no copi

четверг, 2 июня 2011 г.

* Митрополит Алексий, святитель Московский и всея России чудотворец *

*
Алексий, митрополит Московский  
Россия, XVIII,  дерево, темпера, 49,5 x 35 см
*
Митрополит Алексий, святитель Московский и всея России чудотворец
Обретение мощей святителя Алексия, митрополита Московского, всея России чудотворца (1431 г.).
** Святителя Алексия, митрополита Московского и всея России чудотворца (обретение и перенесение мощей, 1431).
Обре́тение мощей свт. Московского Алексия, всея России чудотворца (1431).
Ἀνακομιδὴ Τιμίων Λειψάνων Ὁσίου Ἀλεξίου τοῦ θαυματουργοῦ 20 / 5 / 1431

*
Память 12/25 февраля, 20 мая/2 июня и 5/18 октября
*
Святитель Алексей митрополит Московский
*
Житие святого отца нашего Алексия, митрополита Московского и Всея России чудотворца
--
http://www.kotlovka.ru/index.php?option=com_content&task=view&id=954
*
==============================
Алексий Митрополит с житием
ХVI в 116,5x80 см.
Сольвычегодский историко-художественный музей
*
Обретение мощей святителя Алексия, митрополита Московского, всея России чудотворца (1431 г.).
** Святителя Алексия, митрополита Московского и всея России чудотворца (обретение и перенесение мощей, 1431).
Обре́тение мощей свт. Московского Алексия, всея России чудотворца (1431).

--
http://www.kotlovka.ru/index.php?option=com_content&task=view&id=344
*
==========================
Алексий, митрополит Московский  
Россия, XV,  дерево, темпера, 22 х 21 см
Государственный объединенный Владимиро-Суздальский историко-архитектурный и художественный музей-заповедник
 *
Ἀνακομιδὴ Τιμίων Λειψάνων Ὁσίου Ἀλεξίου τοῦ θαυματουργοῦ 20 / 5 / 1431

Ἡ Ἐκκλησία τιμᾶ τὴν μνήμη τοῦ Ὁσίου Ἀλεξίου τοῦ Θαυματουργοῦ, Ἀρχιεπισκόπου Μόσχας, στὶς 12 Φεβρουαρίου.
Τὰ ἱερά λείψανά του, ἀνακαλύφθηκαν στὶς 20 Μαΐου τοῦ 1431. Τὸ 1485, τὰ ἱερὰ λείψανα μετακομίσθηκαν σὲ ναὸ ἀφιερωμένο στὸν Ἅγιο. Σήμερα βρίσκονται στὸν Πατριαρχικὸ Ναὸ τῶν Θεοφανείων τῆς Μόσχας.
*
===========================
Алексий, митрополит Московский  
Россия, XVII,  дерево, темпера, Государственная Третьяковская галерея, Москва
Государственная Третьяковская галерея, Москва
 *
АКАФИСТ митрополиту Алексию, святителю Московскому и всея России чудотворцу
http://www.kotlovka.ru/index.php?option=com_content&task=view&id=1348

Кондак 1     
Избранный архиерею и слуго Великого Архиерея Иисуса, преблаженне Алексие! Яко сподобльшеся многих твоих благодеяний, не имеюще же что воздати, похвальная восписуем ти и от души взываем, проповедающе чудеса твоя: испроси нам от Царя Небеснаго безбедно преити прочее жития сего и достигнути Горняго Иерусалима, да тамо узревше тя в блаженней радости, воззовем к тебе:
     Радуйся, Алексие, великий чудотворче и скорый помощниче.

Икос 1
     Ангеле, от земли прозябый! Великаго Совета Ангел, провидев доброту души твоея, прежде век избра тебе, еже благовестити плененным отпущение и слепым прозрение. Отнюдуже мы, грешнии, светом дел твоих получивше прозрение и грехов отпущение, взываем:
     Радуйся, корене благаго отрасль блажайшая;
     Pадуйся, честных родителей добрейший сыне.
     Радуйся, благоуханнаго сада прозябение;
     Pадуйся, духовным возрождением Богу Отцу усыновленный.
     Радуйся, миропомазанием Святаго Духа запечатленный;
     Pадуйся, имя, яко миро излиянное, свыше восприявый.
     Радуйся, от пелен Богу посвященный;
     Pадуйся, мужественно иго Христово на себе возложивый.
     Радуйся, земная и мимотекущая, яко уметы, вменивый;
     Pадуйся, егоже Человек домовит — Иисус утро наят делателя в виноград Свой.
     Радуйся, образ Божий и подобие свято соблюдший;
     Pадуйся, красото душевныя и телесныя, всех очи увеселяющая.
     Радуйся, Алексие, великий чудотворче и скорый помощниче.

Кондак 2
     Видя откровением Духа Святаго, яко не устоят нечестивии на суде праведном, но суть яко прах, егоже возметает ветр, от младых ногтей, преблаженне Алексие, на совет их не стал еси, но, закону Божию усердно поучаяся, и прочим внушал еси пети: Аллилуиа.

Икос 2
     Разум свыше прием, мал детищ сущь, еже не труждатися всуе в ловлении птиц, потщался еси вся яже на земли красная оставити. Темже мы приглашаем тебе:
     Радуйся, на ловитву человеков призванный,
     Pадуйся, к Горним яко на крилах возлетавый.
     Радуйся, море житейское любомудрием испытавый;
     Pадуйся, волнение его безопасно прошедый.
     Радуйся, земле благая, семя слова Божия восприявшая;
     Pадуйся, земле, плод сторичный произрастившая.
     Радуйся, пшенице, хлеб Небесный устроившая;
     Pадуйся, в житнице Небесной соблюденная.
     Радуйся, обретый многоценный бисер и его всем, елика имел еси, купивый;
     Pадуйся, зельным ношением, яко благовкусною пищею, от юности питавыйся.
     Радуйся, всенощным стоянием и непрестанными молитвами себе в подвизе укрепивый;
     Pадуйся, в море слез твоих множества демонов потопивый.
     Радуйся, Алексие, великий чудотворче и скорый помощниче.

Кондак 3
     Силою свыше, егда облече тя Дух Всесвятый, пастыря Церкви российстей поставляя, тогда всем людем твоим вдыхал еси хвалу: Аллилуиа.

Икос 3
     Подобаше, отче Алексие, с Небесе песни тебе воспеваемей быти, а не от земли: кто бо от человек возможет по достоинству твоея святыни величия поведати? Но мы, любовию твоею побеждаеми, вопием ти сице:
     Радуйся, дольняя и красная мира презревый;
     Pадуйся, вышних красот желанием воспаленный.
     Радуйся, Единаго Христа от сердца возлюбивый;
     Pадуйся, Тому Единому всею душею прилепивыйся.
     Радуйся, правило веры благочестивыя;
     Pадуйся, благий делателю винограда Христова.
     Радуйся, дарованный талант приумноживый;
     Pадуйся, в радость Господа твоего вшедый.
     Радуйся, сладостьми духовными нас насыщающий;
     Pадуйся, благоприятное Богу кадило.
     Радуйся, благоухание молитвы к Престолу Вышняго возносящий;
     Pадуйся, любовный к Богу о нас предстателю.
     Радуйся, Алексие, великий чудотворче и скорый помощниче.

Кондак 4
     Бурю безместных помыслов, от диавола непрестанно воздвизаемую, до конца укротил еси и, радуяся о такове победе, торжественне Богу воспевал еси: Аллилуиа.

Икос 4
     Слыша и видя премногую твою добродетель, пастыря тя Церкве Христовы избирает сословие православное, мы же, о сем веселящееся, глаголем ти:
     Радуйся, достойно возседый на седалище апостольстем;
     Pадуйся, кормило корабля Христова.
     Радуйся, мудрый наставниче;
     Pадуйся, звездо непрелестная, в руце Христовой содержимая.
     Радуйся, в подвизе учительства неутомимый;
     Pадуйся, безвестных и тайных Премудрости Божия проповедниче.
     Радуйся, нелицеприемный Истины поборниче;
     Pадуйся, безбожных и нечестивых устен обличителю и заградителю.
     Радуйся, благовременне и безвременне в учении апостолу поревновавый;
     Pадуйся, властию, данною ти свыше, мудре и душеполезно человеки вязавый и решивый.
     Радуйся, кающихся утешителю;
     Pадуйся, паствы твоея добрый хранителю.
     Радуйся, Алексие, великий чудотворче и скорый помощниче.

Кондак 5
     Боготочною Кровию искупившаго род человеческий от законныя клятвы верою зря Владыку и усердие к Нему любовию распалаемь, непрестанно возглашал еси: Аллилуиа.

Икос 5
     Видев великий князь твое велие духа мужество и любовь к Отечеству твоему, умоли тя пойти к безбожному царю Вердевиру: ты же абие шед благими и кроткими словесы зельный гнев его на род христианский утолил еси. Сия благодеяния твоя, отче наш Алексие, мы, сынове российстии, исповедующе, благодарне вопием ти:
     Радуйся, мужественный Духа воине;
     Pадуйся, столпе крепости нашея от лица вражия.
     Радуйся, оружие, без рати супостаты побеждающее;
     Pадуйся, щите, от напастей ограждающий.
     Радуйся, яко кокош, птенцы своя охраняющий;
     Pадуйся, жезле, падающих подкрепляющий.
     Радуйся, пастырю, волков от стада отгоняющий;
     Pадуйся, душу свою за овцы положити не отрекийся.
     Радуйся, любве Христовы истый хранителю;
     Pадуйся, не яже своя, но яже ближняго взыскавый.
     Радуйся, скорбящих скорое услышание;
     Pадуйся, печальми обуреваемым тихое пристанище.
     Радуйся, Алексие, великий чудотворче и скорый помощниче.

Кондак 6
     Проповедницы твоея святыни нам суть нетленныя твоя честныя мощи, чрез многа лета пред очами нашими лежащия, иже, аще и запечатанным сущим устом твоим молчанием, обаче вопиют непрестанно: Аллилуиа.

Икос 6
     Возсия слава многих чудес твоих не токмо в преславнем граде сем, но и в неверных агарянех, отнюдуже нечестивый царь их Джанибек желаше, да помолишися о ослепшей царице его: ты убо, всю надежду возложив на Врача душ и телес, силою молитв твоих зрение той испросил еси. Мы же, удивльшеся таковому преславному чудеси, взываем ти:
     Радуйся, угодное чудес Божиих орудие;
     Pадуйся, в скудельном сосуде сокровище силы Божия явивый.
     Радуйся, предсказания евангельскаго исполнителю;
     Pадуйся, деснице чудотворения Иисусова.
     Радуйся, язык Христов, словом исцеляяй;
     Pадуйся, апостольския силы сохранителю.
     Радуйся, слепых просветителю;
     Pадуйся, немощных целебниче.
     Радуйся, тайных провидче;
     Pадуйся, бесов от человек прогонителю.
     Радуйся, силою чудес и невернаго царя Церковь почтити и возвеличити преклонивый;
     Pадуйся, не телесное токмо, но и душевное зрение подаваяй.
     Радуйся, Алексие, великий чудотворче и скорый помощниче.

Кондак 7
     Хотящу тебе благоугодити Творцу твоему, не седмый токмо день освящал еси, но всю седмицу жития твоего во святости провождал еси, воспевая Богу: Аллилуиа.

Икос 7
     Новую тя показа тварь Зиждитель, всеблаженне Алексие, земна ангела и небесна человека. Темже чудящеся воспеваем ти:
     Радуйся, отче наш, обитаяй духом в Небеси, а телом на земли опочиваяй;
     Pадуйся, дивная величия Божия всем поведаяй земнородным.
     Радуйся, плоть духу покоривый;
     Pадуйся, пленивый разум свой в послушание веры.
     Радуйся, рыкающаго адскаго льва уста заградивый;
     Pадуйся, огнь похоти плотския погасивый.
     Радуйся, сребролюбия идол сокрушивый;
     Pадуйся, над всеми кознями вражиими восторжествовавый.
     Радуйся, отвергийся себе и волю свою воле Божией покоривый;
     Pадуйся, питавыйся сокровенным хлебом Небесным.
     Радуйся, алкавый и жаждавый единыя правды;
     Pадуйся, Царствие Божие внутрь себе вселивый.
     Радуйся, Алексие, великий чудотворче и скорый помощниче.

Кондак 8
     Странное чудо житие твое, святителю, является притекающим ко всечестным мощем твоим, при нихже и малое моление приносящим, велия всегда благодать от Бога подается, юже приемлюще, друг со другом радостно Богу возглашаем: Аллилуиа.

Икос 8
     Весь ум свой имея в вышних вперен, и нижних, паству твою, не оставил еси, молитвы о ней возсылая ко Всевышнему Владыце, преподобне Алексие. Не забуди и ныне нас, приглашающих тебе усердне:
     Радуйся, горо, добродетельми выше Небес вознесенная;
     Pадуйся, реко, скверны наша омывающая.
     Радуйся, источниче, жажду греховную утоляяй;
     Pадуйся, каменю драгий, всю Российскую землю украшаяй.
     Радуйся, злато, во вся концы блещание от себе испущающее;
     Pадуйся, сребро, седмерицею от скверн греховных очищенное.
     Радуйся, кимвале, всех на славословие Божие созываяй;
     Pадуйся, светильниче, седящих во тьме озаряяй.
     Радуйся, древо, от жара греховнаго осеняющее;
     Pадуйся, благотучная ветве лозы Христовы.
     Радуйся, Таинственнаго Тела здравый члене;
     Pадуйся, чадо славы воскресения.
     Радуйся, Алексие, великий чудотворче и скорый помощниче.

Кондак 9
     Всякое безместных страстей востание благодатию Господнею до конца потребил еси в мертвенней плоти твоей, святителю Алексие! Темже и был еси яко древо, насажденное при исходищах вод, плод дая во время свое и поя Богу: Аллилуиа.

Икос 9
     Ветия многовещанныя превозшел еси духовною силою слова твоего, поведая людем дивная величия Божия и питая гладныя души хлебом с Небесе. Мы же, таковая сердцем объемлюще, благодарне тебе зовем:
     Радуйся, кедре, в Церкви Христово, яко в Ливане, умноженный;
     Pадуйся, яко финикс, в дому Божием процветый.
     Радуйся, кипарисе, верных сердца благовонием исполняяй;
     Pадуйся, винограде, сладкое благочестия вино нам источаяй.
     Радуйся, крине, горняя поля украшаяй;
     Pадуйся, смоковнице благоплодная.
     Радуйся, пшенице, чистым хлебом гладныя питающая;
     Pадуйся, маслино, елей милости изливающая.
     Радуйся, цвете, от корене Христова процветый;
     Pадуйся, сладкое вино, в точиле Иисусовом изгнетенное.
     Радуйся, безсмертным питием днесь напаеваемый;
     Pадуйся, и нам трапезу Небесную уготовляяй.
     Радуйся, Алексие, великий чудотворче и скорый помощниче.

Кондак 10
     Спасти хотя вверенныя ти люди, закон и Евангелие по вся дни проповедал еси: да, познавше многая своя прегрешения, прибегают с молением непрестанно ко Христу, Спасителю мира, от Негоже приемлющих прощение, научал еси их пети: Аллилуиа.

Икос 10
     Стена еси, всеблаженне Алексие, Горняго Иерусалима, от десяти заповедей, яко от десяти велиих камений, Духом Святым устроенная! Имел бо еси закон Господень посреде чрева твоего, темже и глаголем ти:
     Радуйся, Единаго Бога и Егоже послал есть Иисуса Христа познавый;
     Pадуйся, яко не поклонился еси кумиру временнаго благополучия.
     Радуйся, яко николиже приял еси имене Господа Бога твоего всуе;
     Pадуйся, от юности всяк час жития твоего Богови посвятивый.
     Радуйся, яко всех, иже отцы и матери наричутся, почтил еси;
     Pадуйся, до конца гнев на ближняго в сердце твоем истребивый.
     Радуйся, похоти плотския постом и трудами от себе прогнавый;
     Pадуйся, руце свои от лихоимания и хищения всегда удержавый.
     Радуйся, уста твоя от осуждения и клеветы обуздавый;
     Pадуйся, сердце твое от зависти и ненависти очистивый.
     Радуйся, удаливыйся от надмения фарисейскаго;
     Pадуйся, истый образе мытарева смирения.
     Радуйся, Алексие, великий чудотворче и скорый помощниче.

Кондак 11
     Пение ангельское совершашеся, егда святая твоя душа от земных преставляшеся к Небесным, ихже един лик по Едином взываше: Аллилуиа.

Икос 11
     Многосветлыми лучами блистает житие твое, отче Алексие! Отнюдуже многим ликом праведных духов сопричастна тя видяще, вопием ти:
     Радуйся, пророче, волю Господню нам открывый;
     Pадуйся, апостоле, Евангелие Царствия Божия кающимся благовестивый.
     Радуйся, пастырю, о славе Божией ревновавый;
     Pадуйся, мучениче, изволением душу свою за паству положивый.
     Радуйся, постниче, вземший крест свой на рамо и тесным путем в след за Христом шедый;
     Pадуйся, священниче, Безкровную Жертву о людех приносивый.
     Радуйся, Херувиме, на немже опочи Господь Славы;
     Pадуйся, шестокрилатый Серафиме, вопияй непрестанно Трисвятую песнь Господу Саваофу.
     Радуйся, девственниче ангелоподобный;
     Pадуйся, многи обители на славословие Божие устроивый.
     Радуйся, друга Божия Преподобнаго Сергия присный друже;
     Pадуйся, яко егоже желал еси зде зрети преемником своим, того зриши днесь тамо вкупе с тобою Престолу Божию предстояща.
     Радуйся, Алексие, великий чудотворче и скорый помощниче.

Кондак 12
     Благодать, яже бысть Иисус Христос, твоими пречистыми усты граду сему всегда бысть проповедана. Отнюдуже вси, Христу поклоняющеся, пояху: Аллилуиа.

Икос 12
     Поюще велия твоя, Алексие досточудне, исправления и подвиги, недоумеем воистинну, како наречем тя; от всех бо благих дел, яко град красен, себе Творцу устроил еси. Темже взываем ти:
     Радуйся, Адамово падение благодатию Христовою в себе исправивый;
     Pадуйся, по изгнании из земнаго рая Небесный рай улучивый.
     Радуйся, Авелю, Кровию Христовою окропленный;
     Pадуйся, новый Енох, угодивый Господеви.
     Радуйся, Илие, огненною добродетелей колесницею вознесенный;
     Pадуйся, Елисее, сугубую благодать восприявый.
     Радуйся, Ное, от потопа беззаконий благодатию Христовою, яко ковчегом древ негниющих, спасшийся;
     Pадуйся, Аврааме, не сына, но себе самаго в жертву Богу принесший.
     Радуйся, Исаие, на Престоле высоце и превознесенне лицем к лицу Господа зрящий;
     Pадуйся, Израилю, молитвою укрепивыйся с Богом и благословение вечное от Него приемый.
     Радуйся, Самуиле, царем благословение подаваяй;
     Pадуйся, наследниче Божий и сонаследниче Христов.
     Радуйся, Алексие, великий чудотворче и скорый помощниче.

Кондак 13
     О пастырю наш предобрый и светильниче многосветлый, всечестне Алексие! Приими сие малое тебе хваление наше и испроси нам у Христа Бога утверждение в вере, еже ходити во всех заповедех и оправданиих Господних безпорочно, Отечеству же нашему мир и благоденствие, да сподобимся вечно в радости блаженней воспевати Богу: Аллилуиа.
Этот кондак читается трижды, затем 1-й икос и 1-й кондак
*
===========
Алексий, митрополит Московский  
Россия, XVII,  дерево, темпера, 59,4 х 42,0 см
Икона представляет собой спилок с двойного образа. Первоначально над ростовым изображением митрополита Алексия, выше полосы орнамента, имитирующей раскрашенное тябло, на той же доске находилось поясное изображение пророка.
Костромской государственный историко-архитектурный и художественный музей-заповедник "Ипатьевский монастырь"
*
Молитва  Святителю Алексию Московскому и всея России чудотворцу

Еще при своей земной жизни митрополит Алексий исцелял глазные болезни. Святителю Алексию молятся и о даровании прозрения.
--
Молитва

О пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Алексие! Предстоя у Престола всех Царя, и наслаждаяся Света Единосущныя Троицы, и херувимски со Ангелы возглашая песнь Трисвятую, велие и неизследованное дерзновение имея ко Всемилостивому Владыце, молися спасти люди паствы твоея, единородный ти язык; благостояние святых церквей утверди, архиереи благолепием святительства украси; монашествующия к подвигом добраго течения укрепи; град сей (или: весь сию; аще во обители: святую обитель сию) и вся грады и страны добре сохрани и веру святую непорочну тем соблюсти Господа умоли; мир весь умири, от глада и пагубы избави ны и от нападения иноплеменных сохрани нас; старыя утеши, юныя накажи (научи), безумныя умудри, вдовицы помилуй, сироты заступи, младенцы возрасти, плененныя возврати, немощствующия исцели и везде тепле призывающих тя и с верою притекающих к раце честных и многоцелебных мощей твоих, усердно припадающих и молящих ти ся от всяких напастей и бед ходатайством твоим свободи, да зовем ти: о Богоизбранный пастырю, звездо всесветлая мысленныя тверди, тайнаго Сиона необоримый столпе, миродохновенный цвете райскии, всезлатая уста Слова, московская похвало, всея России украшение! Моли о нас Всещедраго и Человеколюбиваго Христа Бога нашего, да в День страшнаго Пришествия Его шуияго стояния избавит нас и радости святых причастники сотворит со всеми святыми вовеки.
Аминь.
Тропарь, глас 8
Яко Апостолом сопрестольна, и врача предобра, и служителя благоприятна, к раце твоей честней притекающе, святителю Алексие, богомудре чудотворче, сошедшеся любовию в память твою, светло празднуем, в песнех и пениих радующеся и Христа славяще, таковую благодать тебе даровавшаго исцелений и граду твоему великое утверждение.
*
==================
Алексий, митрополит Московский  
Россия, XVI,  дерево, темпера,
Рязанский областной художественный музей
Иконописец: Давид Сирах, иконописец - выходец с Балкан, живший и работавший в Троице-Сергиевом монастыре
*
Молитва иная
    
О священнейший отче, святителю Христов Алексие, пастырю и учителю наш, не отрини нас (имена), с верою притекающих к твоему заступлению, но скоро потщися помолитися Царю царствующих и Господу господствующих, да избавит стадо Свое от волков, губящих е, и всяку страну христианскую огради и сохрани святыми твоими молитвами от мирскаго мятежа и труса, нашествия иноплеменник и междоусобныя брани, от глада же и губительства, потопа, и меча, и огня, и напрасныя смерти, и якоже исцелением от слепоты царицы агарянския спасл еси отечество твое, тако помилуй и нас, умом, словом и делом во тьме греховней сущих, и избави нас гнева Божия и вечныя казни, яко да твоим ходатайством и помощию, Своим же милосердием и благодатию, Христос Бог тихое и безгрешное житие даст нам пожити в веце сем и на Страшнем судище Своем сподобит деснаго стояния со всеми святыми.
Аминь.
*
==========
АЛЕКСИЙ и ФИЛИПП, свв., и св. мч. ТАТИАНА в молении перед образом Божьей Матери Споручницы Грешных
*
Тропарь святителю Алексию, Московскому и всея Руси чудотворцу


Тропарь, глас 8:

     Яко Апостолом сопрестольна, и врача предобра, и служителя благоприятна, к раце твоей честней притекающе, святителю Алексие, богомудре чудотворче, сошедшеся любовию в память твою, светло празднуем, в песнех и пениих радующеся и Христа славяще, таковую благодать тебе даровавшаго исцелений и граду твоему великое утверждение.
Тропарь, глас 2 (Обретение мощей):
     Яко сокровище пребогатое, многолетно в земли сокровенное, честныя мощи твоя обретошася чудоточащия, всеблаженне отче святителю Алексие: от нихже врачевство приемлюще, обогащаемся и Христа славословим, глаголюще: слава прославляющему святыя Своя.
Ин тропарь, глас 4:
     Апостольских преемников, архиереев сопрестольниче, России всея пастырю и учителю, всеблаженне отче Алексие, Владыце всех молися, мир пастве твоей даровати, и спасение душам, и велию милость.
Ин тропарь, глас 3:
     Свыше от Бога глас глаголющ услышав, от юности подвизався, мудре, в молитвах и во умилении, и слезах, во бдениих же и пощениих образ быв добродетели, отонюдуже и дом Духу Пречистому явися. Сего ради Русския митрополии архиерейским саном почтен быв, Христово стадо упасл еси добре, еретическая нападения, не усумнеся, отрази и церкви воздвиже Христови, святителю Алексие, иночествующих лики собра и сих Христови привел еси. Умре же, явися, яко спящ, цел, соблюден бысть пред многими леты, подавая цельбы болящим. Тем молим тя: моли Христа Бога спасти град твой Москву неврежден и страну и православныя люди по велицей Его милости.
Кондак, глас 8:
     Яко солнце незаходимое от гроба возсия нам, от мног лет сокровены честныя твоя мощи нетленны, святителю Алексие, тобою благодать приемлем: всю бо страну сию, и вся ны чудесы и добротою обогащаеши, действом благодати, да поем ти: радуйся, отче, светило России.
Ин кондак, глас 3:
     Яко светоносная память святителя всем разруши уныние и свет облиста Небесных Даров, всех созывающи на веселие: от Бога бо, святителю Алексие, благодать обрете прогоняти недуги и вся человеки исцеляти и мнихом же степень показася.
Величание
     Величаем тя, святителю отче Алексие, и чтим святую память твою, ты бо молиши за нас Христа Бога нашего.
*

=========================
Свв. Алексий и Филипп, митрополиты Московские, и св. муч. Татьяна. Oк. 1750 г. Урал.
*
Обретение мощей святителя Алексия, митр. Московского и всея России, чудотворца.

Тропарь, глас 2.
Яко сокровище пребогатое, многодетно в земли сокровенное,/ честныя мощи твоя обретошася чудоточащия,/ всеблаженне отче святителю Алексие:/ от нихже врачевство приемлюще, обогащаемся/ и Христа славословим, глаголюще:/ слава прославляющему святыя Своя.
Ин тропарь, глас 4.
Апостольских преемников архиереев сопрестольниче,/ России всея пастырю и учителю,/ всеблаженне отче Алексие,/ Владыце всех молися/ мир пастве твоей даровати,/ и спасение душам,/ и велию милость.
Ин тропарь, глас 3.
Свыше от Бога глас глаголющ услышав,/ от юности подвизався, мудре,/ в молитвах, и во умилении, и слезах,/ во бдениих же и пощениих образ быв добродетели,/ отонюдуже и дом Духу Пречистому явися./ Сего ради Русския митрополии архиерейским саном почтен быв,/ Христово стадо упасл еси добре,/ еретическая нападения, не усумнеся, отрази/ и церкви воздвиже Христови, святителю Алексие,/ иночествующих лики собра/ и сих Христови привел еси./ Умре же, явися, яко спящ,/ цел соблюден бысть пред многими леты,/ подавая цельбы болящим./ Тем молим тя:/ моли Христа Бога спасти град твой Москву неврежден/ и страну и православный люди по велицей Его милости.
Ин кондак, глас 3.
Яко светоносная память святителя/ всем разруши уныние/ и свет облиста Небесных даров,/ всех созывающи на веселие:/ от Бога бо, святителю Алексие, благодать обрете прогонити недуги/ и вся человеки исцеляти,/ и мнихом же степень показася.
Кондак, глас 8.
Яко солнце незаходимое, от гроба возсия нам/ от мног лет сокровены честный твоя мощи нетленны,/ святителю Алексие,/ тобою благодать приемлем:/ всю бо страну сию и вся ны чудесы и добротою обогащавши,/ действом благодати, да поем ти:/ радуйся, отче, светило России.
*
==========================
Святитель Алексий, митрополит Московский, и преподобный Сергий Радонежский Икона середины ХХ века.
Алексий, митрополит Московский  
Россия, XVIII,  дерево, темпера, 147 x 74 см
Алексий, митрополит Московский  
Россия, XVIII,  дерево, темпера, 105,5 х 78,5 см

Святитель Алексий представлен на фоне Московского Кремля, архитектура которого соответствует началу XVIII века - времени написания иконы. На переднем плане - часть стены с башнями и выкопанный вдоль нее в XVI веке со стороны Красной площади ров с зубчатым ограждением. Через ров перекинут мост, ведущий к проездной Спасской башне. Из построек на территории Кремля выделяются колокольня Ивана Великого, массивный Успенский собор, виднеются главки соборов Чудова монастыря, в котором был погребен митрополит Алексий, женского Вознесенского монастыря, многие церкви и жилые дома. Над изображением Кремля надпись: "Б [о] г [о]хранимый ц[а]р[с]твующий град Моск[ва}". В нижней части композиции другая надпись, заключенная в орнаментальную рамку: "Алексий митрополит пас ц[е]рковъ Б[о[жию лет две десять четыре и преставися в лето шесть тысящ пять[с]от осмь десять шестом, и положен бысть в Чюдове м[о]н[ас]тыре". В указание года смерти святого при поновлении иконы вкралась ошибка. Вместо даты "6886" (по летосчислению от сотворения мира, 1378 год от Рождества Христова) указана дата "6586 год".
Государственный художественный и историко-архитектурный музей-заповедник "Коломенское", Москва
Апостолы Петр и Павел, со святителями Петром, Алексием, Филиппом и Ионой, митрополитами Московскими, в молении Христу Великому Архиерею. Конец XVII века. Кострома.
Икона Святой митрополит Алексий, в молении Всемилостивому Спасу. XVII век (из Свято-Троицкого скита на о. Анзер).
Св. Алексий, митрополит Московский, и прп. Серафим Саровский в молении перед Феодоровской иконой Богоматери
Святитель Алексий, митрополит Московский и всея Руси. Икона конца ХХ века
Ἀνακομιδὴ Τιμίων Λειψάνων Ὁσίου Ἀλεξίου τοῦ θαυματουργοῦ



--------------
---------
---

Комментариев нет:

Отправить комментарий

БЛАГОДАРЮ ЗА ВНИМАНИЕ!
Заходите еще.