no copi

четверг, 13 октября 2011 г.

* Преподобный Григорий Пельшемский *

*
Преподобный Григорий Пельшемский, Вологодский чудотворец
Фреска Троицкого собора Троице-Сыпанова Пахомиево-Нерехтского женского монастыря Костромской епархии. 2004 г.
Алёшин А.В
*
Преподобный  
Григорий Пельшемский
Преподобный Григорий Пельшемский, Вологодский чудотворец
(1442 г.)
Преподобный Григорий, игумен обители на Пельшме реке, Вологодского чудотворца
Ὁ Ὅσιος Γρηγόριος ὁ ἐν τῷ ποταμῷ Πεσόμα (Ρῶσος)
*
Прп. Григорий Пельшемский. Алёшин А.В. (Иконописная школа). Фреска Троицкого собора Троице-Сыпанова Пахомиево-Нерехтского женского монастыря Костромской епархии. 2004 г.
*
Преподобный Григорий Пельшемский

http://www.kotlovka.ru/index.php?option=com_content&task=view&id=2467
*
=========
Преподобный Григорий Пельшемский, Вологодский чудотворец
Прорись. Сергиев Посад. 1970-е годы. 26 х 11.8 см
Монахиня Иулиания (Соколова).
 ========
Преподобный Григорий, игумен обители на Пельшме реке, Вологодского чудотворца

Преподобный Григорий происходил из города Галича1 от благородных и благочестивых Галичских дворян Лопотовых, и тщательно был воспитан в научении книжном. Познав суету настоящего мира, он отверг ее и покинул родительский дом. Ища удобного места для богомыслия, он пришел в Желтоводский монастырь  к преподобному игумену Макарию2, принял от него пострижение и в его монастыре поучался подвигам иноческой жизни, преуспевая особенно в постничестве. За его строгую добродетельную жизнь блаженный Макарий сподобил его принять на себя сан священства. Затем преподобный Григорий был назначен игуменом Богородицерождественского, что близ Гялчиского озера, монастыря и, таким образом, умножились его труды и заботы. Слух о добродетельной жизни преподобного скоро проник в палаты княжеские. Князь Галицкий Юрий3 умолил преподобного крестить у него двух сыновей, а великий Московский князь Василий Дмитриевич4 желал сделать преподобного архимандритом в городе Ростове. Избегая человеческой славы, преподобный оставил игуменство в Богородицерождественском монастыре и удалился в места никому не известные и непроходимые. Услыхав о преподобном Дионисии Глушицком5, он пришел в монастырь последнего и десять лет прожил у него в послушании. Затем преподобный Григорий удалился в пустыню на восток от Глушицкого монастыря, где и стал жить в непрестанных трудах и богоугождении. Когда стала собираться к нему сюда братия, он устроил церковь во имя "честного собора Пресвятой богородицы", обнес монастырь оградой и пребывал в стенах монастыря в непрерывных трудах и неослабных всенощных молитвословиях. Он особенно отличался способностью примирять враждующих и гневающихся. Когда князь Василий Васильевич6 был изгнан из Москвы и великокняжеский престол насильственно занял князь Юрий, преподобный Григорий пришел в Москву и смелыми и мудрыми речами увещевал князя Юрия не владеть чужим наследственным столом и возвратиться в свое отчество - Галич. Там по ходатайству преподобного, между князьями Юрием и Василием был восстановлен мир, и они оба заняли принадлежавшие каждому княжеские столы. В то время в Вологду с большим войском пришел князь Димитрий7, и причинил много бедствий горожанам. Святой Григорий, ревнуя о благополучии христианских жителей города, явился к князю Димитрию и обличал его во всех тех напастях, которые он причинял христианам. не терпя обличений преподобного, князь приказал сбросить его с моста в реку. Сию обиду преподобный перенес с радостью, благодаря Бога.
После многих лет богоугодной жизни, предчувствуя приближение своей смерти, преподобный призвал к себе братию монастыря, дал ей наставление и поставил ей вместо себя игумена. После сего преподобный изнемог. Когда приблизилась его кончина он дал братии последнее завещание, говоря:
- Когда душа моя разлучится с телом, не удостаивайте меня никаких почестей, а просто, взявши за ноги мое тело, стащите его в болото.
Говоря сие, он лег на свой одр, осенил себя крестным знамением, и предал свою святую душу8 в руки Христа Бога, Которого он возлюбил от юности и Которому со всем усердием, правдою и святостью жизни благоугождал в жизни.
Ныне же преподобный Григорий в сонме святых и преподобных, предстоя престолу Божию, молит Его благость о нас грешных, верующих во Отца, Сына и Святого Духа, Единого в Троице Бога прославляемого и поклонением почитаемого ныне и присно и во веки веков.
Аминь.

http://iconsv.ru/*
=================
Прп. Григорий. Монахиня Иулиания (Соколова). Рисунок. Сергиев Посад. 1970-е годы. 26 х 11.8. Прорись - образец иконописного кружка. Собрание Иконописной школы.
 ================
АКАФИСТ преподобному отцу нашему Григорию, иже на Пельшме реце, Вологодскому чудотворцу
http://www.kotlovka.ru/index.php?option=com_content&task=view&id=1609

Кондак 1
     Возбранный угодниче Христов, святе Григорие, яко благий раб вшедый в радость Господа твоего, моли Владыку небесе и земли подати нам благодать свыше, с терпением до конца понести благое и легкое иго Его, да зовем ти, якоже чада ко отцу:
     Радуйся, угодниче Христов Григорие Богомудре.

Икос 1
     Ангелов лицы твоему великому во спасительных подвизех терпению удивишася; и мы, ублажающе благодатное звание твое на служение Господу, радостно возглашаем тебе:
     Радуйся, от пелен избранный Богу;
     Радуйся, добротами Духа издетска украшенный.
     Радуйся, чистотою душевною возсиявый;
     Радуйся, знамения благодати яве в себе носивый.
     Радуйся, древо, насажденное посреде Церкве Божия;
     Радуйся, цвете Божественнаго сада.
     Радуйся, благовозделанная лозо винограда Христова;
     Радуйся, от юнаго возраста тесным путем шествовати избравый.
     Радуйся, от младости себе Христу возложивый;
     Радуйся, угодниче Христов, Григорие Богомудре.

Кондак 2
     Видя благая мира сего скоротечна и непостоянна, ум твой ко Творцу возложив, пренебрегл еси рода светлость, лесть богатства временнаго, и от юности возлюбил еси возлюбившаго тя, еже взывати к Нему: Аллилуиа.

Икос 2
     Разум лжеименен ко спасению ведя, озаритися свыше восхотел еси: сего ради с разумом и волю в послушание пленяя вере, в терпении восхотел еси стяжати душу твою. Тем и мы, от отрочества тя избранный сосуд благодати ведяще, вопием к тебе:
     Радуйся, Духа Святаго благоприятное обиталище;
     Радуйся, благодатный плод в души твоей возделавый.
     Радуйся, насаждение во дворех дому Бога нашего красно процветшее;
     Радуйся, ангельское житие возлюбивый.
     Радуйся, от младых ногтей стезям подвигоположника последовавый и душу твою Богу сочетавый;
     Радуйся, сладости плотскаго сожития богомудре презревый.
     Радуйся, яко изволением Божиим и родителие твои соизволиша, да работаеши Христу;
     Радуйся, яко возлюбив нищету некрадому, богатство родителей твоих оставил еси.
     Радуйся, яко рабы твоя и рабыни свободив, всего себе Христу поработил еси;
     Радуйся, угодниче Христов, Григорие Богомудре.

Кондак 3
     Силою невидимою веден был еси в незнаемая и непроходимая места, егда убегая славы человеческия, честь и достояние земное оставил еси, пришел же еси во обиталище неведомо, хотя в скорбех научитися пети: Аллилуиа.

Икос 3
     Имея твердое предложение до конца оставити мир, по преставлении честных родителей твоих, вся имения твоя нищим и убогим раздал еси, да стяжеши себе сокровище на небеси, егоже обрести сподоби и нас, песнословящих тя:
     Радуйся, славная мира сего во уметы вменивый;
     Радуйся, яко душею твоею предложивый собрати богатство нетленное.
     Радуйся, в веселии сердца крест Христов на рамо твое вземый;
     Радуйся, христолюбивыми трудами крепость духа стяжавый.
     Радуйся, слезами, яко росою, душевную ниву напоивый;
     Радуйся, тщавыйся не себе, но Христу жити безстрастием.
     Радуйся, совестию чистою в молитвах аки безплотен бывый;
     Радуйся, на богокрасную доброту взирая, от плотския доброты око твое отвративый.
     Радуйся, постом, бдением, воздержанием лесть мира и плоти низложивый;
     Радуйся, угодниче Христов, Григорие Богомудре.

Кондак 4
     Бурю страстей, во плоти человечестей волнующуюся, от юна возраста укротити тщился еси, егда в сердце твое начало премудрости страх Божий всадив, и быв исполнен им, николиже детским глумлением примешался еси, но во дни и в нощи закону Божию поучался, песненно глаголал еси: Аллилуиа.

Икос 4
     Слыша труды и подвиги богоноснаго Дионисия, ученик был еси его: преуспевшее в добродетелех его, обитель нову наздати восхотел еси. И мы, вкушающе ныне плоды трудов твоих, в веселии воспеваем:
     Радуйся, в подвизех великому Дионисию соревновавый;
     Радуйся, в силе Христове Евангельским путем шествовавый.
     Радуйся, бдением и молитвою душу твою очистивый;
     Радуйся, лествицею добродетелей на мысленное небо возтекий.
     Радуйся, смирением высокая, нищетою богатая стяжавый;
     Радуйся, обитель яко сад небесный насадивый.
     Радуйся, в подвизех образ иноком бывый;
     Радуйся, пустынный жителю, в телеси ангелом подобивыйся.
     Радуйся, безмолвия любителю, духом твоим в вышних обитавый;
     Радуйся, угодниче Христов, Григорие Богомудре.

Кондак 5
     Боготечное к Царствию Небесному совершая шествие, потщался еси в любви Христове и иных на стези правыя к нескончаемей жизни направляти, да умудреннии тобою во спасение зовем: Аллилуиа.

Икос 5
     Видевше владыцы и князи людстии благоразсудливость и добродетели твоя, преподобне, искаху просветитися и пользоватися от тебе, якоже сотвори князь отечественныя страны Юрий, егоже чад крещением просветил еси. Темже восхваляем тя:
     Радуйся, истиннаго разума учителю;
     Радуйся, пути, вводящаго в жизнь, наставниче.
     Радуйся, прилежно обучавыйся и обучавый благочестию;
     Радуйся, верно утверждавыйся и утверждавый в православии.
     Радуйся, покланявыйся Богу духом и истиною;
     Радуйся, служивый Ему во исповедании устен и сердца.
     Радуйся, веры истинныя блюстителю;
     Радуйся, уставов и законоположений Церкве хранителю.
     Радуйся, иноков богосветлый вождю;
     Радуйся, угодниче Христов, Григорие Богомудре.

Кондак 6
     Проповедуют вернии миротворение твое, преподобне, егда услышав нестроение двух князей, единаго низвержена со престола, другаго же нагло похитивша чуждое наследие, потщался еси шествовати в царственный град Москву и примирению княжеску послужити, да при восприятии киимждо своего воспеваеши с ними: Аллилуиа.

Икос 6
     Возсия ревность твоя по достоянии Христове благосерде, егда строптивый князь Димитрий прииде злобно на град Вологду со ратию и многа зла людем сотвори; ты же небоязненно обличив неистовство его, яко миротворец, безчестие и поругание претерпел еси. Сего ради видяще миролюбный подвиг твой, достойно восхваляем тя:
     Радуйся, мира и правоты в людех блюстителю;
     Радуйся, мщения и злобы от сердец искоренителю.
     Радуйся, твердый защитниче невинности и неправедных умышлений обличителю;
     Радуйся, градов и граждан умирителю.
     Радуйся, готовый в напастех защитниче;
     Радуйся, властолюбия прогонителю.
     Радуйся, от смут и треволнений житейских исхитителю;
     Радуйся, ходатаю о людех пред Богом и пред князи людий.
     Радуйся, яко тобою познаем, коль красно быти в мире;
     Радуйся, угодниче Христов, Григорие Богомудре.

Кондак 7
     Хотящу ти спасти чад, тобою собранных, любовь, корень всех благих, заповедал еси имети им между собою, юже хранящим обещал еси ни в чесомже имети оскудение. Испроси и нам у Человеколюбца Христа благодать братолюбия, да поем: Аллилуиа.

Икос 7
     Нова тя показа Господь угодника и всей Российстей, паче же Вологодстей, стране; обитель бо уготовав себе Духу Святому, обитель для спасения иночествующих создал еси, в нейже труды ко трудом прилагая, христоподражательный пример учеником твоим оставил еси, наньже взирающе, тебе вернаго наставника восхваляем:
     Радуйся, благодати жилище в себе уготовавый;
     Радуйся, доме Духа Святаго, дом для приметающихся к дому Божию устроивый.
     Радуйся, пустынолюбный орле, для птенцев твоих пустыню мира избравый;
     Радуйся, наставниче безмолвствующих.
     Радуйся, на воде покойне слез и умиления воспитавыйся;
     Радуйся, тоюжде пищею поста и воздержания и последователей твоих питавый.
     Радуйся, силу Христову в немощи явивый и тоюже силою благодушно немощи немощных носивый;
     Радуйся, молитвенниче, молитвы твоя о врученных тебе прилежно возносивый.
     Радуйся, темиже молитвами стадо твое утверждавый;
     Радуйся, угодниче Христов, Григорие Богомудре.

Кондак 8
     Странно и пришельчески жительствовати на земли Христа ради изволивый, странное для сущих от мира житие пожил еси: долу бо горняя мысля, и на земли небесная дея, и в мире сый не был еси от мира. Темже мы, ублажающе небесное на земли жительство твое, глаголем Богу: Аллилуиа.

Икос 8
     Всем сердцем предан был еси Христу Богу в животе твоем, богоносе, Емуже и работал еси в преподобии и правде; сего ради и Господь, видя труды твоя, бдение же и пощение, еще в жизни прослави тя подвигами святости, яже воспевающе, тебе глаголем:
     Радуйся, тайн Божиих верный строителю;
     Радуйся, верный священнодействователю служения Господня.
     Радуйся, светильниче, на свещнице благодатнем поставленный;
     Радуйся, бодренный делателю вертограда Христова.
     Радуйся, мудрствовавый яже во Христе Иисусе;
     Радуйся, яко дея учил еси презирати плоть, прилежати же о души, вещи безсмертней.
     Радуйся, плоть уму, а ум духу покоривый;
     Радуйся, духом ходивый и похоти плотския отгнавый.
     Радуйся, различными страстьми боримым помощниче;
     Радуйся, угодниче Христов, Григорие Богомудре.

Кондак 9
     Всякое тщание прилагал еси, богоблаженне, еже возгражденную от тебе обитель соделати вертоградом благоплодным, да делателе его, наслаждающеся во время свое плодами трудов твоих, воспевают согласно Богу в день вечнаго веселия: Аллилуиа.

Икос 9
     Витии многовещаннии суть деяния жития твоего, имиже, яко благоглаголивыми устами, научаеши нас возвещати хвалу Господню и глаголати к тебе:
     Радуйся, богомудрая доброто;
     Радуйся, небесный человече и земный ангеле.
     Радуйся, смиренномудрия рачителю;
     Радуйся, светильниче, в нощи мира сего нас озаряя.
     Радуйся, заповедий владычних бодрственный блюстителю;
     Радуйся, шествующих путем Христовым спутниче и водителю.
     Радуйся, колеблющихся в вере утверждение;
     Радуйся, ослабевающих в подвизех укрепление.
     Радуйся, световодителю блуждающих в стезях стропотных;
     Радуйся, угодниче Христов, Григорие Богомудре.

Кондак 10
     Спасти хотя во обитель твою притекших, егда познал еси отшествие твое от мира к премирней жизни и от трудов к покою, призвал еси братию твою, юже, яко добрый пастырь, наставив работати в мире Господу, вручил еси их нову игумену, душу же твою Богу предал еси, воспевая: Аллилуиа.

Икос 10
     Стену крепку в немощех и забрало необоримо от всяких наветов вражиих, показа тя Вседетель чудодействием во святем преставлении твоем: начавшу бо совершатися обычному надгробному о тебе пению и целованию последнему, бесный изцеле, и одержимый болезнию очес инок тогда же исповеда пред всеми внезапное свое изцеление; обрадованная же братия и ученицы, видевше таковое прославление свыше своего пастыря, воспета единеми усты:
     Радуйся, авво всеблаженне, бодрственно совершивый добрый подвиг;
     Радуйся, к премирному возшедый пребыванию.
     Радуйся, класы присноживотия пожавый;
     Радуйся, благодать чудес от Бога приемый.
     Радуйся, бесовския полки победивый;
     Радуйся, вся стрелы лукаваго разжженныя угасивый.
     Радуйся, море житейское благотишно преплывый;
     Радуйся, к нестареющейся жизни прешедый.
     Радуйся, небесный покой онаго века улучивый;
     Радуйся, угодниче Христов, Григорие Богомудре.

Кондак 11
     Пение благодарственное в сердцы выну принося Христу, приведшему тя непреткновенна посреде сетей многих; обаче от многаго смиренномудрия, во очищение души и тела твоего, дивная пред отшествием твоим завещал еси: да тело твое, на немже носил еси язвы Христовы, егда скончаешися, влекше ввергнут в блато. Благоговеющая же ко отцу чада, по преставлении твоем, честне предаша земли тело твое, провождающе дух на небеса светлою песнию Богу: Аллилуиа.

Икос 11
     Светозарную лучу духа яве показал еси и в богоноснем теле твоем, егда в преставлении благоухание разлияся от мощей твоих и цельбоносная сила истече, яко от источника, последи же и мощи твоя нетленны явишася. И ныне, в невечернем свете с праведными ликовствуя, по достоинству слышиши от нас:
     Радуйся, верный рабе и друже Божий;
     Радуйся, за верность твою вшедый в радость Господа твоего.
     Радуйся, известивый звание делы;
     Радуйся, праведным житием твоим собравый лик шествующих по тебе к Богу.
     Радуйся, светильниче, светяй и горяй о нас пред Богом;
     Радуйся, вознося к Богу молитвы наша, яко кадило.
     Радуйся, путевождю к Царству Славы;
     Радуйся, деннице, являющая зрящим горе солнце правды.
     Радуйся, пристанище взыскающим благотишия небеснаго;
     Радуйся, угодниче Христов, Григорие Богомудре.

Кондак 12
     Благодать Господа Иисуса исполни сердце твое дарами Духа Святаго в житии твоем, а по смерти осия тя славою безсмертия. Мы же, от раки мощей твоих восприемлюще токи благодати, напаяющия души наша во спасение, всеконечне вопием о тебе Богу: Аллилуиа.

Икос 12
     Поюще твое досточудное житие, богоблаженне, восхвалити тебе недоумеваем по достоянию; обаче горяще любовию к присноживотней памяти твоей, не умолчим вопити тебе:
     Радуйся, течение постническое добре скончавый;
     Радуйся, путем правым непреткновенно шествовавый.
     Радуйся, яко сеявый слезами, ныне плоды спасения в радости пожинаеши;
     Радуйся, земными подвиги небесная дарования стяжавый.
     Радуйся, яко в мире жизнь скончавый, в земли кротких достойно водворяешися;
     Радуйся, яко священник во священницех и пустынножитель в пустынножителех жребий твой восприял еси.
     Радуйся, зрением лица Божия веселяйся;
     Радуйся, во славе небесней Престолу Пресвятыя Троицы предстояй.
     Радуйся, о обители и стаде твоем, еже трудолюбно собрал еси, моляйся;
     Радуйся, яко от всей Православной Церкви и благочестивем царстве Российстем выну предстательствуяй.
     Радуйся, угодниче Христов, Григорие Богомудре.

Кондак 13
     О священная главо, преподобне отче Григорие! Моли непрестанно Христа Господа, да не оскудеет в нас вера и святии подвизи твои, да будет мир в братии твоей и обилие во ограде обители твоея и во всем мире Господни; тогда исполнятся радости сердца наша и язык наш веселия, и вси воспоем единеми усты Владыке Богу: Аллилуиа.
Этот кондак читается трижды, затем икос 1-й и кондак 1-й
*
===================
Преподобный Григорий Пельшемский, Вологодский чудотворец
Покров со святых мощей прп. Григория Пельшемского.
Россия, Вологда, Шитьё.  XVI век. 195. х 100см.
Из Богородицкого Лопотова монастыря. ВГИАХМЗ.
 ==================
Молитва преподобному Григорию Пельшемскому, Вологодскому, чудотворцу
    
О священная главо, преподобне отче, преблаженне авво Григорие! 
Не забуди чад твоих, ихже породил еси богоугодными трудами и молитвенными подвиги, поминай во святых твоих благоприятных молитвах и назидай предстательством твоим стадо твое, еже сам пасл еси; моли за ны, отче священный, дети твоя духовныя, яко имея дерзновение к Небесному Царю, не премолчи за ны ко Христу и не презри нас, верою и любовию чтущих тя. Поминай недостойных нас пред Престолом Вседержителя, тебе бо дадеся благодать молитися за ны. Аще бо телом преставился еси от нас, но и по смерти жив во Христе пребываеши. Не отступи от нас духом, сохраняй нас от стрел вражиих, от прелести бесовския и козней диавольских, пастырю наш добрый. Се бо, ракою мощей твоих пребывая с нами, святою твоею душею с небесными силами у Престола Вседержителева предстоя, достойно славиши Господа. Темже, припадающе со умилением, молимся тебе о спасении душ наших: испроси нам время на покаяние и невозбранно прейти от земли на небо чрез мытарства горьких бесов, да твоим предстательством вечныя муки избавльшеся, Небесное Царствие наследовати сподобимся со всеми праведными, от века угодившими Христу Господу нашему, Емуже подобает всякая слава, честь и поклонение, ныне и в безконечныя веки веков.
Аминь.
*
Покров со святых мощей прп. Григория Пельшемского. Шитьё. Русь. XVI в. 195. х 100. Из Богородицкого Лопотова монастыря. ВГИАХМЗ. г. Вологда.
 *
Молитва иная
    
О добрый наш пастырю и богомудрый наставниче, преподобне отче Григорие! Услыши нас молящихся тебе и призывающих в помощь скорое предстательство Твое. Виждь нас грешных в толицех обстояниих сущих, виждь нас немощных отвсюду уловляемых и всякаго блага лишенных, и умом от малодушия помраченных. Потщися, угодниче Божий, не оставити нас во греховном плену быти, да не будем в радость врагом нашим и не умрем в лукавых деяниих наших. Моли о нас недостойных Спаса Господа, Емуже ты со безплотными лики предстоиши. Милостива к нам сотвори Содетеля нашего в нынешнем веце и в будущем, да не воздаст нам по делом нашим и по нечистоте сердец наших, но по Своей, благости да воздаст нам. На твое бо ходатайство уповающе, твоим предстательством хвалимся, твое заступление на помощь призываем, и к цельбоносному гробу твоему припадающе недостойнии, изцеления просим. Избави нас, угодниче Христов, от злых, находящих на ны, и укроти волны страстей и бед востающих на нас, да ради святых твоих молитв не обымет нас напасть, и не погрязнем в пучине греховней и в тине страстей наших. Моли, преподобне отче наш Григорие, Христа Бога нашего, да подаст нам мирное жительство, оставление грехов и душам нашим спасение и велию милость, ныне и во веки веков.
Аминь.
*
================
Строгановский иконописный лицевой подлинник. 30 сентября (фрагмент). Русь. Конец XVI - начало XVII в. (издан в Москве в 1869 году). В 1868 году принадлежал графу Сергею Григорьевичу Строганову.
 ================
Тропарь преподобному Григорию Пельшемскому, Вологодскому чудотворцу

Тропарь, глас 8:
     Любовию Христовою, Богомудре, просветився, добродетельми облистал еси, и всякое наслаждение плотское возненавидев, и в пустыню вселився, в нейже вельми подвизался еси в жизни сей временней в пениих и во бдениих, и в пощениих. Сего ради и Христос даром чудес обогати тя. Но поминай нас, чтущих пресветлую память твою, преподобие отче Григорие, и моли Христа Бога спастися душам нашим.
Кондак, глас 8:
     Христовою любовию уязвився, преподобне, и Тому невозвратным желанием последовал еси, всякое наслаждение плотское возненавидев, и в пустыню вселився, в ней вельми подвизался еси. Тем и Христос даром чудес обогати тя, поминай нас, чтущих пресветлую память твою, да зовем ти: радуйся, преподобне Григорие, отче наш.
Величание
     Ублажаем тя, преподобне отче Григорие, и чтим святую память твою, наставниче монахов и собеседниче ангелов.
*
================================
Все святые в земле Российской просиявшие (фрагмент). Монахиня Иулиания (Соколова). Икона. Москва. Конец 1920 - начало 1930 годов. 65.3 Х 53. Из келейных икон свт. Афанасия Ковровского. Ризница Троице-Сергиевой Лавры.


***

Комментариев нет:

Отправить комментарий

БЛАГОДАРЮ ЗА ВНИМАНИЕ!
Заходите еще.