no copi

воскресенье, 8 мая 2011 г.

* День святых жен-мироносиц *

*
Святые жены мироносицы
*
День святых жен-мироносиц
Праздник Жен Мироносиц

Неделя 3-я по Пасхе, святых жен-мироносиц.
Святых жен-мироносиц:  
Марии Магдалины, Марии Клеоповой, Саломии, Иоанны, Марфы и Марии, Сусанны 
и иных. 
(празднование в Неделю 3-ю по Пасхе ).
Свв. Марфы и Марии, сестер св. Лазаря четверодневного (переходящее празднование в Неделю жен-мироносиц ).
*
Жены-мироносицы.
Румыния, Монастырь Сучевица
*
День святых жен-мироносиц
8 мая (дата для 2011 года)

День наступил, зажглась денница,
Лик мертвой степи заалел;
Заснул шакал, проснулась птица...
Пришли взглянуть — гроб опустел!..
И мироносицы бежали
Поведать чудо из чудес:
Что нет Его, чтобы искали!
Сказал: «Воскресну!» — и воскрес!
«Воскрес!», К. Случевский

В этот день вспоминаются и чествуются святые жены-мироносицы. Кто они, святые жены-мироносицы — Мария Магдалина, Мария Клеопова, Саломия, Иоанна, Марфа, Мария, Сусанна? Почему Русская Православная Церковь чтит память этих женщин во второе воскресенье после Пасхи?

Мироносицы — это те самые женщины, которые из любви к Спасителю Иисусу Христу принимали Его в своих домах, а позже последовали за Ним к месту распятия на Голгофу. Они были свидетельницами крестных страданий Христа. Это они затемно поспешили ко Гробу Господню, чтобы помазать тело Христа миром, как это полагалось по обычаю иудеев. Это они, жены-мироносицы, первыми узнали, что Христос воскрес. Впервые после своей крестной смерти Спаситель явился женщине — Марии Магдалине.

Этот праздник издревле чтился на Руси особо. Родовитые барыни, богатые купчихи, бедные крестьянки вели строго благочестивую жизнь и жили в вере. Основная черта русской праведности — особое, чисто русского склада, целомудрие христианского брака как великого Таинства. Единственная жена единственного мужа — вот жизненный идеал Православной Руси.

Другая черта древнерусской праведности — особый «чин» вдовства. Русские княгини второй раз замуж не выходили, хотя Церковь второй брак не запрещала. Многие вдовы постригались и уходили в монастырь после погребения мужа. Русская жена всегда была верна, тиха, милосердна, кротко терпелива, всепрощающа.

Святая Церковь чтит в лике святых многих христианских жен. Их образы мы видим на иконах — святые мученицы Вера, Надежда, Любовь и матерь их София, святая преподобная Мария Египетская и многие-многие другие святые мученицы и преподобные, праведные и блаженные, равноапостольные и исповедницы.

Каждая женщина Земли является мироносицей по жизни — несет мир миру, своей семье, домашнему очагу, она рождает детей, является опорой мужу. Православие возвеличивает женщину-мать, женщину всех сословий и народностей.

Неделя (воскресенье) жен-мироносиц — это праздник каждой православной христианки, православный женский день.

Мечты сбываются!.
http://www.magicwish.ru/

*
============================
Икона «Явление Христа жёнам-мироносицам»
дерево, левкас, темпера, эмаль по скани, перегородчатая эмаль, серебро, позолота, жемчуг
, 50х39 см,
 *
Праздник Жен Мироносиц

В 3-ю Неделю по Пасхе Святая Церковь празднует память святых жен-мироносиц : Марию Магдалину, Марию Клеопову, Саломию, Иоанну, Марфу и Марию, Сусанну и иных, и праведных Иосифа Аримафейского и Никодима – тайных учеников Христовых. Своим богослужением Церковь вновь поставляет нас на Голгофе у Креста Христова, с которого снимают Пречистое Его Тело Иосиф и Никодим, и в вертограде у гроба, где они полагают Тело Иисуса Христа, и где затем мироносицы, пришедшие помазать Тело благовонными маслами, первыми удостаиваются видеть Воскресшего Господа.
Мироносицы - это те самые женщины, которые были свидетельницами крестной смерти Спасителя, которые видели, как померкло солнце, земля тряслась, рассыпались камни и многие праведники воскресли из мёртвых, когда распят был и умер на кресте Иисус Христос. Это те самые женщины, в домах которых бывал Божественный Учитель за их любовь к Нему, которые следовали за Ним на Голгофу и не отходили от креста, несмотря на злобу книжников и старейшин иудейских, на зверство воинов. Это те самые женщины, которые, любя Христа чистою, святою любовью, решились затемно идти ко Гробу Господню, благодатью Божией преодолев ужас, заставивший апостолов разбежаться в страхе, спрятаться за затворёнными дверями, забыть о своём ученическом долге.
Слабые, пугливые женщины чудом веры на наших глазах вырастают в жён-благовестниц, давая нам образ мужественного и самоотверженного служения Богу. Именно этим женщинам первым явился Господь, а потом уже Петру и другим ученикам. Раньше всех, раньше любого из мужчин в мире, узнали они о Воскресении. А узнав, сделались первыми и сильными проповедницами, стали служить Ему уже в новом, высшем – апостольском призвании, понесли весть о Воскресении Христовом. Ну разве не достойны ТАКИЕ женщины нашей памяти, восхищения и подражания?
Почему все евангелисты уделяют столько внимания приходу мироносиц к святому Гробу, а двое из них добавляют рассказ о том, как первой увидеть Воскресшего была избрана Мария Магдалина? Ведь Христос не выбирал этих женщин и не звал их следовать за Собой, подобно апостолам и 70 ученикам? Они сами пошли за Ним как за своим Спасителем и Сыном Божиим, несмотря на Его видимую бедность, простоту и явную враждебность к Нему первосвященников.
Представьте, что должны были испытать эти женщины, стоя у Креста Спасителя и видя весь позор, ужас и, наконец, смерть любимого Учителя?! Когда Сын Божий испустил дух, они поспешили домой, чтобы приготовить ароматы и миро, а Мария Магдалина и Мария Иосиева смотрели, где полагали тело Иисуса во гроб. Они ушли только после наступления полной темноты, чтобы пред рассветом опять прийти ко гробу.
«И вот, ещё ученики – апостолы! – оставались в растерянности, сам Пётр оплакивал горько своё отречение, но женщины уже спешили ко гробу Учителя. А верность – не высшая ли христианская добродетель? Когда слово «христиане» ещё не употреблялось, они так и назывались – «верные». Литургия верных. Один из прославленных отцов-аскетов говорил своим монахам, что и в последние времена будут святые, и слава их превзойдёт славу всех бывших ранее, потому что чудес и знамений тогда не будет, а они останутся верны. Сколько подвигов верности совершили добрые женщины-христианки за века истории Церкви!» – пишет историк Владимир Махнач.
С женщиной в мир пришёл грех. Она первая соблазнилась и соблазнила мужа своего отпасть от воли Божией. Но от Девы был рождён Спаситель. У Него была Мать. На замечание царя-иконоборца Феофила: «От женщин в мир пришло много зла» монахиня Кассия, будущая создательница канона Великой субботы «Волною морскою», весомо ответила: «Через женщину произошло и высшее благо».
Путь мироносиц не был ни загадочен, ни сложен, но вполне прост и понятен каждому из нас. Эти столь разные по жизни женщины прислуживали и помогали во всём любимому Учителю, заботились о Его нуждах, облегчали Его крестный путь, сострадали всем Его испытаниям и мукам. Мы вспоминаем, как Мария, сидящая у ног Спасителя, внимала всем существом своим учению Его о жизни вечной. И другую Марию – Магдалину, помазывающую драгоценным миром ноги Учителя и утирающую их своими длинными, чудными волосами, и то, как плакала она на пути к Голгофе, а потом бежала на рассвете дня воскресения ко гробу замученного Иисуса. И всех их, испуганных исчезновением Христа из гроба, рыдающих в невыразимом отчаянии и поражённых явлением им Распятого на пути, когда они торопились возвестить апостолам о случившемся.
По примеру святых жен-мироносиц и мы должны возгревать в сердце своем истинную самоотверженную любовь к Спасителю нашему, чтобы, как говорит Апостол (Рим.8,38-39), ничто не могло отлучить нас от Него – ни настоящее, ни грядущее, ни жизнь, ни смерть, ни ангелы, ни человеки. Кроме того, как святые жены, уязвленные лютою скорбию при виде распятого Господа, искали и обрели утешение в Его же гробе, так и каждая христианская душа должна искать утешение в скорбях и печалях у гроба и креста Спасителя своего.
Святая Мария Клеопова, мироносица, по преданию Церкви была дочерью праведного Иосифа, Обручника Пресвятой Девы Марии (память 26 декабря), от первого брака и была еще совсем юной, когда Пресвятая Дева Мария была обручена праведному Иосифу и введена в его дом. Святая Дева Мария жила вместе с дочерью праведного Иосифа, и они подружились, как сестры. Праведный Иосиф по возвращении со Спасителем и Божией Матерью из Египта в Назарет выдал замуж дочь за своего меньшего брата Клеопу, поэтому она именуется Мариею Клеоповою, т. е. женой Клеопы. Благословенным плодом того брака был священномученик Симеон, апостол от 70-ти, сродник Господень, второй епископ Иерусалимской Церкви (память 27 апреля). Память святой Марии Клеоповой празднуется также в Неделю 3-ю по Пасхе, святых жен-мироносиц.
Святая Иоанна Мироносица
Святая Иоанна Мироносица, супруга Хузы, домоправителя царя Ирода, была одной из жен, следовавших за Господом Иисусом Христом во время Его проповеди, и служила Ему. Вместе с другими женами после Крестной смерти Спасителя святая Иоанна приходила ко Гробу, чтобы помазать миром Святое Тело Господа, и слышала от Ангелов радостную весть о Его славном Воскресении.
Праведные сестры Марфа и Мария
Праведные сестры Марфа и Мария, уверовавшие во Христа еще до воскрешения Им их брата Лазаря, по убиении святого архидиакона Стефана, наступлении гонения на Церковь Иерусалимскую и изгнании праведного Лазаря из Иерусалима, помогали своему святому брату в благовествовании Евангелия в разных странах. О времени и месте их мирной кончины сведений не сохранилось.
Праздник Жен-мироносиц издревле чтился на Руси особо. Родовитые барыни, богатые купчихи, бедные крестьянки вели строго благочестивую жизнь и жили в вере. Основная черта русской праведности — особое, чисто русского склада, целомудрие христианского брака как великого Таинства. Единственная жена единственного мужа — вот жизненный идеал Православной Руси.
Другая черта древнерусской праведности — особый "чин" вдовства. Русские княгини второй раз замуж не выходили, хотя Церковь второй брак не запрещала. Многие вдовы постригались и уходили в монастырь после погребения мужа. Русская жена всегда была верна, тиха, милосердна, кротко терпелива, всепрощающа.
Святая Церковь чтит в лике святых многих христианских жен. Их образы мы видим на иконах — святые мученицы Вера, Надежда, Любовь и матерь их София, святая преподобная Мария Египетская и многие-многие другие святые мученицы и преподобные, праведные и блаженные, равноапостольные и исповедницы…
Каждая женщина Земли является мироносицей по жизни — несет мир миру, своей семье, домашнему очагу, она рождает детей, является опорой мужу. Православие возвеличивает женщину-мать, женщину всех сословий и народностей.
Неделя (воскресенье) жен-мироносиц — это праздник каждой православной христианки, православный женский день.

http://iconsv.ru/

*
===========================
Икона Св. рав. апос. Мария Магдалина.
*
Жизнеописание равноапостольной святой мироносицы Марии Магдалины

http://www.kotlovka.ru/index.php?option=com_content&task=view&id=580
*
----------------------------
Явление Христа Марие Магдалине (фрагмент). Тзортзи (Зорзис) Фука. Фреска. Монастырь Дионисиат. Афон. 1547 г.
*
АКАФИСТ святой равноапостольной Марии Магдалине

http://www.kotlovka.ru/index.php?option=com_content&task=view&id=579

 Кондак 1
Уготованная Господом к равноапостольному служению, святая Марие Магдалино, возлюбленному ти Христу последовала еси; темже песньми с любовию восхваляем тя: ты же, яко имущая дерзновение велие ко Господу, от всяких нас бед молитвами твоими избави, да с радостию непрестанно зовем ти:
     Радуйся, святая равноапостольная Марие Магдалино, паче всех благ сладчайшаго Господа Иисуса возлюбившая.
Икос 1
     Ангелов Творец и Господь сил, предуведевый благое произволение твое, святая мироносице, от града Магдалы избра тя, свободив от диавольския сети: ты же по сих верная служительница Господеви явилася еси, ревнующи о прославлении Его житием и служением. Мы же, чудящеся таковому о тебе Божию смотрению, во умилении сердец зовем ти:
     Радуйся, от Сына Божия из тьмы диавольския в чудный свет Его призванная;
     Радуйся, того благодатию телом и духом до конца чиста пребывшая.
     Радуйся, с чистотою сердца и нищету духовную до конца сохранившая;
     Радуйся, первее всех воскресшаго Христа узрети сподобившаяся.
     Радуйся, силу вражию добре победившая;
     Радуйся, крепкою верою и теплою любовию ко Христу Богу просиявшая.
     Радуйся, всем сердцем Спаса Христа возлюбившая;
     Радуйся, верно тому даже до смерти послужившая.
     Радуйся, душею твоею благодатно обновившаяся;
     Радуйся, проповедь Евангелия в сокровище сердца своего вместившая.
     Радуйся, проповедь Воскресения апостолом возвестившая;
     Радуйся, ангельскою беседою почтенная.
     Радуйся, святая равноапостольная Марие Магдалино, паче всех благ сладчайшаго Господа Иисуса возлюбившая.
Кондак 2
     Видящи святая Мария себе от седми лютых бесов избавление, всем сердцем победителю ада Христу Богу прилепися, вся люди научающи не усты токмо, но и всем житием Богу служити, вопиющи Тому: Аллилуиа.
Икос 2
     Разум человеческий недоумевает, помышляя, из каковыя беды на высоту ангелоподобнаго жития благодатию Христовою возшла еси, достохвальная Марие Магдалино. Темже и мы, добрую тя предстательницу имуще, молимся тебе тепле: избави и нас от бездны греховныя, да любовию вопием ти таковая:
     Радуйся, лютаго демонскаго рабства избегшая;
     Радуйся, лесть лукавых бесов яве обличившая.
     Радуйся, в напасти вражией ко Христу Богу прибегати всех научившая;
     Радуйся, никомуже отчаяватися в велицей греховней скорби побуждающая.
     Радуйся, ко святости всем грешником путь показавшая;
     Радуйся, всемощную силу благодати Христовы познавшая.
     Радуйся, достойнаго Богу благодарения добрая наставнице;
     Радуйся, истиннаго богохваления верная учительнице.
     Радуйся, в житии твоем правый путь земнаго течения нам показавшая;
     Радуйся, всем грешником пред Богом благая заступнице.
     Радуйся, душ наших от лести сатанинския защитнице;
     Радуйся, во всякой скорби теплая ко Христу наша ходатаице.
     Радуйся, святая равноапостольная Марие Магдалино, паче всех благ сладчайшаго Господа Иисуса возлюбившая.
Кондак 3
     Силою божественныя благодати, купно же и своим благим произволением безпечально оставила еси дом отца твоего, якоже древле Авраам, и радостно последовала еси Христу Богу: темже молим тя, ученице Христова, славная Марие, молитвами твоими и наша сердца просвети любовию к Богу, да и ныне и присно взываем Тому: Аллилуиа.
Икос 3
     Имущи богодарованную ти премудрости силу, мужески отвергла еси, Марие Магдалино, сего мира красная, и яко ученица добрая, премногим милосердием обнищавшему за ны Слову истинно послужила еси. Сего ради и мы со умилением вопием ти:
     Радуйся, добрая Христова ученице;
     Радуйся, истинныя любве к Богу наставнице.
     Радуйся, суету мира сего добре познавшая;
     Радуйся, мужески его радости отвергшая.
     Радуйся, красная мира нивочтоже вменившая;
     Радуйся, чину иноческому добрый путь жития предпоказавшая.
     Радуйся, всех ко Христу Богу путеводствующая;
     Радуйся, для дел милосердия из дому земнаго изшедшая.
     Радуйся, Христово милосердие зде и на небеси обретшая;
     Радуйся, яко тем блаженства вечнаго достигшая.
     Радуйся, мудрая агнице, от злых волков к доброму пастырю Христу прибегшая;
     Радуйся, во двор словесных овец его вшедшая.
     Радуйся, святая равноапостольная Марие Магдалино, паче всех благ сладчайшаго Господа Иисуса возлюбившая.
Кондак 4
     Буря бесовския ярости превеликою силою устремися на храм души твоея, святая Марие, но того поколебати до конца не возможе: обрела бо еси спасение на твердем веры Христовы камени, на немже ты, мудрая жено, недвижимо стоящи, учиши всех всеблагому Богу воспевати песнь: Аллилуиа.
Икос 4
     Слышаще, богомудрая Марие, яко в последовании Христу обрела еси истинное веселие сердца, правду, мир и радость о Дусе Святе, тщимся и мы явитися в лице причастник сего Царства Божия. Тебе же, яко причастнице того сущей и путь нам к нему показавшей, рцем вси таковая:
     Радуйся, небесную Иисусову сладость возлюбившая;
     Радуйся, жизнь истинную во Христе обретшая.
     Радуйся, тояжде образ и нам верно показавшая;
     Радуйся, в радости небесней ныне присно живущая.
     Радуйся, райския снеди непрестанно вкушающая;
     Радуйся, огнь любве к Богу в сердце твоем возжегшая.
     Радуйся, Христом Богом, яко раба ему верная, возлюбленная;
     Радуйся, прилежная о нас к Богу молитвеннице.
     Радуйся, в бедах наших помощнице;
     Радуйся, наша благая и кроткая учительнице.
     Радуйся, Духа Святаго Пречестное жилище.
     Радуйся, святая равноапостольная Марие Магдалино, паче всех благ сладчайшаго Господа Иисуса возлюбившая.
Кондак 5
     Боготечная звезда спутствующи Христу, славная Марие, посреде мироносиц явилася еси. С ними же ныне непрестанно предстоящи святей Троице, и нас молитвами твоими к священному тех лику совокупи, путь темный жития нашего светом твоим озаряющи, да радостно возопием Богу: Аллилуиа.
Икос 5
     Видящи, святая Марие, Христа Бога на кресте висяща, дивное мужество показала еси: мнози бо от ученик Учителя своего оставивша: ты же, непрестанными божественными ученьми Того душу и мысль разжегши, немощь естества женскаго превозмогла еси, и тако причастилася еси спасительней Христовой страсти. Сего ради мы, сицевое твое доблественное мужество зряще, вопием ти:
     Радуйся, мудрых жен красото и удобрение;
     Радуйся, христиан всех доброе радование.
     Радуйся, Христу Богу, на кресте висяшу, сострадавшая;
     Радуйся, непоколебимей любви к тому нам путь показавшая.
     Радуйся, сицевою любовию в предстательстве о нас к Богу дерзновение велие обретшая;
     Радуйся, женам доброто и похваление.
     Радуйся, Христианом крепкое прибежище;
     Радуйся, паче сильных мужей крепчайшая.
     Радуйся, мудрецов мира сего мудрейшая;
     Радуйся, яко тебе тайная премудрости своея Бог явил есть.
     Радуйся, яко тебе истинному богословию Сам Бог Слово научил есть;
     Радуйся, Христа Бога паче жизни своея возлюбившая.
     Радуйся, святая равноапостольная Марие Магдалино, паче всех благ сладчайшаго Господа Иисуса возлюбившая.
Кондак 6
     Благодатию Твоею немощная врачуеши и некрепкия сосуды тверды соделоваеши, Христе Царю. Мироносицы бо жены у креста твоего мужески предстоят и благодать крестную всем небоязненно возвещают: лицы же мудрых жен, ликам ангельским уподобитися тщащеся, бодренно непрестанно взывают Троице Святей: Аллилуиа.
Икос 6
     Взыскующе озаритися светом истиннаго богоразумия, егда Бога на кресте висяща видела еси, глаголала еси слезящи, дивная Марие: како Жизнь смерть вольную ныне приемлет? Мы же, славное просвещение твое благодатию Святаго Духа ведуще, вопием ти сицевая:
     Радуйся, Христа распята от глубины души оплакавшая;
     Радуйся, веселие вечное в селениих небесных обретшая.
     Радуйся, нам образ добраго плача показавшая;
     Радуйся, яко ты еси наше непрестанное радование.
     Радуйся, всех скорбящих утешение неложное;
     Радуйся, яко Христу, Его ради, на земли спострадала еси.
     Радуйся, яко с Ним о Нем на небеси прославляешися;
     Радуйся, всех врагов наших крепкая победительнице.
     Радуйся, во всех скорбех наших скорая помощнице;
     Радуйся, яко всем христианом воспоминание твое пресладко.
     Радуйся, яко всей Церкви Христовой имя твое пречестно;
     Радуйся, истинная лозо винограда Христова.
     Радуйся, святая равноапостольная Марие Магдалино, паче всех благ сладчайшаго Господа Иисуса возлюбившая.
Кондак 7
     Хотящи уразумети креста всепобедительную силу, до конца Христовой страсти предстояла еси у креста Спасова со иными женами, преславная Марие. Матери же Господни болезненно состраждущи, тако недоуменно вопияла еси: что сие есть странное чудо; содержай всю тварь пострадати изволи. Мы же на живоносный крест волею вознесшемуся любовию вопием: Аллилуиа.
Икос 7
     Дивная жена явилася еси, блаженная Марие, любовию твоею ко Христу Богу: тую бо горестными изъявляя рыданьми, ко снятому со креста припадающи, слезами пречистыя язвы Его омыла еси. Еще же благообразному Иосифу и правдолюбивому Никодиму последующи, ко гробу Спасову со иными святыми женами текла еси, ово плачущи, ово плачущую неутешно Матерь Его Пренепорочную, Ейже душу лютое оружие пройде, утешающи. Мы же, такову твою доблесть ведуще, смиренно взываем ти:
     Радуйся, пречистыя язвы Христовы слезами омывшая;
     Радуйся, Матери Того Пренепорочней яве сострадавшая.
     Радуйся, Христа даже до гроба неоставившая;
     Радуйся, во гроб полагавшуюся Жизнь недоуменно зревшая.
     Радуйся, слезам покаяния наша добрая учительнице;
     Радуйся, теми слезами греховныя скверны омывати нас наставляющая.
     Радуйся, теми же сердце наше окамененное умягчати побуждающая;
     Радуйся, образ истинной мудрости нам показавшая.
     Радуйся, памятовати выну страсти Христовы нас научающая;
     Радуйся, славная Марие, купно с пренепорочною Девою Мариею, наша верная ходатаице.
     Радуйся, добрая слуго Христова;
     Радуйся, Господеви, а не человеком угождавшая.
     Радуйся, святая равноапостольная Марие Магдалино, паче всех благ сладчайшаго Господа Иисуса возлюбившая.
Кондак 8
     Странно, богомудрая Марие, явися тебе погребение всем жизнь подающаго Жизнодавца: Того любовию уязвляема, еще сущей тьме, ко гробу Его принесла еси миро и слезныя пролила еси ароматы. Темже и пребываеши ныне во благовонных рая селениих со ангельскими лики взывающи непрестанно Богу: Аллилуиа.
Икос 8
     Весь сладость, весь радость, весь жизнь тебе бысть Иисус, святая Марие: Того ради, видевши камень взят от гроба. Сего же не обретши, рыдающи текла еси к живому веры камени Симону и другому, егоже любляще Иисус, ученику, болезненно глаголющи има: взяша Господа от гроба и не вем, где положиша Его. Ныне же ты, свободившися от скорби тоя, со Христом вечно радуешися на небеси. Мы же на земли в таковую радость молитвами твоими внити чающе, со умилением вопием ти тако:
     Радуйся, сиянием любве твоей ко Христу тьму ночную победившая;
     Радуйся, нощному бдению в молитве нас научившая.
     Радуйся, светом вечным на небеси осиянная;
     Радуйся, и нищетою духовною Царство Небесное купившая;
     Радуйся, яко по скорби о страстех Христовых обрела еси обильное утешение;
     Радуйся, жено кроткая, наследнице земли небеснаго рая.
     Радуйся, алкавшая и жаждавшая правды Христовы, яко ты ныне насыщаешися трапезы небесныя;
     Радуйся, милостивая, милость Владыки обретшая, и о нашем помиловании того усердно просящая.
     Радуйся, ты бо ныне, яко чистая сердцем, Бога лицем к лицу зриши;
     Радуйся, яко сподобилася еси первее всех видети Воскресение Христа, вечнаго мира.
     Радуйся, изгнанная правды ради Христовы, яко твое есть Царство Божие;
     Радуйся, приобретшая вечное веселие и мзду многу на небесех.
     Радуйся, святая равноапостольная Марие Магдалино, паче всех благ сладчайшаго Господа Иисуса возлюбившая.
Кондак 9
     Всяк чин ангельский удивися великой тайне славнаго Воскресения Твоего, Христе Царю, ад же притрепетен бысть, видев, яко снизшел еси в преисподная земли и сокрушил еси вереи вечныя, содержащия связанныя, Христе. Мы же радости жен мироносиц сорадующеся, с веселием вопием: Аллилуиа.
Икос 9
     Ветий многовещанных языки не довлеют достойно изрещи великую скорбь твою, славная Марие, егда стояла еси вне гроба плачущи. Кто бо возможет рещи болезнь души твоея, егда не обрела еси во гробе паче жизни своея возлюбленнаго ти Господа; прискорбное сердце твое не возможе внимати утешению ангелов светлых. Сицевую скорбь твою со умилением воспоминающе, воспеваем ти таковая:
     Радуйся, видети Христа Иисуса в пещеру проникшая;
     Радуйся, ныне того на Престоле Славы седяща зрящая;
     Радуйся, светлых небожителей еще сущи на земли узревшая;
     Радуйся, от тех глас радости Воскресения Христова приимшая.
     Радуйся, яко ты с ними ныне присно радуешися;
     Радуйся, любовию миро Христу принесшая.
     Радуйся, во благоухающую мира Христова воню сладце притекшая;
     Радуйся, отвергшая радостей мира греховнаго горечь.
     Радуйся, возлюбившая небесную Иисусову сладость;
     Радуйся, добрая леторасле сада Иисусова.
     Радуйся, благоплодная лозо вертограда Божия;
     Радуйся, преукрашенный Храм Духа Всесвятаго явльшаяся.
     Радуйся, святая равноапостольная Марие Магдалино, паче всех благ сладчайшаго Господа Иисуса возлюбившая.
Кондак 10
     Спасти хотя мир, аще и во гроб снизшел еси безсмертне, но адову разрушил еси силу и воскресл еси, яко победитель, Христе Боже, женам мироносицам вещавый: Радуйтеся. С ними же и мы ныне песнь радости приносим ти: Аллилуиа.
Икос 10
     Стены каменныя твердее бысть любовь твоя к возлюбльшему тя Христу, мироносице славная Магдалине Марие. Темже едина видела еси прежде инех Живота нашего из гроба возставша: вертоградаря же того непщевала еси быти и вопияла еси тому, забывши естества немощь: аще ты еси взял Его, повеждь ми, где еси положил Его, и аз возму Его. Но сладостный того глас показа ти Учителя, нас же глашати научи тебе сице:
     Радуйся, истиннаго Вертоградаря воскресша первее инех узревшая;
     Радуйся, в вертограде небесном водворившаяся.
     Радуйся, гроздием Божия благодати ныне непрестанно питающаяся;
     Радуйся, вином райских радостей веселящаяся.
     Радуйся, яко твоя любовь к Богу естество победила есть;
     Радуйся, яко тая и нас ревности Божией научила есть.
     Радуйся, из уст Христовых вещание Воскресения первее приемшая;
     Радуйся, Апостолом глаголы радости первее возвестившая.
     Радуйся, вечную радость на небеси обретшая;
     Радуйся, яко ты и нас к той радости тобою зовеши.
     Радуйся, яко о сем о нас к Богу непрестанно ходатайствуеши;
     Радуйся, яко Тому молитвы о нас тепле приносиши.
     Радуйся, святая равноапостольная Марие Магдалино, паче всех благ сладчайшаго Господа Иисуса возлюбившая.
Кондак 11
     Ни едино же слово довлеет воспети по достоянию божественную радость Воскресения Христова, юже со иными женами, славная Марие, апостолом возвести в сей нареченный и святый день, праздников праздник и торжество из торжеств. Темже, пред величием неизреченных щедрот твоих, Христе Царю, на нас бывших, преклоняющеся, со смирением и любовию зовем ти: Аллилуиа.
Икос 11
     Светозарная звезда греховному миру явилася еси, Магдалино Марие, егда по славнем Спасове Вознесении, грады и веси преходящи и слово Евангелия всюду возвещаюши, многи подклонила еси под благое иго Христово. Достигши же даже до древняго Рима, мужески Тиверию кесарю предстала еси и тому образом краснаго яйца и мудрыми словесы живоносную силу Христа уяснила еси, лукаваго же Пилата и безбожнаго архиерея обличила еси, да по беззаконным делом своим достойная приимут: таковому подвигу апостольства твоего дивящеся, радостно вопием ти сице:
     Радуйся, Христова учения славная благовестительнице;
     Радуйся, языческия тьмы светозарная прогонительнице.
     Радуйся, греховныя узы многих человек разрешившая;
     Радуйся, Христовей мудрости всех научившая.
     Радуйся, многия люди из тьмы неведения в чудный Христа свет приведшая;
     Радуйся, образ твердаго стояния за правду Христову нам показавшая.
     Радуйся, спасение душ грешников паче своея жизни возлюбившая;
     Радуйся, заповеди Христовы добре уразумевшая.
     Радуйся, тем верно последовавшая;
     Радуйся, тьму языческую дерзновенно обличившая.
     Радуйся, гнева кесарева не убоявшаяся;
     Радуйся, злобу и коварство врагов Христовых тому показавшая.
     Радуйся, святая равноапостольная Марие Магдалино, паче всех благ сладчайшаго Господа Иисуса возлюбившая.
Кондак 12
     Благодати от Бога изобильно исполненная, множество душ ко Христу привела еси, славная Марие: по сем же пришла еси во Ефес, идеже апостольски любовию со апостолом любве спасению человек послуживши, блаженным успением ко Господу преставилася еси, емуже ныне с многочисленными небесными певцы непрестанно поеши: Аллилуиа.
Икос 12
     Поюще твое достохвальное житие на земли и славу, яже на небеси, радостно славим, поем и величаем дивнаго во святых своих Царя Небеснаго: зане не токмо сама ты, святая Марие, того благодатию, в селениих праведных ныне ликуеши, но и нас веселиши на земли, оставивши нам многоценное миро мощей твоих, яже мудрый Лев-царь, из Ефеса в Константин-град пренести повеле. Тыя и мы, яко источающыя благодать неоскудную всем любовию притекающым, верою и любовию мысленно лобызающе, умильно воспеваем ти таковая:
     Радуйся, на земли любовию ко Христу горевшая;
     Радуйся, на небеси в райския обители того вселившаяся.
     Радуйся, верным твердое заступление;
     Радуйся, благовонное миро, Церковь благоухающее.
     Радуйся, кадильнице златая, фимиам молитвы о нас к Богу непрестанно приносящая;
     Радуйся, источник исцелений неоскудный.
     Радуйся, сокровище Божией благодати неиждиваемое;
     Радуйся, ангельских ликов верная соучастнице.
     Радуйся, небесных чертогов славная жительнице;
     Радуйся, яко мзда твоя многа есть на небесех.
     Радуйся, яко радость твоя вечна есть во обителех святых;
     Радуйся, яко ты и нам прияти радость, благодать же и славу непрестанно ходатайствуеши.
     Радуйся, святая равноапостольная Марие Магдалино, паче всех благ сладчайшаго Господа Иисуса возлюбившая.
Кондак 13
     О, пречудное и предивное жен украшение, всем же Христианом похвала и радование, Апостолом равная явльшаяся, мироносице славная Магдалино Марие! Нынешнее наше моление приемши, от всяких нас бед и скорбей душевных и телесных и от враг видимых и невидимых, на нас находящих, избави и к Царствию Небесному ходатайством твоим направи всех, со умилением и любовию поющих о тебе Богу: Аллилуиа.
Этот кондак читается трижды, затем икос 1-й и кондак 1-й
*
-------------------------------------
*
Молитва ко святой равноапостольной Марии Магдалине
    
О, святая мироносице и всехвальная равноапостольная Христова ученице Магдалино Марие! 
К тебе, яко верней и мощней о нас к Богу ходатаице, грешнии и недостойнии ныне усердно прибегаем и в сокрушении сердец, наших молимся. Ты в житии своем страшныя козни бесовския испытала еси, но благодатию Христовою явно тех свободила еси; и нас молитвами твоими от сети бесовския избави, да непрестанно во всем житии нашем делом, словом, мыслию и тайными помышлениями сердец наших верно послужим единому Святому Влaдыце Богу, якоже тому обещалися есмы. Ты паче всех благ земных сладчайшаго Господа Иисуса возлюбила еси и тому чрез все житие добре последовала еси, Божественными учении Его и благодатию не токмо свою душу питающи, но и множество людей от тьмы языческия ко Христа чудному свету приводящи: то ведуще просим тя: испроси нам у Христа Бога благодать просвещающую и освящающую, да ею oceняеми преуспеваем в вере и благочестии, в подвизех любве и самоотвержения, да неленостно тщимся служити ближним в их нуждах духовных и телесных, памятующе пример твоего человеколюбия. Ты, святая Марие, бодренно благодатию Божиею протекла еси житие на земли и мирно отошла еси ко обители небесныя: моли Христа Спаса, да молитвами твоими сподобит нас непреткновенно соверщити странствие наше в сей юдоли плача и в мире и покаянии скончати живот наш, да тако и в святости на земли поживше, вечныя блаженныя жизни на небеси сподобимся и тамо с тобою и всеми святыми вкупе выну восхвалим Троицу нераздельную, воспоим Едино Божество, Отца и Сына и Духа Всесвятаго во веки веков. 
Аминь.
*
Св. Мария Магдалина. Монахиня Иулиания (Соколова). Икона. Сергиев Посад. 1955-80 годы. Покровский Академический храм. Троице-Сергиева Лавра.
 *
Молитва иная
    
О, святая мироносице, равноапостольная Магдалино Марие! 
Ты теплою любовию своею ко Христу Богу попрала еси злыя козни вражия и обрела еси безценный бисер Христа и достигла еси Царства Небеснаго. Сего ради к тебе припадаю и умиленною душою и сокрушенным сердцем вопию ти аз недостойный: призри с высоты небесныя на мя боримаго греховными искушениями; виждь, коль многими грехи и беды на всяк день враг запинает мя, ищя моея погибели. Славная и всехвальная ученице Христова, Марие! Умоли возлюбленнаго тобою, и возлюбившаго тя, Христа Бога, да подаст ми оставление многих моих прегрешений, укрепит мя благодатию своею трезвенно и бодренно шествовати путем святых заповедей Его и да соделает мя благоуханным храмом Духа Святаго: да тако в мире непостыдно скончаю многотрудное житие мое на земли и вселюся во светлыя и блаженныя обители рая небеснаго, идеже ты со всеми святыми непрестанно радостно славословиши единосущную Троицу, Отца, Сына и Духа Всесвятаго. 
Аминь.
*
----------------------
Строгановский иконописный лицевой подлинник. 22 июля (фрагмент). Русь. Конец XVI - начало XVII в. (издан в Москве в 1869 году). В 1868 году принадлежал графу Сергею Григорьевичу Строганову.
*
Тропарь Марии Магдалине, Мироносице

Тропарь, глас 1:
     Христу, нас ради от Девы рождшемуся, честная Магдалино Марие, последовала еси, Того оправдания и законы хранящи: темже днесь всесвятую твою память празднующе, грехов разрешение молитвами твоими приемлем.
Кондак, глас 3:
     Предстоящи, преславная, у Креста Спасова со иными многими, и Матери Господни состраждущи, и слезы точащи, сие в похвалу приношаше, глаголющи: что сие есть странное чудо, Содержай всю тварь, пострадати изволи: слава державе Твоей.
Величание
     Величаем тя, мироносице святая равноапостольная Марие Магдалино, и чтим болезни и труды твоя, имиже трудилася еси во благовестии Христове.
*
Св. Мария Магдалина. Фреска собора Святой Софии в Киеве. 1040-е годы.
Минея-Июль(фрагмент).Русь.Начало XVIIв.
Церковно-Археологический Кабинет Московской Духовной Академии.(дана под 21 числом).
======================
Святая Мария Клеопова, мироносица
*
АКАФИСТ святым и праведным Марфе и Марии, сестрам Лазаря
http://www.kotlovka.ru/index.php?option=com_content&task=view&id=180
Кондак 1
Избранныя от Бога служительницы новыя благодати, праведнаго Лазаря боголюбивыя сестры, Марфо и Марие, вы деянием и разумением в вере и любви Христу последовали и ныне с лики святых жен пребываете, наслаждающеся райских красот и веселия. Темже, яко имущия дерзновение ко Господу, Того прилежно молите от бед и скорбей и падений греховных избавити нас, да вами научившеся угождати Христу Богу, не престанем со умилением взывати Ему: Аллилуиа!
Икос 1
     Ангелов и человек Царь и Господь, доброту душ ваших провидев и до конца вас возлюбив, во дни земной жизни Своея благословенный дом ваш посещаше и брата вашего Лазаря от мертвых воскреси. Мы же грешнии, таковое человеколюбное снисхождение Его воспоминающе, во умилении сердец наших вопием вам тако:
     Радуйтеся, всем сердцем, всею душею и всею мыслию вашею Бога возлюбившия;
     Радуйтеся, любовь вашу не словом или языком, но делом и истиною явившия.
     Радуйтеся, любовию веру во Христа Сына Божия от Отца Небеснаго снискавшия;
     Радуйтеся, верой, послушанием, делами любви и милосердия Ему послужившия.
     Радуйтеся, тем Царствие Небесное наследовавшия;
     Радуйтеся, дев непорочных и жен целомудренных похвало и украшение.
     Радуйтеся, Марфо и Марие, образ веры и любви нам показующия.
Кондак 2
     Ведяще, праведныя жены, яко Господь, не имый где главы подклонити, приидет к вам, потщалися в дому вашем Его, яко Божественнаго Учителя, с верою и любовию послушати, и со усердием многим послужити Ему. Темже научаете и нас Ему, яко Богу, нас ради воплотившемуся, неленостно служити и благоговейно воспевати: Аллилуиа!
Икос 2
     Научая нас и страннолюбия не оставляти, и о слове Божием усердно прилежати, не о хлебе бо едином жив будет человек, но о всяком слове Божием, Господь и Учитель наш и службы Марфы трудолюбныя не отверже, и Мариино седение у ног Его попремногу ублажи. Темже и мы боголюбивей двоице оной воспоем:
     Радуйся, Марфо, Христа, нас ради воплотившегося, в дому твоем приявшая;
     Радуйся, в служении твоем на потребу плоти Его не отверженная.
     Радуйся, и нас делами милосердия служити Ему научающая;
     Радуйся, Марие, у ног Иисусовых словом уст Его насыщавшаяся.
     Радуйся, единое на потребу, яко благую часть, избравшая;
     Радуйся, ревности ради о слышании словес Господних со блаженными Им сопричтенная.
     Радуйтеся, Марфо и Марие, образ веры и любви нам показующия.
Кондак 3
     Силою Божественною укрепляеми, унынием не уязвилися, егда узрели брата вашего болезнию лютою истощаема, но к Целителю недугов, Господу Иисусу со упованием послали, глаголюще: Господи, егоже любиши, болит. Сим последующе, и мы во всяком обстоянии унынию да не предадимся, со упованием Христу Богу вопиюще: Аллилуиа!
Икос 3
     Любляше Иисус Марфу и сестру ея и Лазаря и, веру их в грядущее Царствие жизни вечныя испытуя и утверждая, рече: сия болезнь несть к смерти, но к славе Божией, да прославится Сын Божий ея ради. Вы же, о боголюбивыя сестры, и пред лицем смерти брата вашего верою и любовию ко Христу духом горяще, в Божественней силе Его не усомнилися. Сего ради приимите от нас похваления таковая:
     Радуйтеся, во уныние безнадежное во обстоянии и скорби не впадшия;
     Радуйтеся, обремененных скорбями житейскими тем ободряющия.
     Радуйтеся, в печали вашей ко Врачу душ и телес, Господу Иисусу, со смиренным упованием помыслы своя обратившия;
     Радуйтеся, лица Его не видяще, во благой покорности Ему пребывшия.
     Радуйтеся, во испытании сем веру крепку яко Авраамову явившия;
     Радуйтеся, в злостраданиях терпение твердое, яко Иов, показавшия.
     Радуйтеся, Марфо и Марие, образ веры и любви нам показующия.
Кондак 4
     Ведая, яже хощет сотворити Всемогущий Господь и Спас наш, рече учеником Своим: Лазарь, друг наш успе. Но иду, да возбужу его; научая всех во свете лица Божия ходити и Подателю жизни воспевати: Аллилуиа!
Икос 4
     Многии от иудей приидоша к Марфе и Марии, да утешат их о Лазаре, брате их. Сестры же, отбегли их, яко не имущих о Христе Иисусе упования. Марфа к Единому Утешителю стопы своя с радостию направи, егда Той Вифании достиже. Таковую крепкую любовь сестер Лазаревых ко Христу и веру их зряще, радостными гласы воспоем им таковая:
     Радуйтеся, добротою душ ваших неверных иудеев окамененныя сердца покорити возмогшия;
     Радуйтеся, не суетному унынию, но Божию благоволению себя предавшия.
     Радуйтеся, на единую благость Христову в печали вашей надежду возложившия;
     Радуйтеся, в сретение Его со тщанием стопы ваша направившия.
     Радуйтеся, во уповании вашем от Могущаго спасти оправданныя;
     Радуйтеся, утешения в скорбех не от людей, но от Бога искати нас научающия.
     Радуйтеся, Марфо и Марие,образ веры и любви нам показующия.
Кондак 5
     Марфа блаженная, егда срете Господа, утешения от Него ищущи, рече: Господи, аще бы Ты зде был, не умер бы брат мой. Но и ныне вем, яко елика аще просиши от Бога, даст Тебе Бог. Емуже от всея души нашея и мы вопием: Аллилуиа!
Икос 5
     Божественное Свое смотрение о нашем спасении показуя, Господь Иисус, яко жизни и смерти Владыка, благоволи рещи тебе, блаженная Марфо: воскреснет брат твой. И паки: веруяй в Мя, аще и умрет, оживет. Вериши ли сему? — вопроси тя. Ты же отвеща Ему: ей, Господи, верую, яко Ты Христос Сын Божий, грядущий в мир. Сего ради, вере во Христа Сына Божия тобою научаемии, восхваляем тя сице:
     Радуйся, блаженная Марфо, обетование о воскресении брата твоего от Самаго Жизнодавца услышавшая;
     Радуйся, яко вопрошенная от Него о вере твоей, не плоти и крови, но гласа Отца Небеснаго послушавшая.
     Радуйся, яко от Него наученная, Христа Сына Божия твердо исповедала;
     Радуйся, яко тем камень веры, на немже созда Господь Церковь Свою, явившая.
     Радуйся, во исповедании твоем Петру Первоверховному апостолу уподобившаяся;
     Радуйся, равноапостольнаго ублажения воистину достойная.
     Радуйтеся, Марфо и Марие, образ веры и любви нам показующия.
Кондак 6
     Трости надломленныя не преломляяй, Человеколюбец Господь, егда виде Марию и пришедшия с ней иудеи плачущия, якоже любляше Лазаря, прослезися Сам. Да и мы немощнии, в скорбех суще, бестрепетно к Нему со слезами притекаем, вопиюще Ему: Аллилуиа!
Икос 6
     Воистину благословен о брате твоем плач твой, Марие, егоже видя прослезися Иисус. Сего ради со умилением ублажаем тя сице:
     Радуйся, боголюбивая Марие, в серафимстей любви твоей ко Господу, и к сродникам любви своей не угасившая;
     Радуйся, плачем твоим о Лазаре нас, во окаменении сердечнем пребывающих, обличившая.
     Радуйся, Христа Бога слезы о падшем создании Своем источити подвигшая;
     Радуйся, в слезах Господа Иисуса, немощем нашим состраждуща, елей утешения всем плачущим и болезнующим показавшая.
     Радуйся, и сама в скорбех наших сострадати нам могущая;
     Радуйся, с сестрою твоею Марфою милосердия сестрам первоначальница богоугодная.
     Радуйтеся, Марфо и Марие, образ веры и любви нам показующия.
Кондак 7
     Всеведый по Божеству Своему, человеческое естество показующе, о Лазаре вопрошал, Господи Иисусе: где положили его. И камень от гроба взяти повелел, да возсмердением смерти заградятся неверных уста. Мы же, вернии, со дерзновением Тебе, победити смерть пришедшему, вопием: Аллилуиа!
Икос 7
     Немощь естества человеческаго являющи, сестра умершаго, Марфа, глагола Иисусу: Господи, уже смердит: четверодневен бо есть. Мария же, зряще камень отвален от гроба, в молчании пребываше. Сему Мариину молчанию со умилением внимающе, с Марфою же маловерие свое Господу дерзновенно исповедующе, воззовем к ним таковая:
     Радуйся, Марие, яко ко гробу смердящаго в претрепетном молчании за Христом, пришедшая;
     Радуйся, яко сим всех нас в послушание веры разум покоряти научившая.
     Радуйся, Марфо, яко немощь веры нашей превозмогати научающая;
     Радуйся, яко всем нам: ей, Господи, верую, яко Ты Христос, Сын Божий, глаголати указавшая.
     Радуйтеся, блаженныя сестры, в немощех душ и телес ваших от Христа не отступившия и Ему любовию последовавшия;
     Радуйтеся, на высоту благодатнаго разумения Самим Всеведцем возведенныя.
     Радуйтеся, Марфо и Марие, образ веры и любви нам показующия.
Кондак 8
     Славу Свою, яко Единороднаго от Отца, всем верным являя, хвалу Отцу Своему воздав, Иисус гласом великим воззва: Лазаре, гряди вон. И бездыханный, Дающаго дыхание послушав, от смерти восста и от гроба изыде; да чудо сие зряще, купно и мы с ним Победителю смерти воспоим: Аллилуиа!
Икос 8
     Чудо велие и страшное сотвори Христос Бог наш, Лазаря четверодневнаго от мертвых воздвигнув. Да и нас всех веру в Него, яко Сына Божия, утвердит, бессмертие души и общее всех воскресение уверяя. Мы же, божественное поклонение Сотворшему сие воздающе, ублажим сестры воскрешеннаго Им и воззовем к ним сицевая:
     Радуйтеся, праведнаго Лазаря сестры, Христа нелицемерне возлюбившия;
     Радуйтеся, Христом за верность вашу возлюбленныя.
     Радуйтеся, общее воскресение прежде страстей Христовых в вере узревшия;
     Радуйтеся, верою вашею и нашу веру укрепляющия.
     Радуйтеся, ученицы Христовы достославныя;
     Радуйтеся, лика апостольскаго истинныя причастницы.
     Радуйтеся, Марфо и Марие, образ веры и любви нам показующия.
Кондак 9
     Сыны тьмы, зря умершаго и гласом Божиим от тления восставшаго, в ожесточении сердец не вероваша Христу даже до сего дня, во ослеплении суще. Мы же, сих безумию не прилагающеся, но в общее Воскресение по гласу Сына Божия верующе, Ему, яко Жизнодавцу, велегласно и вседушно возопиим: Аллилуиа!
Икос 9
     Преславная и страшная в Вифании сотворив, Иисус, прежде шести дней Пасхи, паки прииде в весь сию. И сотвори Ему вечерю, и был Лазарь един от возлежащих с Ним. Вы же, присноблаженныя сестры, Подателю всяческих благодарни суще, Марфа служаше Ему всеусердне, Мария же миро на нозе Его возлия. Сего ради, в радость вашу внити желающе, и мы со умилением зовем вам:
     Радуйтеся, богомудрыя жены, хвалы и благодарения благодеющему Господу преисполненныя;
     Радуйся, Марфо трудолюбная, се уже другой раз на вечери Господу послужившая.
     Радуйся, в благодарном служении сем Господом милостивно приятая;
     Радуйся, Марие, Сладчайшему Иисусу нозе миром многоценным помазавшая.
     Радуйся, во обличение Иудиных злохулений похваления Иисусова сподобилася;
     Радуйся, яко многоценнаго мира на нозе Христовы возлиянием и нас благолепие дому Божия любити и о том прилежати поучаеши.
     Радуйтеся, Марфо и Марие, образ веры и любви нам показующия.
Кондак 10
     Марфе и Марии вернии подражающе, кийждо во своем чину, ко Христу Спасу припадем и, просяще от Того исцеления немощей наших и от сна греховнаго воскрешения, благодарными усты воспоим Ему: Аллилуиа!
Икос 10
     Верные до конца во служении вашем Христу во днех плоти Его пребывшия, и самовидцы страстей Его быти сподобившиеся, к погребению Воскресителя Лазарева, славныя Марфо и Марие, посреде мироносиц явилися. С ними предстояще ныне престолу славы Божия, молитвами вашими к песнопенному тех лику совокупите и нас, ваши подвиги прославляющих:
     Радуйся, Марфо, в твоем Христу многопопечительном служении, якоже и во исповедании, поревновавшая;
     Радуйся, странноприимницам и милосердия сестрам подвигоположница.
     Радуйся, Марие, возлюбленному ученику Христову Иоанну, в пламенней любви к Тому уподобившаяся;
     Радуйся, непорочных дев, Христу в житии своем уневестившихся, руководительница неложная.
     Радуйтеся, боголюбивыя сестры, и деятельным житием, и вниманием сердечным последования Христу ревнительницы изрядныя;
     Радуйтеся, на обоих сих путях угождения Господу жити братии вкупе мудре нас научающия.
     Радуйтеся, Марфо и Марие, образ веры и любви нам показующия.
Кондак 11
     Кий глагол довлеет по достоянию воспети Воскресения Христова радость всемирную, еяже вы, со прочими женами мироносицами, в сей велий и святый день причастилися; темже и мы, Воскресения Христова величие боголепное славяще, поем Христу: Аллилуиа!
Икос 11
     Всякое искушение прейти молящися и живот вечный улучити хотящи, яко верныя ученицы Христовы, каяждо во своем пути, обаче единым духом веры и любви Ему поработали, отонудуже и радостей во Царствии Его сподобились. Сего ради, труды и подвиги ваша воспоминающе и славе вашей во Царствии Христовом радующеся, воспеваем вам таковая:
     Радуйтеся, верныя ученицы Христовы, не человекам, но Богу в житии вашем угодившия;
     Радуйтеся, нищетою духовною Царствие Небесное стяжавшия.
     Радуйтеся, духом кротости землю обетования наследовавшия;
     Радуйтеся, милосердия делами милостей от Господа во Царствии Его сподобившияся.
     Радуйтеся, сердцем чистым Бога Слова зрящия;
     Радуйтеся, исповедницы веры Христовы, мзду многу на Небесех приявшия.
     Радуйтеся, Марфо и Марие, образ веры и любви нам показующия.
Кондак 12
     Благодатию Всемилостиваго Бога прияли дерзновение велие к Нему, о блаженныя сестры. Моления ваша и прошения о нас грешных к престолу славы Его вознесите, да спасаеми предстательством вашим, Воскресшему и вся с Собою воскресившему ангельскую песнь воспоим: Аллилуиа!
Икос 12
     Поюще ныне со всеми небесными силами Трисвятую песнь дивному во святых Своих Богу, о преблаженныя сестры Лазаревы, призрите с высоты небесныя на нас грешных, волнами моря житейскаго обуреваемых, тихаго пристанища жаждущих и вас сице любовию величающих:
     Радуйтеся, на небеси во славе со Ангелы и всеми святыми царствующия;
     Радуйтеся, и на земли, в Церкви Христовой песненно прославляемыя.
     Радуйтеся, яко звезды небесныя во тьме века сего добродетельми вашими сияющия;
     Радуйтеся, Богом данныя нам в житии нашем наставницы.
     Радуйтеся, милосердия служением Христу первоначальницы;
     Радуйтеся, теплыя о нас к Богу молитвенницы.
     Радуйтеся, Марфо и Марие, образ веры и любви нам показующия.
Кондак 13
     О предивная боголюбивая двоице, верные ученицы Христовы, Марфо и Марие преславныя, огнь любви и веры в душах ваших возжегшия и сих ради в Царство славы силою Воскресшаго вшедшия, испросите нам у Христа Бога нашего помощи путями вашими зде на земле жительствовати, да во обители Отца Небеснаго вселившеся, купно с вами и всеми святыми и мы на престоле славы Седящему воспоем ангельскую песнь: Аллилуиа!

Этот кондак читается трижды, затем икос 1-й и кондак 1-й

*
------------------------
Молитва святым и праведным Марфе и Марии, сестрам Лазаря
   
О святыя и всехвальныя ученицы Христовы, Боголюбивыя Марфо и Марие! 
Умолите возлюбленнаго вами и вас возлюбившаго Сладчайшаго Иисуса, Егоже вы исповедали Христа, Сына Божия, да даст и нам грешным грехов оставление, в вере правой нелицемерное и твердое стояние. Вселите в сердца наша дух страха Божия, смиреннаго на Бога упования, терпения и к ближним милосердия. Избавите нас молитвами вашими от искушений житейских, бед и напастей, да тихое и мирное житие поживше зде, с помыслы непорочными и сердцем чистым, с дерзновением веры и упования предстанем на оный страшный суд и, добрый ответ на нем воздавше, радости неизреченныя в Царствии Небеснем сподобимся во веки веков.
*
*
Молитва иная, единыя жены молящияся, наипаче в келии наедине чтомая
   
О блаженныя и святыя жены, верою и любовию Христу Богу последовавшия и во обители Отца Небеснаго вселившиеся! 
К вам ныне аз грешная (имярек) прибегаю и смиренно молю: научите мя и помозите ми ходити пред Богом путями вашими непреткновенно и вечную купно с вами жизнь наследовати. О Марфо праведная, твердым исповеданием веры твоея Христу угодившая, укрепи слабую веру мою. О службе Господу и братиям нелицемерне и всеусердне прилежавшая, помози и мне служение мое безропотно и вседушевно проходити. Сестру твою, некогда в скорби сущу, ко Христу воззвала, рекши ей: Учитель пришел и глашает тя. Ныне предстани мне в трудный час испытания веры и любве моея и в глубине сердца возвести ми, яко Господь Иисус незримо грядет, да путем испытаний привлечет мя к Себе! Испроси мне, о мати святая, у Господа нашего силу и крепость, да воставши скоро, притеку к Нему, поклонюся Ему и в смиренней любви Его мир и спасение души моей обрящу. И ты, о Боголюбивая Марие, у ног Иисусовых единое на потребу обретшая, помолися Ему благую часть спасаемых и мне грешней улучити. Миро благовонное в дар благодарения Христу Жизнодавцу принесшая, умоли ныне Его и душе моей подати: миро молитвы и покаяния слезы, чистоты и добрых дел благоухание, яко да во обновленное всеми сими сердце мое Господь приидет и обитель Себе сотворит. К вам, о святыя праведныя жены, Марфо и Марие, припадаю и смиренно молю: не оставите мя в дни тяжких испытаний, да не соблазнюся тленными прелестями мира сего, наипаче же в час горький разлучения души моея с телом, предстаните мне и общаго Владыку нашего умолите, да призрит на мя во оскудении сил моих милостивым оком и, простив вся прегрешения моя, возставит мя к жизни нескончаемой во блаженных обителях Отца Небеснаго. 
Аминь.
*
=====================
Тропарь праведных Марфы и Марии

глас 3
Праведнаго Лазаря Боголюбивыя сестры,/ Марфо и Марие преславныя,/ чистым сердцем Христа в житии вашем возлюбили есте,/ мироносиц вземше чин,/ и Его, яко Сына Божия, безбоязненно исповедали есте,/ сего ради ныне во обителех Отца Небеснаго/ со Ангелы и всеми святыми славно царствуете./ Умолите, Егоже возлюбили есте,/ и нам, грешным, в вере и любви Христовой утвердитися/ и Царствия Небеснаго сподобитися.
*

=========================
Жены Мироносицы
*
Неделя святых жен-мироносиц. Третья Неделя по Пасхе
Святые Жены Мироносицы
Явление Иисуса Христа Женам Мироносицам


С Православным женским Днем !
С Праздником Жен Мироносиц !



--------------------------
----------
---

Комментариев нет:

Отправить комментарий

БЛАГОДАРЮ ЗА ВНИМАНИЕ!
Заходите еще.