйся, яко теми от тины грехов нас изымаеши.
     Радуйся, яко пламень страстей наших угашаеши.
     Радуйся Владычице, Благодатное Небо, радость и спасение нам дарующая.

Кондак 5
     Боготечную звезду — чудотворную икону Матере Твоея показал еси нам, Господи, ибо, взирающе на образ Ея телесныма очима, умом и сердцем к Первообразней возвышаемся и Ею к Тебе востекаем, поюще: Аллилуиа.

Икос 5
     Видевше Ангели Хранители христиан, яко Божия Матерь споспешествует им в наставлении тех, заступлении и спасении, потщашася сице возопити Честнейшей Херувим и Славнейшей без сравнения Серафим:
     Радуйся, с Сыном Твоим и Богом вечно царствующая.
     Радуйся, Ему всегда о роде христианстем моления приносящая.
     Радуйся, в христианстей вере и благочестии Наставнице.
     Радуйся, ересей и тлетворных расколов Искоренительнице.
     Радуйся, от растлевающих душу и тело соблазнов сохраняющая.
     Радуйся, от опасных обстояний и внезапныя смерти избавляющая.
     Радуйся, уповающим на Тя непостыдный конец жития дарующая.
     Радуйся, Матерним Твоим предстательством от вечнаго мучения избавляющая.
     Радуйся Владычице, Благодатное Небо, радость и спасение нам дарующая.

Кондак 6
     Дивная дела милосердия Твоего людем явленная, предаде письмены святый Димитрий Ростовский в научение и утешение всем верным, да и тии, во гресех, бедах, скорбех и озлоблениих суще, на всяк день пред честным Твоим образом «Благодатное Небо» именуемым, колена преклонят и, избывше бед, печалей и напастей, вопиют Богу: Аллилуиа.

Икос 6
     Возсия нам, яко пресветлая заря, чудотворная икона Твоя, Богомати, прогоняя тьму бед и скорбей от всех с любовию вопиющих Ти сице:
     Радуйся, Целительнице наша в болезнех телесных.
     Радуйся, Благая Утешительнице, печали в радость претворяющая.
     Радуйся, ненадеющихся несумненною надеждою возвеселяющая.
     Радуйся, алчущих Питательнице.
     Радуйся, нагих одеяние.
     Радуйся, вдов Утешительнице.
     Радуйся, безматерних сирот незримая Воспитательнице.
     Радуйся, неправедно гонимых и обидимых Заступнице.
     Радуйся Владычице, Благодатное Небо, радость и спасение нам дарующая.

Кондак 7
     Хотя Законодавец Правосудный Господь Сам быти закона Исполнитель и явити милосердия Своего бездну, преклонися на усердное моление Твое Преблагословенная Мати Дево, о людех во гресех пребывающих и милостей Божиих чающих, глаголя: «Закон повелевает, да сын чтит матерь. Аз Сын Твой, Ты же Мати Моя: Аз Тя должен чтити, послушая Твоего моления; проси убо еже хощеши, о нихже молишися — прощаются им греси Тебе ради». Мы же, видя таковую силу молитвы Ходатаицы нашей о прощении согрешений наших, прославим милосердие и неизреченное благоутробие Ея, зовуще: Аллилуиа.

Икос 7
     Новое дивное и славное знамение всем верным явися, яко не токмо Матери Твоей, но и пречистому лику Ея, на дске изображенному, силу чудотворения даровал еси, Господи: сему таинству дивящеся, во умилении сердца вопием к Ней таковая:
     Радуйся, премудрости и благости Божия откровение.
     Радуйся, веры утверждение.
     Радуйся, благодати явление.
     Радуйся, душеполезных знаний дарование.
     Радуйся, душевредных учений низложение.
     Радуйся, беззаконных навыков нетрудное преодоление.
     Радуйся, слово премудрости просящим дарующая.
     Радуйся, несмысленных разумными соделовающая.
     Радуйся Владычице, Благодатное Небо, радость и спасение нам дарующая.

Кондак 8
     Видяще славная дела и многоразличную премудрость Божию в мире и житии нашем являемыя, предстательством Твоим пред Богом, о Небо Благодатное, Пречистая Владычице, устранимся земныя суеты и излишних житейских попечений и ум и сердце наше на небеса возведем, поюще Богу: Аллилуиа.

Икос 8
     Вся в вышних пребывающи, и нижних никакоже отступила еси, Премилосердная Царице небесе и земли; аще бо по Успении Твоем и взошла еси на небеса с Пречистою Твоею Плотию, обаче и грешныя земли не оставила еси, являющися Причастница Промышления Сына Твоего о роде христианстем. Сего ради Тя по долгу ублажаем:
     Радуйся, сиянием пречистыя души Твоея всю землю просветившая.
     Радуйся, чистотою телесе Твоего вся небеса возвеселившая.
     Радуйся, о всем мире усердная Предстательнице.
     Радуйся, всех нас при Кресте Сына Твоего усыновившая.
     Радуйся, всегда матернюю любовь к нам являющая.
     Радуйся, всех даров духовных и телесных независтная Подательнице.
     Радуйся, двери Царствия Христова верным отверзающая.
     Радуйся, и на земли чистаго веселия сердца наша исполняющая.
     Радуйся Владычице, Благодатное Небо, радость и спасение нам дарующая.

Кондак 9
     Всякое естество Ангельское удивися делу Твоего милосердия, Господи, яко даровал еси толико твердую и теплую Заступницу и Помощницу роду христианскому, нам невидимо спребывающу, слышащу же Тебе поющих: Аллилуиа.

Икос 9
     Витийство человеческое не возможет по достоянию благохвалити Тя, Пресвятая Богородице, и воспети неисчетная чудеса Твоя, от иконы Твоея являемая, имиже православныя люди от бед, напастей и всякаго зла сохраняеши. Мы же добре ведуще о многих чудотворениях от честнаго лика Твоего бывших и потребная нам ко временней и вечней жизни приемлюще, с веселием Богородице взываем:
     Радуйся, яко от священнаго лика Твоего чудеса деются.
     Радуйся, яко утаися премудрость и благодать сия от мудрых и разумных века сего.
     Радуйся, яко открыся та младенцем в вере.
     Радуйся, яко прославляющих Тя прославляеши.
     Радуйся, яко отвергающих Тя пред всеми посрамляеши.
     Радуйся, яко от всякаго зла прибегающих к Тебе избавляеши.
     Радуйся, яко вся болезни человеческия душевныя и телесныя милостивно врачуеши.
     Радуйся, яко праведный гнев Божий на нас Твоим молением скоро утоляеши.
     Радуйся Владычице, Благодатное Небо, радость и спасение нам дарующая.

Кондак 10
     Спасти хотя души своя от вечныя смерти, мы, недостойная чада Твоя, преклоньше колена своя пред Пречистым Твоим образом, молим Тя, Небесная Царице и Милосердная Мати: сотвори нас причастными вечнаго блаженства в Небесном Царствии Сына Твоего, да поем Ему со всеми святыми: Аллилуиа.

Икос 10
     Стена необоримая и пристанище небурное Ты еси, Богородице Дево всем к Тебе притекающим: темже и нас огради и покрый от всех враг видимых и невидимых, да с верою и умилением покланяющеся пречестней и цельбоносней иконе Твоей, вопием Ти:
     Радуйся, столпе и ограждение девства.
     Радуйся, чистоты и целомудрия незримая Охранительнице.
     Радуйся, сохраняющая и спасающая всех призывающих Тя.
     Радуйся, к Сыну Твоему и Богу молитвы верных приносящая.
     Радуйся, и Сама непрестанно у Престола Его молящаяся о нас.
     Радуйся, благодать Твою иконам даровавшая.
     Радуйся, всю вселенную лучами тех озаряющая.
     Радуйся, рода христианскаго Похвало и непостыдное Упование.
     Радуйся Владычице, Благодатное Небо, радость и спасение нам дарующая.

Кондак 11
     Пение всеумиленно приносяще Ти, недостойнии, просим Тебе, Дево Богородице: не презри гласа рабов Твоих, к Тебе бо в напастех и скорбех прибегаем и пред Тобою в бедах наших слезы проливаем, поюще: Аллилуиа.

Икос 11
     Светозарная свеща, сущим во тьме греха и юдоли плача явися предивная икона Твоя, Пречистая Владычице: всем бо притекающим к ней струи исцелений изливаеши и чудес зарями сердца верных веселиши, подвизающи взывати Тебе сице:
     Радуйся, Божественный Свет неизреченно родившая.
     Радуйся, тьму смертную Рождеством Твоим просветившая.
     Радуйся, страны нашея неусыпная Покровительнице.
     Радуйся, верных пастырей Церкви ободряющая и вразумляющая.
     Радуйся, людей православных верная Хранительнице.
     Радуйся, богобоязненных иноков и инокинь присное утешение.
     Радуйся, кающихся пред Богом грешников непостыдная Заступнице.
     Радуйся, радости небесныя всем нам Подательнице.
     Радуйся Владычице, Благодатное Небо, радость и спасение нам дарующая.

Кондак 12
     Благодать Божественную испроси нам у Сына Твоего и Бога, простри нам руку помощи, отжени от нас всякаго врага и супостата, умири нашу жизнь, да не погибнем люте, без покаяния, но приими нас в вечныя кровы, Богородице, да радующеся поем Богу, Тобою нас спасающему: Аллилуиа.

Икос 12
     Поюще дивная Твоя чудеса, умильно припадаем пред пречистым образом Твоим и, благоговейно лобызающе его, немолчными песньми воспеваем Тя, предивная Царице небесе и земли, и просим Тя, Владычице, услыши наше моление в час сей и благодать Твою нам ниспосли с любовию вопиющим Тебе:
     Радуйся, милостей Сына Твоего и Бога нас сподобляющая.
     Радуйся, десную часть на Суде Сына Твоего молитвами Твоими нам уготовляющая.
     Радуйся, грешников кающихся к покаянию ободряющая.
     Радуйся, скорбным вдовицам и сирым помогающая.
     Радуйся, алчущих и жаждущих правды к Богу приводящая.
     Радуйся, изнемогающих от уныния и печали скорая Утешительнице.
     Радуйся, Церкве Православныя Нерушимая Стено и Небо Благодатное.
     Радуйся, страны нашея Покрове и защищение.
     Радуйся, Благодатное Небо, радость и спасение нам дарующая.

Кондак 13
     О, Всепетая Мати, Невместимаго Бога во чреве вместившая и Радость всему миру родившая! Нынешнее приими пение, вся наша печали на радость преложи, и от всякия избави напасти всех, и будущия изми муки о Тебе вопиющих: Аллилуия, Аллилуиа, Аллилуиа.
Сей кондак читается трижды, затем икос 1-й и кондак 1-й

http://www.kotlovka.ru/index.php?option=com_content&task=view&id=1306
=======================
Богоматерь
БЛАГОДАТНОЕ НЕБО
Государственный исторический музей
 *
Молитва к Пресвятой Богородице перед Ея иконой, именуемой «Благодатное Небо»

     Что Тя наречем, о Благодатная Богомати Богоотроковице, Пренепорочная Марие? 
Киими песнопении возвеличим Тя, возвеличенную Небом и землею, Ангелами и человеки? Явися бо на Тебе неслышанное от века на земли и несведомое Ангелами на Небеси таинство, паче ума и слова, вочеловечения Бога Слова, рожденнаго съискони от Безначальнаго Отца без матери и воплощеннаго в Твоей утробе и с нетленною печатию девства Твоего родившагося. О, чудо всех древних и новых чудес! Непреложное слово Самаго Бога о победоносном семени жены и исполнися и совершися в Безмужней Деве. О, неизмеримая глубина премудрости и величия Божия! Киими имены наречем Тя, о Невесто Неневестная? Зарею ли наречем Тя восходящаго на небе солнца? Но Ты — само Небо, из Тебе бо возсия Солнце Правды — Христос Бог наш, Спаситель грешных. Именуем ли Тя вратами, вводящими в потерянный прародителями рай, обиловавший всеми благами? Но Ты Сама еси благодатный рай, произрастившая Цвет нетления, врачующий смердение греха и зловоние прародительскаго тления. Наречем познавшей брака? Но Ты и до старости пребыла Неискусобрачною и девственною до рождения, и в рождении, и по рождении Сына пребыла еси. Наименуем ли Тя Чистою и Святою Мариею, превозшедшею Своею чистотою всех матерей и праматерей? Но Ты не токмо родила Того младенца Христа, но и носила Его при Своих персех, и питала Твоим матеродевственным млеком, Того, Иже питает всякое создание, Емуже со страхом и трепетом предстоят Небесныя силы и Егоже хвалит всякое дыхание и тварь. О, воистину Ты дивная еси в женах, чудная в девах, неподражаемая в матерех! К Тебе пред Твоими святыми стопами повергаем и слагаем все наши мысли, желания, намерения и чувства. Освяти их Твоим Богоматерним призрением и вознеси их, яко жертву нашего смиреннаго сердца, яко малоценную лепту нашей духовной нищеты, к Престолу Сына Твоего, Спасителя нашего, да имиже весть судьбами управит наш путь ко спасению и наследию Царствия Его, не имущаго конца во веки веков. 
Аминь.
*
БЛАГОДАТНОЕ НЕБО
Москва. Храм Знамения Божией Матери на Переславской слободе.
*
Молитва первая

Что Тя наречем? о Благодатная Богомати Богоотроковице, Пренепорочная Марие? 
Киими песнопении возвеличим Тя, возвеличенную Небом и землею, Ангелами и человеки? Явися бо на Тебе неслышанное от века на земли и несведомое Ангелами на Небеси таинство, паче ума и слова, вочеловечения Бога Слова, рожденного съискони от Безначального Отца без матери и воплощеннаго в Твоей утробе и с нетленною печатию девства Твоего родившегося. О Чудо всех древних и новых чудес! Непреложное слово Самого Бога о победоносном семени жены и исполнися и совершися в Безмужней Деве. О неизмеримая глубино премудрости и величия Божия! Киими имены наречем Тя, о Невесто неневестная? Зарею ли наречем Тя восходящего на небе солнца? Но Ты - само Небо, из Тебе бо воссия Солнце Правды - Христос Бог наш, Спаситель грешных. Именуем ли Тя вратами, вводящими в потерянный прародителями рай, обиловавший всеми благами? Но Ты Сама еси благодатный рай, произрастившая Цвет нетления, врачующий смердение греха и зловоние прародительского тления. Наречем познавшей брака? Но Ты и до старости пребыла Неискусобрачною и девственною до рождения,и в рождении, и по рождении Сына пребыла еси. Наименуем ли Тя Чистою и Святою Материю, превозшедшую Своею чистотою всех матерей и праматерей? Но Ты не токмо родила Того Младенца Христа, но и носила Его при Своих персех и пистала Твоим матеродевственным млеком, Того, Иже питает всякое создание, Емуже со страхом и трепетом предстоят Небесныя Силы и Егоже хвалит всякое дыхание и тварь. О, воистину Ты дивная еси в женах, чудная в девах, неподражаемая в матерех! К Тебе пред Твоими святыми стопам повергаем и слагаем все наши мысли, желания, намерения и чувства. Освяти их Твоим Богоматерним призрением и вознеси их яко жертву нашего смиренного сердца, яко малоценную лепту нашей духовной нищеты, к Престолу Сына Твоего, Спаcителя нашего, да имиже веси судьбами управит наш путь ко спасению и наследию царствия Его, не имущего конца во веки веков. 
Аминь.
*
Благодатное Небо

Молитва вторая

О Пресвятая и Преблагословенная Мати сладчайшего Господа нашего Иисуса Христа! Припадаем и покланяемся пред святою иконою Твоею и смиренно молим Тя, всесильная рода нашего Заступнице, помози нам немощным и грешным и сподоби нас Твоего Матерняго заступления и благопопечения, спаси и сохрани, Владычице, под кровом милости Твоея Церковь Святую, гред сей, храм сей, страну нашу и всех нас, припадающих к Тебе с верою и любовию и умиленно просящих со слезами Твоего заступления. о милостивая Мати, умилосердися на ны, обуреваемыя грехи многими, простри ко Христу Господу богоприимнеи руце Твои и предстательствуй за нас пред благостию Его, просящи прощения прегрешений наших, благочестнаго мирнаго жития, благия христианския кончины и добраго ответа на страшнем судищи Его, да спасаеми всесильными Твоими к Нему молитвами, блаженство райское унследуем, и со всеми святыми воспоем пречестное и великолепое имя достопокланяемыя Троицы, Отца и Сына и Святаго Духа, и Твое велие к нам милосердие во веки веков. 
Аминь.
*
Богоматерь Благодатное Небо.
Кострома. Первая треть XVIII века.
*
Молитва иная
     О, Пресвятая и Преблагословенная Мати Сладчайшего Господа нашего Иисуса Христа! Припадаем и молимся пред святою иконою Твоею и смиренно молим Тя, всесильная рода нашего Заступнице: помози нам немощным и грешным и сподоби нас Твоего Матернего заступления и благопопечения. Спаси и сохрани, Владычице, под кровом милости Твоея Церковь святую, град сей, страну нашу и всех нас, припадающих к Тебе с верою и любовию и умиленно просящих со слезами Твоего заступления. О, Милостивая Мати, умилосердися на ны, обуреваемыя грехми многими, простри ко Христу Господу Богоприятныя руце Твоя и предстательствуй за нас пред благостию Его, просящи прегрешений наших прощения, благочестнаго мирнаго жития, благия христианския кончины и добраго ответа на Страшнем Суде Его, да спасаеми всесильными Твоими к Нему молитвами, блаженство райское унаследуем, и со всеми святыми воспоем Пречестное и Великолепое имя достопокланяемыя Троицы, Отца и Сына и Святаго Духа, и Твое велие к нам милосердие во веки веков.
Аминь.
*

---------------------------------------
 *
Тропарь Пресвятой Богородице перед Ея иконой, именуемой «Благодатное небо»
Тропарь, глас 6:
     Что Тя наречем, о Благодатная? Небо? — яко возсияла еси Солнце Правды; рай? — яко прозябла еси Цвет нетления; Деву? — яко пребыла еси нетленна; Чистую Матерь? — яко имела еси на святых Твоих объятиях Сына, всех Бога. Того моли спастися душам нашим.
Кондак, глас 6:
     Не имамы иныя помощи, не имамы иныя надежды, разве Тебе, Владычице, Ты нам помози, на Тебе надеемся и Тобою хвалимся, Твои бо есмы раби, да не постыдимся.
Величание
     Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем с верою притекающим.
*

==============================
БЛАГОДАТНОЕ НЕБО
Икона Божией Матери Благодатное Небо
Икона Божией Матери 'Благодатное Небо'
Икона Божией Матери 'Благодатное Небо'




------------------------------------------
------------------------------
----

2 комментария:

Анонимный комментирует...

Жадина, не возможно скопировать. А ведь сказано: Просящему - дай!

gianna2410 комментирует...

Ага!Временами,местами и по погоде.

А кто просил то?
Аморфная сущность? Бог весть какого роду и племени?
Нечто, вылезшее из темного угла всемирной сети и злобно шипящее ?!
Это не похоже на просьбу, это похоже на грабеж средь бела дня.

А еще сказано: не мечите бисер перед ...свиньями.

Слова из Нагорной проповеди Иисуса Христа (рус. пер.):

«Не давайте святыни псам и не бросайте жемчуга вашего перед свиньями, чтобы они не попрали его ногами своими и, обратившись, не растерзали вас».

Отправить комментарий

БЛАГОДАРЮ ЗА ВНИМАНИЕ!
Заходите еще.