no copi

понедельник, 18 июля 2011 г.

* Преподобный Сергий Радонежский *

*
икона Сергия Радонежского
из "Свято-Троицкая Сергиева приморская мужская пустынь "
*
Преподобный  
Сергий Радонежский
Ὁ Ὅσιος Σέργιος ὁ Θαυματουργός (Ρῶσος)
Преставление преподобного Сергия, игумена Радонежского, всея России чудотворца (1392 г.).
** Преподобного Сергия, игумена Радонежского и всея России чудотворца (обретение мощей, 1422).
Ἡ εὕρεσις τῶν τιμίων Λειψάνων τοῦ Ὁσίου καὶ Θεοφόρου πατρὸς ἡμῶν Σεργίου Ἡγουμένου Ραδονεξίας, τοῦ Θαυματουργοῦ (Ρῶσος)

*
Память 25 сентября/8 октября и 5/18 июля (обретение мощей)
*
Преподобный Сергий Радонежский
Россия, середина XVI век. 30 х 23см. Ризница Троице - Сергиевой Лавры
СПГИХМЗ.
*
Житие и чудеса преп. и богоносного отца нашего Сергия Радонежского, чудотворца.

http://www.kotlovka.ru/index.php?option=com_content&task=view&id=225
*

============
Прп. Сергий. Икона. Русь. Середина XVI в. 30 х 23. "Ризница Троице - Сергиевой Лавры" СПГИХМЗ.
 ============
Преподобный Сергий Радонежский

Преподобный Сергий жил в XIV веке, жил в те тяжелые времена, когда наше Отечество, наши предки несли ужасное иго иноземного татарского порабощения и испытывали великие скорби. Вопли и мольбы людские дошли до Господа, и Он, Милосердный, для спасения нашей земли воздвиг преподобного Сергия, который для русского народа был таким же вождем, каким был в свое время святой пророк Моисей для израильтян. Своим нравственным влиянием и молитвой преподобный вдохнул в народ силу и веру и воодушевил его на подвиг национального освобождения от татарских поработителей, вписав тем самым в его историю светлую страницу. Поэтому-то наш народ так чтит преподобного Сергия и нескончаемой вереницей идет в его святую обитель, чтобы поклониться мощам его.
rad.jpg     Но преподобный был не только покровителем нашей земли и молитвенником о ней. Он известен православным людям и как добрый, любвеобильный, смиренный старец, готовый за ближнего отдать и душу свою. Его отличали простота нрава, доступность и ровное, ласковое отношение ко всем, святость и воздержание во всем, и эти качества привлекали к нему людей еще во дни его земной жизни.
Несмотря на то, что преподобный Сергий поселился в глухой, непроходимой лесной чаще, свет его добрых дел и оттуда сиял и распространился во все уголки нашей необъятной Родины. К нему шли с разными скорбями и прошениями, и любвеобильное сердце его было особенно отзывчиво к народному горю. У него искали утешения и отрады в горестях, просили его советов и молитв, и он, как добрый и нежный отец, не оставлял без утешения никого, кто к нему с верою прибегал.
Когда скончался Преподобный, народ наш оплакал его кончину, но он твердо верил, что преподобный Сергий не умер, что он только переселился от земли на Небо и там не забудет своих соотечественников.
И действительно, после кончины угодника Божия потоки чудес изливаются на землю Русскую от молитвенного призывания имени его и от нетленных его святых мощей. Прошло уже шесть столетий, как жил, подвязался преподобный Сергий, и во все это время он всегда был покровителем Русской земли. Его по праву считают Ангелом Хранителем нашего Отечества. Действительно, во времена крайних опасностей для нашей Родины, когда уже все надежды на свои силы пропадают, тогда восстает на помощь нам преподобный Сергий и своим молитвенным предстательством и предстательством Пресвятой Богородицы по его ходатайству спасает нашу землю.
(Архимандрит Кирилл (Павлов)1962год)

Сергий Радонежский (в миру Варфоломей) - святой, преподобный, величайший подвижник земли русской, преобразователь монашества в Северной Руси. Происходил из знатного рода; родители его, Кирилл и Мария, принадлежали к ростовским боярам и жили в своём поместье недалеко от Ростова, где и родился Сергий в 1314 году (по другим - в 1319 году). Сначала обучение его грамоте шло весьма неуспешно, но потом, благодаря терпению и труду, он успел ознакомиться со Священным писанием и пристрастился к церкви и иноческому житию.
Около 1330 года родители Сергия, доведённые до нищеты, должны были покинуть Ростов и поселились в городе Радонеже (54 версты от Москвы).
После их смерти Сергий отправился в Хотьково - Покровский монастырь, где иночествовал его старший брат, Стефан. Стремясь к "строжайшему монашеству", к пустынножитию, он оставался здесь недолго и, убедив Стефана, вместе с ним основал пустынь на берегу реки Кончуры, посреди глухого Радонежского бора, где и построил (около 1335 года) небольшую деревянную церковь во имя Святой Троицы, на месте которой стоит теперь соборный храм также во имя Святой Троицы.
Вскоре Стефан покинул его; оставшись один, Сергий принял в 1337 году иночество. Года через два или три к нему стали стекаться иноки; образовалась обитель, и Сергий был её вторым игуменом (первый - Митрофан) и пресвитером (с 1354 года), подававшим всем пример своим смирением и трудолюбием.
Постепенно слава его росла: в обитель стали обращаться все, начиная от крестьян и кончая князьями; многие селились по соседству с ней, жертвовали ей своё имущество.
Сначала терпевшая во всём необходимом крайнюю нужду, пустынь обратилась в богатый монастырь. Слава Сергия дошла даже до Царьграда: патриарх константинопольский Филофей прислал ему с особым посольством крест, параманд, схиму и грамоту, в которой восхвалял его за добродетельное житие и давал совет ввести в монастыре строгое общинножитие. По этому совету и с благословения митрополита Алексея , Сергий ввёл в монастыре общинножительный устав, принятый потом во многих русских монастырях.
Высоко уважавший радонежского игумена митрополит Алексей перед смертью уговаривал его быть ему преемником, но Сергий решительно отказался.
По словам одного современника, Сергий "тихими и кроткими словами" мог действовать на самые загрубелые и ожесточённые сердца; очень часто примирял враждующих между собой князей, уговаривая их подчиняться великому князю московскому (например, ростовского князя - в 1356 году, нижегородского - в 1365 году, рязанского Олега и других), благодаря чему ко времени Куликовской битвы почти все русские князья признали главенство Дмитрия Иоанновича. Отправляясь на эту битву, последний, в сопровождении князей, бояр и воевод, поехал к Сергию, чтобы помолиться с ним и получил от него благословение. Благословляя его, Сергий предрёк ему победу и спасение от смерти и отпустил в поход двух своих иноков, Пересвета и Ослябю.
Приблизившись к Дону, Димитрий Иоаннович колебался, переходить ли ему реку или нет, и только по получении от Сергия ободрительной грамоты, увещевавшей его как можно скорее напасть на татар, приступил к решительным действиям.
После Куликовской битвы великий князь стал относиться ещё с большим благоговением к радонежскому игумену и пригласил его в 1389 году скрепить духовное завещание, узаконивавшее новый порядок престолонаследия от отца к старшему сыну.
В 1392 году, 25 сентября, Сергий скончался, а через 30 лет были обретены нетленными его мощи и одежды; в 1452 году он был причислен к лику святых.
Кроме Троице-Сергиева монастыря, Сергий основал ещё несколько обителей (Благовещенскую и другие), а его ученики учредили до 40 монастырей, преимущественно в Северной Руси.

http://iconsv.ru/
*

========
Ἡ εὕρεσις τῶν τιμίων Λειψάνων τοῦ Ὁσίου καὶ Θεοφόρου πατρὸς ἡμῶν Σεργίου Ἡγουμένου Ραδονεξίας, τοῦ Θαυματουργοῦ (Ρῶσος)
========
Обретение честных мощей Преподобного Сергия, игумена Радонежского (1422)

http://alchevskpravoslavniy.ru/knigi/zhitie-svyatyx/obretenie-chestnyx-moshhej-prepodobnogo-sergiya-igumena-radonezhskogo.html
*
==================
Св. Преподобный Сергий Радонежский
Палехские письма. 1889 г
 =================
АКАФИСТ преподобному Сергию игумену Радонежскому
http://www.kotlovka.ru/index.php?option=com_content&task=view&id=171

Кондак 1
     Возбранный от Царя сил Господа Иисуса, данный России Воеводо и чудотворче предивный, преподобне отче Сергие! Прославляюще мы прославльшаго тя славы Господа, благодарственное пение воспеваем ти, ибо молитвами твоими от нашествия иноплеменник и скорбных обстояний нас присно избавляеши, яко имея дерзновение ко Господу, от всяких нас бед свободи, да зовем ти:
     Радуйся, Сергие, скорый помощниче и преславный чудотворче.

Икос 1
     Ангелов Творец, предуведевый по самовластному чистаго сердца твоего изволению, всеусердствующее Его воли исполнение, еще во чреве матерни трикратным возглашением показа тя миру истиннаго служителя быти Святыя Троицы и научи всех вопити тебе сице:
     Радуйся, прежде век, яко имаши верный раб Христов быти, предусмотренный;
     Pадуйся, во оноже время во блаженное и Небесное жилище предуставленный.
     Радуйся, от чрева матерня на службу Небеснаго Царя, яко воин, хотящий верен Ему быти, призванный;
     Pадуйся, яко благодатию Божиею оправданный.
     Радуйся, не точию России, но и всей вселенней прославленный;
     Pадуйся, трикратным твоим во чреве возглашением родителей и всех слышащих удививый.
     Радуйся, по рождении своем постное иноческое житие показавый;
     Pадуйся, от сосца матерня воздержание чудное явивый.
     Радуйся, яко в среду и пяток млека никакоже вкусивый;
     Pадуйся, родителей благих добрый и избранный плод.
     Радуйся, радости скорбящим и милости с верою у тебе просящим подателю;
     Pадуйся, печалей злых во всяких приключениих отгонителю.
     Радуйся, Сергие, скорый помощниче и преславный чудотворче.

Кондак 2
     Видящи вся Россия и иныя страны данною тебе, преподобне отче Сергие, благодатию Божиею с верою к святым твоим мощем приходящим и скорое вспоможение, и присное преславное чудес творение, удивляются. И мы вси, веселящеся, яко имеем таковаго Милостиваго помощника, Прославльшаго тя прославляюще и тя, благаго раба и вернаго слугу Господня, восхваляюще, вопием Ему: Аллилуиа.

Икос 2
     Разум, еще сущу ти во чреве матерни, Святую Троицу прославити Иисус Христос даровавый, и веру крепкую, надежду несумненную, любовь истинную к Нему имети утвердивый, сподоби тя во имя Святыя Троицы преславный храм и обитель чудную устроити, и во ону множество инок собрати. Сего ради вернии научишася воспевати тебе тако:
     Радуйся, честное Пресвятыя Троицы носило и похваление;
     Pадуйся, добре стадо, тобою собранное, во спасение наставляяй.
     Радуйся, честный образе агнцем и пастырем;
     Pадуйся, правило веры и образе кротости духовныя.
     Радуйся, святыням чистое и непорочное жилище;
     Pадуйся, еще при жизни сподобивыйся видети Пресвятую Богородицу со двема апостолома.
     Радуйся, удостоивыйся во время совершения литургии сослужения ангельскаго;
     Pадуйся, во святую литургию в благодати Божией весь аки во огни стоящий.
     Радуйся, оным Божественным огнем, в потир вшедым, причастивыйся;
     Pадуйся, достоин бывый ангельскаго собеседования.
     Радуйся, преисполненный всякия благостыни;
     Pадуйся, чистоты душевныя и телесныя усердный хранителю.
     Радуйся, Сергие, скорый помощниче и преславный чудотворче.

Кондак 3
     Силою, данною ти свыше, будущая яко настоящая созерцая, возвещал еси и великому князю Димитрию о победе многочисленных прегордых агарян, хотящих Россию огнем и мечем опустошити, прореки еси, и от своего иноческаго лика двух монахов на противных в помощь дал еси, и молитвою твоею святою к Богу вопия, на агаряны победу сотворил еси. За еже тя прославляюще, и о таковой же твоей на сопротивных православному воинству помощи просяще, Богу вопием: Аллилуиа.

Икос 3
     Имуще помышление родителие твои и людие о трикратном твоем во чреве матернем в церкви глашении и удивльшеся, разумеша нечто преславное и чудное быти: и по сих уведевше твое радостное рождение, радовахуся и радостная тебе приношаху, глаголюще:
     Радуйся, отроча добродушевное и благонадежное;
     Pадуйся, детище, всякия благодати Божия исполненное.
     Радуйся, пречудное в младенчестве постничество нам являяй;
     Pадуйся, оным многих приводяй во удивление и увеселяяй.
     Радуйся, яко с тобою всегда бе благодать Господня;
     Pадуйся, от юности твоея всем сердцем и мыслию Бога возлюбивый.
     Радуйся, кротость, смирение и бдение имевыи;
     Pадуйся, вся мира сего красная, яко скоро исчезающая, презревый.
     Радуйся, вся плотския похоти Бога ради умертвивый;
     Pадуйся, многообразныя козни лукаваго силою Божиею победивый.
     Радуйся, многия люди от греховнаго пути ко Господу обративый и спасый;
     Pадуйся, яко тобою сладостей духовных исполняемся.
     Радуйся, Сергие, скорый помощниче и преславный чудотворче.

Кондак 4
     Бури жития мира сего, присно внутренними и внешними злострадании волнующагося, преподобне отче Сергие, избавився, пришел еси во пристанище немятежное небесное, на места злачна и прохладна, идеже потоцы сладости неисповедимыя, пища славы Божия нетленная, пения и гласы празднующих. Тамо почиваеши и веселишися, со всеми ангельскими силами поя Богу: Аллилуиа.

Икос 4
     Слышаша, преподобне отче Сергие, ближнии и дальнии ангелоподобное твое житие, и благодати чудес струю выну текущую, яко молитвою твоею прокаженнии очищаются, слепии прозирают, хромии ходят и разнообразных недуг с верою притекающих здравие улучают, сих избавльшеся вопияху к тебе таковая:
     Радуйся, мироварнице, на вся недуги врачевание подавающая;
     Pадуйся, безмездно паче естества врачу скоромилостивый.
     Радуйся, милости превеликия и скорбным сострадания сокровище;
     Pадуйся, всеусерднаго о людех промышления приятелище.
     Радуйся, душу свою за человеки положити готовый;
     Pадуйся, увеселение и отрада к тебе прибегающим.
     Радуйся, мертвеца преславно молитвою твоею ожививый;
     Pадуйся, оскудение монастырское в пищи исполнивый.
     Радуйся, в сусе месте поток водный тещи у Бога испросивый;
     Pадуйся, яко таяжде вода, молитвою твоею исцеляющи недуги, чудодействует.
     Радуйся, чудес пучино, Богом излиянная;
     Pадуйся, желаемых благ пришедшим к тебе подателю.
     Радуйся, Сергие, скорый помощниче и преславный чудотворче.

Кондак 5
     Боготечная пресветлая звезда явился еси, преподобне отче Сергие, небо церковное украшаяй и всех блудящих по морю страстнаго жития сего данною тебе от Солнца Правды Христа Иисуса, истиннаго Бога, благодатию озаряяй, мрак печалей и мглу всяких недуг и скорбей прогоняяй, наставляеши всех к тебе с верою притекающих на путь спасенный, к вечному Небесному Отечеству ведущий, поющих Богу: Аллилуиа.

Икос 5
     Видев преподобный Сергий, яко в мире сем всяческая суета и тлению причастна, потщася вседушно Превечному Богу благоугодити, и воистинну не вотще потрудися: премени бо тленная на нетленная, наипаче же предстояния сподобися у страшнаго Престола Владычня в славе вечней. Темже вопием ему:
     Радуйся, яко идеже Христос в телеси, таможде и ты пребываеши;
     Pадуйся, тамо, яко в зерцале, в Бозе вся Ему любезная созерцаеши.
     Радуйся, яко созерцая в Нем молящихся ти о помощи, молитвою твоею им полезная ходатайствуеши;
     Pадуйся, скорый помощниче призывающим тя во бранех православным.
     Радуйся, молитвою твоею Российстей стране победы на противныя подаваяй;
     Pадуйся, скорбящим скоропредстательный утешителю.
     Радуйся, немощей телесных и душевных немздоприемный исцелителю;
     Pадуйся, многая чудеса благодатию Духа Святаго содеваяй.
     Радуйся, хромым хождение и слепым прозрение подаваяй;
     Pадуйся, грозд винный, питающий нас и веселящий.
     Радуйся, розго Христа лозы истинныя, мног плод в пособие православным творящая;
     Pадуйся, благий рабе и верный, и добрый делателю винограда Христова.
     Радуйся, Сергие, скорый помощниче и преславный чудотворче.

Кондак 6
     Проповедует держава Российская, богомудре Сергие, труды твоя и болезни, бдение же и сухоядение, ради душевнаго твоего спасения подъятыя, егоже ради прослави тя Господь славою Своею Божественною. Темже, яко рай насажденный, в Церкви явился еси, имущи древо жизни Самаго Господа, от Негоже вкусившии вся скоро гибнущая в мире сем презирают и радостно в прекрасный виноград вышний входят, идеже ты, предстоя Ему, вопиеши: Аллилуиа.

Икос 6
     Возсия Церкви и стране нашей Российстей просвещение совершенных твоих добродетелей, преподобне отче Сергие, о нихже благодаряще Отца Небеснаго, давшаго тебе толикую благодать величия Своего к тебе, яко к теплому о нас молитвеннику, радостная воспеваем тако:
     Радуйся, ангельское житие нам являяй;
     Pадуйся, страсти греховныя уставляяй.
     Радуйся, образе истиннаго смирения;
     Pадуйся, зерцало совершеннаго терпения.
     Радуйся, наставниче великий спасению;
     Pадуйся, приводяй грешных ко исправлению.
     Радуйся, известный исполнителю заповедей Христовых;
     Pадуйся, душ немощных исцеление.
     Радуйся, милостыню творити научаяй;
     Pадуйся, ризы и брашна немощным подавати повелеваяй.
     Радуйся, пустынниче, мирскую честь и богатство возненавидевый;
     Pадуйся, постниче, от юности Богу послуживый.
     Радуйся, Сергие, скорый помощниче и преславный чудотворче.

Кондак 7
     Хотя избран дом Духу Святому себе сотворити, потщался еси тесным и прискорбным путем, ведущим в жизнь вечную, взем на рамо свое Крест Христов, шествовати, еже благодатию Божиею от юности твоея непорочно в творениих заповедей Господних совершив, достигл еси уготованнаго тебе в небесном всевеселом пребывании воздаяния, и тамо благодарственно поеши Богу: Аллилуиа.

Икос 7
     Новую благодать показа всех Творец и Владыка тебе, богомудре Сергие: аще бо и умерл еси на земли плотию, но душею в вышнем селении всегда жив сый, многая и преславная чудеса в мире живущим людем действуеши, и теплым твоим ходатайством пособствуеши, вопиющим к тебе таковая:
     Радуйся, девственниче душею и телом;
     Pадуйся, иноком наставниче предивный.
     Радуйся, душ наших радование;
     Pадуйся, быстрое нищим услышание.
     Радуйся, скорбящим приятное попечение;
     Pадуйся, чистоты усердный хранителю.
     Радуйся, ненадежным надеяние;
     Pадуйся, всея России увеселение.
     Радуйся, древо чудоточное рая Иисусова;
     Pадуйся, крине райскаго прозябения.
     Радуйся, миро Христова благоухания;
     Pадуйся, яко тобою приносится радование.
     Радуйся, Сергие, скорый помощниче и преславный чудотворче.

Кондак 8
     Страшное и преславное чудо является притекающим к тебе, богомудре Сергие: ибо данною тебе Божиею благодатию с верою просящих немедленно от всяких многообразных телесных и душевных скорбей исцеляеши, от бед избавляеши, от напастей охраняеши, и всем всяко благополезное прошение исполняеши, и вопиеши Богу: Аллилуиа.

Икос 8
     Весь еси, преподобне отче Сергие, в вышних, но и нижних не оставляеши: присно со Христом Царем Вечным царствуеши и нас, грешных и недостойных, пред Ним воспоминаеши, моляся о спасении нашем. Темже от усердия нашего вопием к тебе сице:
     Радуйся, оставльшии имение и возлюбивый нищету Христову;
     Pадуйся, достигий к неистощимому богатству.
     Радуйся, Духу Святому подклонивыйся со всяким смирением;
     Pадуйся, воине Христов непобедимый явльшийся.
     Радуйся, крилома богомыслия сети вражия сокрушивый;
     Pадуйся, смирением возвышаемый, в вечныя кровы возлетевый.
     Радуйся, просвещенный внутрь благодатию;
     Pадуйся, истребивый страстей мглу душевредную.
     Радуйся, в подвизех дневных и нощных течение совершивый;
     Pадуйся, в невечернем дни Царствия Божия присно почиваяй.
     Радуйся, тамо снедения пищи разумныя сподобльшийся;
     Pадуйся, яко того блаженства от Бога вечно удостоивыйся.
     Радуйся, Сергие, скорый помощниче и преславный чудотворче.

Кондак 9
     Всякое естество ангельское удивися великому свыше тебе дарованию, яко на земли невещественное житие показал еси, и во плоти, аки безплотен, явился еси. Сего ради многих чудес творения от Господа прием, чистою и боголюбезною душею твоею Того благостию к Небесным причтен еси силам, в Небесех ныне поеши всесильному Богу: Аллилуиа.

Икос 9
     Ветия многовещанныя недоумеют достойно славити тя, достойный всякия славы, славне преподобне отче Сергие, ибо пачеестественная многая преславная чудодействия, еще жив сущь, показал еси, но и по смерти тая благодатию Божиею творити не престаеши. Мы же, любовию понуждаеми, дерзаем пети тебе сице:
     Радуйся, земный Ангеле и небесный человече;
     Pадуйся, во плоти живый духовно, на земли небесно.
     Радуйся, в человечестве пребываяй ангельски, в мире премирно;
     Pадуйся, душевныма твоима очима выну Господа созерцавый.
     Радуйся, пред лицем Божиим, яко раб пред Господем, ходивый;
     Pадуйся, пред Оным, яко сын пред Отцем, яко ученик пред Учителем, шествовавый.
     Радуйся, яко воин пред Воеводою готов сый вся повеленная Им творити;
     Pадуйся, добрый стада своего иночествующих наставниче и правителю.
     Радуйся, шествовавый от силы в силу, дондеже явися тебе Бог богов в Сионе;
     Pадуйся, Единаго Господа возлюбивый и к Нему очеса своя выну имевый.
     Радуйся, во вся дни живота своего Его искавый и в Нем намерение полагавый;
     Pадуйся, ничесого на Небеси и на земли, разве Христа Иисуса, видети желавый.
     Радуйся, Сергие, скорый помощниче и преславный чудотворче.

Кондак 10
     Спасти хотя душу твою, в юности возраста своего отреклся еси воли своея и во знамение отсечения ея постригл еси власы главы своея и был еси монах, покоривый себе воли Божией и начальником, от Него поставленным, ихже веления тако слушал еси, яко Самаго Господа, никогда же прекословя, но слову веления исполнением дела отвещавая. Всяческая же приключения благодарно, яко верный раб, от Господа приимал еси, Емуже на Небесех предстоя, ныне вопиеши: Аллилуиа.

Икос 10
     Стена еси всем человеком, к заступлению твоему прибегающим, преподобне богомудре Сергие. Темже и нам к тебе приходящим и милостиваго твоего во всяких нуждах заступления у Царя Небеснаго просящим, буди стена крепкая и ограждение непреоборимое, от всяких нас бед и напастей застеняя и ограждая, за еже мы вопием тебе таковая:
     Радуйся, воине Царя Небеснаго, не обязавыйся куплями житейскими, да Ему угоден будеши;
     Pадуйся, не восхотевый двема господинома, Богу и миру, работати, но Единому Богу точию.
     Радуйся, от юности на тело свое, на мир сей и диавола вооруживыйся;
     Pадуйся, постом, поклоны, стоянием на молитве, бдением умертвивый плоть свою.
     Радуйся, умертвивый оную прежде, нежели она жива страстем бяше;
     Pадуйся, мертву содеявый гортань противу приимания сластей.
     Радуйся, мертв сотворивый язык противу глаголания скверных, клеветных и ложных;
     Pадуйся, мертвы устроивый ушеса противу слышания душевредных.
     Радуйся, мертвы содеявый руце противу грабления и всяких зол творения;
     Pадуйся, мертво сотворивый чрево противу объядения и пиянства.
     Радуйся, мертва соделавый трудами чресла своя противу нечистоты;
     Pадуйся, мертвы сотворивый нозе противу течения в путь грешников и на совет нечестивых.
     Радуйся, Сергие, скорый помощниче и преславный чудотворче.

Кондак 11
     Пение благодарственное благотворителю Христу Иисусу, тя, преподобне отче, прославляюще, вси православнии взывают, яко даровал ти многих чудес силу творения: слепыя просвещати, прокаженныя очищати, больныя врачевати, бесныя от демонскаго дручения свобождати, толико сильне, якоже и не у приведенных к тебе бывшим бесным, еще на пути демони от них отбегаху и ктому не возвращахуся, боящеся в тебе силы Божия, юже выну в Небесех прославляя, вопиеши Богу: Аллилуиа.

Икос 11
     Светозарное светило в православной Российстей державе и во всей вселенней благодатию немерцающаго Солнца, Христа Иисуса, просвещающею возсиявшее, зрим тя, богомудре отче: с невещественными бо в вышних предстоя Престолу Троицы Пресвятыя, радости превеликия исполнен еси и Божественными лучами Трисолнечнаго Света осияваемь, облистаеши верныя, вопиющия к тебе таковая:
     Радуйся, возшедый на гору превысоку добродетелей Божественных;
     Pадуйся, яко от тоя удобь возшел еси на гору небесную.
     Радуйся, яко от обители земныя во обитель небесную водворился еси;
     Pадуйся, яко восходя тамо душею, нам мощи твоя святыя оставил еси.
     Радуйся, яко мощи твоя исцелевают всякия скорби и болезни;
     Pадуйся, яко мощей твоих демони трепещут.
     Радуйся, яко твоя мощи комуждо в приключьшихся печалех бывают увеселение;
     Pадуйся, душею востекий в Сион Горний к Царю Небесному.
     Радуйся, яко тамо предстоя, о всех нас к Нему тепле ходатайствуеши;
     Pадуйся, яко благоутробие Его о всех чтущих память твою умилостивляеши.
     Радуйся, стране нашей на противных победу молитвою твоею содеваеши;
     Pадуйся, яко всем верным всякое прошение во их пользу исполняеши.
     Радуйся, Сергие, скорый помощниче и преславный чудотворче.

Кондак 12
     Благодать, данную ти от Бога, сведуще, тебе, приснаго нашего милостиваго отца, прилежно просим: пролей ныне теплую твою молитву о нас, грешных, ко Господу, яко да презрев вся наша согрешения, дарует победы на враги, яко царю Константину на Максентиа, яко Давиду на Голиафа; державу Российскую да укрепит, Церковь Свою Святую от распрей и расколов незыблему да сохранит, обилие всяких плодов земли да дарует и вся православныя христианы да спасет и помилует, чесого от Него твоими молитвами улучити ожидающе, вопием Ему: Аллилуиа.

Икос 12
     Поюще дивнаго во святых Своих Царя Небеснаго, прославльшаго тя, вернаго Своего раба, преподобнаго отца Сергиа, милостивое твое, скорое нам во всяких нуждах и печалех поможение прославляем, ибо в тебе в Троице прославляемый Бог наш преславным многим чудодействием дивно прославися, о чесом удивляющеся вопием к тебе сице:
     Радуйся, великославный Российский наш Заступниче, отче Сергие;
     Pадуйся, совершенный в добродетелех человече.
     Радуйся, дивный подражателю совершенства Отца нашего Небеснаго;
     Pадуйся, преблагий и добрый наставниче иноков.
     Радуйся, о6разе пустынножителей и устроителю общаго жития;
     Pадуйся, всех православных скорый помощниче и Заступниче.
     Радуйся, Царя Небеснаго и Бога известный умилостивителю;
     Pадуйся, многажды заступлением твоим прошения предваряяй.
     Радуйся, покрове, Богом зданный, имже покрываются мнози;
     Pадуйся, ленивых подвигнувый твоими христоподражательными нравы.
     Радуйся, доброзрачное света евангельскаго всесветлое сияние;
     Pадуйся, Трисолнечнаго Святыя Троицы света выну просвещающее озарение.
     Радуйся, Сергие, скорый помощниче и преславный чудотворче.

Кондак 13
     О чудотворче преславный и заступниче всем нам во всяких бедах и скорбех скорый и пречудный, богомудре отче Сергие! Нынешнее наше приими приношение и богоприятным твоим ходатайством умоли Господа сил силу свыше православному нашему воинству на сопротивныя подати и нам всем, Того благодатию очистившимся, от геенны избавитися и грядущая в Небесех благая улучити, вопиющим Ему: Аллилуиа.
Этот кондак читается трижды, затем 1-й икос «Ангелов Творец...» и 1-й кондак «Возбранный от Царя сил...».
*
=============
Преподобный Сергий, игумен Радонежский
 ============
АКАФИСТ преподобному Сергию игумену Радонежскому (иной)
http://www.kotlovka.ru/index.php?option=com_content&task=view&id=2574

Кондак 1
     Возбранный воеводо воинов духовных, под знамением Креста воинствующих на невидимаго врага, Сергие чудотворче: яко избавльшеся от бед твоими победоносными предстательствы, в брани жития сего, похвальная восписуем тебе в хвале небесней торжествующему добропобедно: ты же яко имея дерзновение к Непобедимому Царю, пособствуй ходатайственно всем верно призывающым тя, даруя победу на видимыя и невидимыя враги, да зовем ти:
     Радуйся, преподобне чудотворче Сергие, отче наш.

Икос 1
     Ангелов Творец в Троице Бог, славимый от тройственных священноначалий ангельских трисвятыми гласы, избра тя, преподобне Сергие, во равноангельное священнослужение Себе еще от утробы матерни, в нейже трикраты во время Святыя Литургии пачеестественно возгласил еси. Тем яко подобноангельному служителю Святыя Троицы, в радости неизреченной со ангелы водворяющемуся, радостная приглашаем тебе сице:
     Радуйся, от чрева матерня освященный.
     Радуйся, в рождении твоем Варфоломей, сиречь сын радости нареченный.
     Радуйся, безплотных священноначальствию ангельским во плоти житием твоим подражавый.
     Радуйся, огненную в сердце твоем к Богу любовь серафимски стяжавый.
     Радуйся, херувимски просвещенный знанием о Бозе.
     Радуйся, Престолу Его представый в дерзновении мнозе.
     Радуйся, господствию духа плоть свою покоривый.
     Радуйся, силу дарования в чудесех явивый.
     Радуйся, имеяй власть противныя власти тмы побеждати.
     Радуйся, начальствующих наставивый богоугодно управляти.
     Радуйся, архангельски Божия дела возвещаяй.
     Радуйся, всех прибегающих к тебе от бед ангельски сохраняяй.
     Радуйся, преподобне чудотворче Сергие, отче наш.

Кондак 2
     Видяще странное твое воздержание, великочудесне Сергие, яко от дне рождения не ссал еси в среду и пяток, и никакова же вкушал еси млека: отсюду познахом тя, от сосец матерних, чудотворца и постника суща. Сего ради Бога из уст младенец и ссущих хвалу совершающаго похваляюще, зовем: Аллилуиа.

Икос 2
     Разум безчисленный подавая людем Бог разумов Господь, отверзе тебе ум разумети писания, Сергие преподобне, прежде косну и неудобну ко изучению книжныя премудрости бывшу, да явится, яко не от человек, но и от Бога приял еси разум книжный: о немже обрадованный от явльшагося тебе во образе иночестем ангела, приими от нас радостное пение сие:
     Радуйся, изучивый во первых чести слово, еже в начале бе у Бога.
     Радуйся, обретый в нем сокровище премудрости и разума многа.
     Радуйся, на хартии телесе Христова, аки пять словес, пять язв больших прочитавый.
     Радуйся, в Писании том живот вечный испытавый.
     Радуйся, ум твой к Небеси чтением книг божественных восперивый.
     Радуйся, во творении руку Его себе поучивый.
     Радуйся, навыкнувый хранити страх Божий премудрости начало.
     Радуйся, всем соучащымся к тебе бывый добродетели зерцало.
     Радуйся, на скрижали сердца своего Закон Божий написавый.
     Радуйся, учение сие всем послушающым тя предавый.
     Радуйся, юность твою в целомудрии обучивый.
     Радуйся, яко деву чисту Жениху Христу себе обручивый.
     Радуйся, преподобне чудотворче Сергие, отче наш.

Кондак 3
     Сила Вышняго осени, преподобне, непорочную твою душу, в нейже страх Божий заченши, и поболевши многими труды, различная искушения и скорби мужественно претерпевши, родила еси дух спасения, поющи всесильному Богу: Аллилуиа.

Икос 3
     Имый помышление таковое в себе, преподобне Сергие, по смерти родителей своих, яко всяко умрети имать, благоразумно разсудив краткость сея жизни, раздал еси вся оставльшая имения нищым, ничтоже на пропитание себе оставляя, ныне убо в присносущных богатствех безсмертныя насыщаяся славы, слышиши от нас таковая:
     Радуйся, любве ради Зиждителя своего земная к земли возвративый.
     Радуйся, приобретения ради Христова, уметы вся быти вменивый.
     Радуйся, отвергий богатство, яко терние подавляющее семена духовна.
     Радуйся, возненавидевый то, яко вещество пламене греховна.
     Радуйся, блаженство нищеты духовныя сподобльшийся прияти.
     Радуйся, восхотевый нищетне внити в Небесное Царствие узкими враты, и в пространстве стати.
     Радуйся, иго Христово благое и бремя легкое понесый измлада.
     Радуйся, не обративый ся вспять в шествии до Горняго града.
     Радуйся, прежде кончины твоея во умерщвление страстей облеченный.
     Радуйся, во умерщвленном телеси нетления ризою украшенный.
     Радуйся, богатства негиблющаго в животе вечнем обладателю.
     Радуйся, непостижимыя славы святых созерцателю.
     Радуйся, преподобне чудотворче Сергие, отче наш.

Кондак 4
     Буря безмерная лукавых духов, многоразличне тщашеся препяти твоему, преподобне Сергие, трудолюбному житию: овогда бо в звери и змии преобразовахуся, овогда же яко некое воинство со яростию устремляхуся на тя свирепо: ты же мужественно молитвою себе вооружая, прогнал еси вся их бесовская полчища, не убоявся козней их, зовый Богу: Аллилуиа.

Икос 4
     Слышаще твое терпеливодушное в безмолвии житие, преблаженне, мнози от окрестных градов и стран стекахуся к тебе пользы ради, инии же хотяще с тобою жити и наставлятися от тебе на путь спасения: ихже любезно приемля, создал еси к молению церковь во имя Пресвятыя Троицы, устроевая наипаче самого себе в жилище достойно Единому в Троице Богу. Сего ради похваляем тя, глаголюще:
     Радуйся, тричастное души твоея к Богу Триипостасному вперивый.
     Радуйся, Бога Отца ветхаго денми воспоминанием древних благодеяний Божиих в памяти твоей носивый.
     Радуйся, яко мудрость Сына, премудре о нас смотрение совершившаго, в разуме твоем сияше.
     Радуйся, яко благодать Бога Духа Святаго в воли твоей благих хотевшей обитаще.
     Радуйся, три изрядныя добродетели иночества твоего жертвовавый Троице нелестно.
     Радуйся, отдавый послушание Богу Отцу, Емуже Сын послушлив бе даже до смерти крестныя.
     Радуйся, нищету твою Богу Сыну обнищавшему нас ради, в плоти твоей явивый смиренно.
     Радуйся, чистоту свою Святому Духу, в чистых сердцах живущему, сохранивый нетленно.
     Радуйся, с добродетельными твоими плоды возложивый на Бога Отца веру всецелу.
     Радуйся, окрилатевый яко орел, надеждею на Бога Сына, собирающаго нас ко Своему Телу.
     Радуйся, Бога Духа Святаго, во огненных сошедшаго языцех, огненною любовию возлюбивый.
     Радуйся, ихже око не виде, и ухо не слыша, и на сердце человеку не взыдоша, сия от Троицы получивый.
     Радуйся, преподобне чудотворче Сергие, отче наш.

Кондак 5
     Боготочный источник пресветлых чудес явился еси, славне Сергие, изливая благоугодных вод струи, стремлением своим веселящыя град Божий, обитель Пресвятыя Троицы, паче же и лице всея земли напаяющыя обильно: отонуду же всяк с верою почерпая, многая исцеления приемлет, прославльшему тя Богу благодарственно зовый: Аллилуиа.

Икос 5
     Видевше Российстии сынове пречудное по Бозе житие твое, Сергие преподобне, яко и аще последи леты в новопросвещенной стране Российстей возрасл еси, но древних преподобных отец чести сподобился еси, дарования чудес достойно прием от Бога, того ради научишася пети тебе:
     Радуйся, Антонию Великому равнострадальне в терпении бесовских возстаний.
     Радуйся, Феодосию общежительства начальнику подобонравне, в хранении общежительных преданий.
     Радуйся, Савве Освященному во множественном числе учеников счисленный.
     Радуйся, Арсению мужества имя носящему, в духовном мужестве сравненный.
     Радуйся, со Иоанном Лествичником восхождение в сердце своем к Небеси положивый.
     Радуйся, с Макарием блаженство в нетленном твоем телеси получивый.
     Радуйся, Онуфрию Великому подражавый житием в пустыни.
     Радуйся, Паисию Великому последовавый во всякой святыни.
     Радуйся, Симеона Столпника примером высокий столп добродетелей создавый.
     Радуйся, Павла Препростаго сердца незлобие о всем житии своем показавый.
     Радуйся, Афанасию безсмертия участниче, не именем, но делами.
     Радуйся, с Евфимием благодушным в безконечныя веселия возшедый егоже стопами.
     Радуйся, преподобне чудотворче Сергие, отче наш.

Кондак 6
     Проповедует Российский род преславная и неисчетная твоя чудеса, изряднославне чудотворче Сергие: коль мнози от духов нечистых избавлени тобою быша, коль мнози от различных недугов, бед и напастей твоими спасошася молитвами. Ты бо еси крепкий во бранех сущым помощник, болящым врачь, обидимым заступник: ты всем вся могий о чудодействующем тобою Христе, да всех научиши пети: Аллилуиа.

Икос 6
     Возсия паче солнца воздержание твое, преподобный: егда не пекийся о брашне, еже не поставит нас пред Богом, скудости ради в монастыре твоем, без пищи три дни пребывшу братию и во мраце скорби сущую, озарил еси лучами благодарственнаго терпения, истиннаго воздержания и несомненнаго упования на Бога: от Негоже абие обильство всех благ твоими молитвами получивше, воспеша тебе сице:
     Радуйся, преподобнейший алчущих питателю.
     Радуйся, и духовнаго насыщения требующым подателю.
     Радуйся, алкавый и жаждавый правды, насыщаяйся же ныне.
     Радуйся, посажденный на трапезе небесней в постническом чине.
     Радуйся, отложивый о тленной пищи попечение безместно.
     Радуйся, исполнивый обитель свою брашны принесенными безвестно.
     Радуйся, благостию Божиею, а не токмо брашны, сердца наша утверждаяй.
     Радуйся, глаголом, исходящим из уст Божиих паче, неже хлебом, насыщаяй.
     Радуйся, брашно делавый пребывающее в живот вечный, а не брашно телесно.
     Радуйся, в крепости яди тоя шествовавый даже до Горы Небесныя.
     Радуйся, побеждаяй враги наша молитвами твоими, яко хлебом виденным у Гедеона.
     Радуйся, вкушаяй хлеба ангельскаго во дворех вышняго Сиона.
     Радуйся, преподобне чудотворче Сергие, отче наш.

Кондак 7
     Хотящу преблаженному Алексию, Всероссийскому пастырю, от нынешняго века прелестнаго преставитися, призван был еси богоносне Сергие, да приимеши по нем сан святительства, обрученнаго тебе от него возложением креста архиерейскаго, златом и камением украшеннаго: ты же смиренномудрия любителя, не златоносца себе являя, и толикаго сана недостойна быти вменив, смиренномудренно при кресте иноческаго терпения твоего, судьбы Господни вожделенныя паче злата и камене честна хранити восхотел еси, зовый Богу: Аллилуиа.

Икос 7
     Новое небо от высоты жития твоего разумеваем тя, отче, деянием и видением, аки двема завесома утверждена, неисчетными же чудесы яко звездами блистающа. Тебе красная яко луна Богородица, со святыми апостолы Петром и Иоанном, аки со зарею вечернею и денницею утреннею, посещаше. Чрез знамения убо добродетелей твоих, правды солнце мысленное Христос Господь, течение Свое творя, просвещает всех зовущих ти сице:
     Радуйся, во юности посвятивый в жертву приятну Богови, яко юнца, себе самаго.
     Радуйся, сохранивый невредно целомудрие девства драгаго.
     Радуйся, прехождением своим в пустынях многия обители насадивый.
     Радуйся, чудотворных вод, от Бога умолением, черплющих всех насладивый.
     Радуйся, возмогий рыкающаго диавола, яко льва мужественно победити.
     Радуйся, с сею победою удостоивыйся во врата славы торжественно внити.
     Радуйся, навыкнувый кротости от Агнца, вземлющаго вся злая.
     Радуйся, яко за соблюдение правды получил еси вечная благая.
     Радуйся, щитом веры угасивый вся разжженная лукаваго стрелы.
     Радуйся, сокрушивый седмь глав злобы адскаго змия, седмь грехов смертных противными благими делы.
     Радуйся, совокуплену имеяй любовь к Богу и ближним.
     Радуйся, источаяй от раки своея цельбы в пользу нам нижним.
     Радуйся, преподобне чудотворче Сергие, отче наш.

Кондак 8
     Странное и ужасное видение виде Моисей Боговидец, яко купина горящи, и не сгараше: ужаснаго сподобися видения и ученик твой Симон, егда служащу ти Божественную Литургию, виде невещественный огнь, осеняющь олтарь и окружающь священную трапезу: тебе же, преподобне Сергие, от главы до ногу во огни стоящу, и тем сошедшим, аки плащаница, во Святую Чашу, небесным причащшагося огнем, Бог бо наш огнь есть поядаяй: обаче тя не опали, но паче просвети, во еже пети: Аллилуиа.

Икос 8
     Весь род Российский, воедино совокупленный, не возможет благодарственнаго воздати похваления предстательству твоему, достохвальне Сергие: не точию бо близ притекающих к цельбоносному твоему гробу, но и далече отстоящих, и призывающих всечестное твое имя, теплым твоим предстательством защищаеши и храниши от всякаго зла. Елико убо возможно благодарствующе похваляем тя таковыми гласы:
     Радуйся, служителю Божий о верных умоляяй.
     Радуйся, наставниче грешных к Небеси направляяй.
     Радуйся, души бедствующия и тела многомощный хранителю.
     Радуйся, оскорбляемым теплый покровителю.
     Радуйся, предводителю добрый в путь спасения текущым.
     Радуйся, защитителю добрый во брани мира сущым.
     Радуйся, целителю изящный болезни душевной и телесной.
     Радуйся, просветителю чудный обою тмы очесной.
     Радуйся, посетителю скорый в немощи лежащым.
     Радуйся, утешителю мудрый в бедах слезящым.
     Радуйся, пособителю крепкий воем христианским.
     Радуйся, прогонителю страшный полчищем поганским.
     Радуйся, преподобне чудотворче Сергие, отче наш.

Кондак 9
     Всякую стяжал еси чудодействия силу, благодатию дивнаго во святых Своих Бога, всебогате Сергие: не токмо бесы от человек дымом молитв твоих прогнал еси, яко Рафаил; прокаженныя очистил еси, в пролиянии пред Богом слез, яко во Иордане Елиссей; плененныя от варвар, скоро предварив освободил еси, яко Николай Чудный; умершаго же отрока воскресив, животворящему мертвыя, и зовушему не сущая, яко сущая, Богу, о всех преславных твоих чудотворениих созывал еси всех воспети: Аллилуиа.

Икос 9
     Ветия суемудренныя отступническия обличил еси, представ во сне пресвитеру Симеону, не низпадшему в злочестие тщесовестное и по преставлении твоем отверженное от тебе: темже вси истинная Восточныя Святыя Церкве чада имуще тя столпа церковнаго в вере непоколебима, ублажают сице:
     Радуйся, злославное отступническое любомудрие укоривый.
     Радуйся, правоверных благочестие уяснивый.
     Радуйся, истинныя премудрости содержавый догматы.
     Радуйся, научивый не прением, но верою возмогати.
     Радуйся, обличивый отступление веры, яко всем злым виновно.
     Радуйся, правоверных в предании святых отец утвердивый богословно.
     Радуйся, не благоволивый в зловерных многоглаголанию вредному.
     Радуйся, упразднивый тех великомудрствие о благоречии тщетном.
     Радуйся, не внешними словесы, но Божиим свидетельством вооруженный.
     Радуйся, на камени краеугольном Христе, неподвижимою верою утвержденный.
     Радуйся, благочестно течение скончавый, и веру соблюдый нескверну.
     Радуйся, в венце правды представый Свету невечерню.
     Радуйся, преподобне чудотворче Сергие, отче наш.

Кондак 10
     Спасения ради хотящему ученику твоему Исаакию молчаливое хранити житие, и просящему на се у тебе благословения, повелел еси приити во время Божественныя Литургии ко олтарю, идеже егда благословлял еси его, виде он аки некий велик пламень изшед от руку твоею, чудотворче, и прикоснувшийся ему, яко клещею огнь от олтаря вземшею, благословящею твоею рукою: се же бысть ему к потреблению неключимаго празднословия, к утверждению же в безстрастном молчании с Серафимы пети Богу: Аллилуиа.

Икос 10
     Стена велика и высока, имущая оснований дванадесять неподвижимых догмат Православныя нашея веры, ты еси, адамантодушне Сергие, остеняя велелепотне пречестную свою обитель, аки град великий святый Иерусалим, низшедый россом с небесе, от Бога имущь славу Божию в чудесех твоих, и украшение всяким драгим камением многоценных твоих молитв, имиже остеняеши всех зовущих ти сице:
     Радуйся, преподобне, яко иаспис пресветлейший, во всей подсолнечной сияяй чудесно.
     Радуйся, яко сапфир невообразный, блистаяй нам житие поднебесно.
     Радуйся, яко халкидон углевидный, огнем любве Божия разжженный.
     Радуйся, яко смарагд зеленеющий, присновесенним венцем увязенный.
     Радуйся, яко сардоникс, ногтя нечувственнаго цвет имый, умерщвление страстей подаваяй.
     Радуйся, яко сардий, язвы от железа целящий уязвленных на брани, верных чудотворне исцеляяй.
     Радуйся, яко хрисолиф златосветящий, многоценными добродетельми блистаяй.
     Радуйся, яко вирилл, носяй морский вид, плавающих в мори безбедно управляяй.
     Радуйся, яко топазий цельбоносный, исцеляяй слепоту душевную и телесную.
     Радуйся, яко хрисопрас надзлатояснейший, получивый доброту небесну.
     Радуйся, яко якинф воздуховидный, на воздусе восхищен быти готов во сретение Господне.
     Радуйся, яко амефист огнесветлый, пожигаяй бесов множество преисподне.
     Радуйся, преподобне чудотворче Сергие, отче наш.

Кондак 11
     Пение всякое побеждается, звездочисленными твоими труды, всеблаженне Сергие: кто бо от земнородных прославит жестокое твое житие; кто возвеличит священныя подвиги твоя; безмолвие совершенное, смирение нелицемерное, пост протяженный, молитву непрестанную, чистоту по внутреннему и внешнему человеку; за няже сподобился еси со всеми без порока последующими Агнцу, и благоугодне подвизавшимися, пети: Аллилуиа.

Икос 11
     Светозарным светом блистает обитель твоя, всесветлый чудотворче, изнесши от земнаго покровения сияющыя чудесами нетленныя мощи твоя, и поставльши их яко светильник на месте достойне, да исполнится речение Господне: «Не вжигают светилника, и под спудом не полагают, но на свещник поставляют, да входящии видят». Темже вси в храме твоем, и везде тобою просвещаеми, дерзаем глаголати тебе:
     Радуйся, свещниче тричастный, треми светлейшими богословскими добродетельми светящий.
     Радуйся, светилниче двойственный, любовию ко Богу и ближнему горящий.
     Радуйся, егоже сугубоестественный Архиерей, прошедый небеса, в служение Свое небесное постави.
     Радуйся, егоже стояй посреде седми светилников, яко единаго от тех Себе представи.
     Радуйся, светилниче, дарами Духа Святаго седмоосвященый, яко виденный Захариею пророком.
     Радуйся, во светение чудесное поставленный в России на месте высоком.
     Радуйся, светилниче превознесеннейший, паче света освещающий плавающих в мори.
     Радуйся, светением твоим наставляяй преплавати от мира к небеси вскоре.
     Радуйся, светилниче мысленный, светящий святынею, паче поставленнаго Соломоном, во Святых Святая.
     Радуйся, блистанием чудес твоих во вся концы земли сияя.
     Радуйся, умерый миру, жив же Богови, мертвому отроку даровавый жити.
     Радуйся, живый во веки со Христом, с Нимже и нам моли быти.
     Радуйся, преподобне чудотворче Сергие, отче наш.

Кондак 12
     Благодать Божию исповедав древле Маккавей, егда грядущу ему с воинством на супостаты, явися предводяй их конник в одежде беле, укрепляя тех и мужественны творя. Равное возсылает благодарствие преславная обитель чудотворца Сергиа, от облежащих ю врагов избавленная, явлением преподобнаго старца ездяща, и имуща в руце своей мечь обнажен: егоже помощию храбрственно изшедше сущии во обстоянии, победиша сопротивныя, ублажающе споборствующаго им чудотворца, и вопиюще Богу: Аллилуиа.

Икос 12
     Поюще твое успение, преподобне отче, Российстии твоя чада, прославляем Подателя всех благих Бога, даровавшаго нам тебе, таковаго отца, иже и по преставлении твоем не оставляеши нас, но благодатными чудес даровании всегда призираеши, посещаеши, и заступаеши: Емуже надгробное совершающе пение, ублажаем достопамятное твое житие любезным воспоминанием, и паки совокупне сим:
     Радуйся, в честь Святыя Троицы трикраты во утробе матерней странно возгласивый.
     Радуйся, в память Христовых страстей, среду и пяток постивыйся.
     Радуйся, имение свое к Небеси руками нищих предпославый.
     Радуйся, в нищете душевной и телесной безпечално в пустыни обитавый.
     Радуйся, претерпевый бесовская наваждения преизлишше.
     Радуйся, создавый обитель Святей Троице троическою помощию свыше.
     Радуйся, чудесных вод от Бога умолением наполнивый обители твоея ограду.
     Радуйся, брашны невидимо принесенными алчной братии сотворивый отраду.
     Радуйся, невосхотевый прияти святительския власти, одеяния и украшения телесна.
     Радуйся, во время литургисания твоего, одеянный пламенем огня Небеси.
     Радуйся, светилниче, елеем милости кипяй.
     Радуйся, на свещнице славы небесныя горяй.
     Радуйся, преподобне чудотворче Сергие, отче наш.

Кондак 13
     О великий чудотворче Сергие всеблаженне, преизряднейший Российкия страны хранителю! Приими смиренно приносимое тебе моление, и твоим у Небеснаго Царя предстательством сохрани и помилуй Отечество наше от враг видимых и невидимых, и от всяких скорбей, бед и напастей, и исходатайствуй в Небесном Царствии всем прилежно молящымся, с тобою пети: Аллилуиа.
Этот кондак читается трижды, затем Икос 1-й и Кондак 1-й
*
==========
Преподобный Сергий, игумен Радонежский
 ==========
МОЛИТВА
святому преподобному Сергию, игумену Радонежскому и всея России чудотворцу


О священная главо, преподобне и Богоносне отче наш Сергие, молитвою твоею, и верою, и любовию, яже к Богу, и чистотою сердца, еще на земли во обитель Пресвятыя Троицы душу твою устроивый, и ангельскаго общения и Пресвятыя Богородицы посещения сподобивыйся, и дар чудодейственныя благодати приемый, по отшествии же твоем от земных наипаче к Богу приближивыйся, и Небесныя силы приобщивыйся, но и от нас духом любве своея не отступивый и честныя твоя мощи, яко сосуд благодати полный и преизливающийся, нам оставивый! Велие имея дерзновение ко Всемилостивому Владыце, моли спасти рабы Его, сущей в тебе благодати Его верующия и к тебе с любовию притекающая. Испроси нам от великодаровитаго Бога нашего всякий дар, всем и коемуждо благопотребен, веры непорочны соблюдение, градов наших утверждение, мира умирение, от глада и пагубы избавление, от нашествия иноплеменных сохранение, скорбящим утешение, недугующим исцеление, падшим возставление, заблуждающим на путь истины и спасения возвращение, подвизающимся укрепление, благоделающим в делах благих преуспеяние и благословение, младенцам воспитание, юным наставление, неведущим вразумление, сиротам и вдовицам заступление, отходящим от сего временнаго жития к вечному благое уготовление и напутствие, отшедшим блаженное упокоение, и вся ны споспешествующими твоими молитвами сподоби в день Страшнаго суда шуия части избавитися, десныя же страны общники быти и блаженный оный глас Владыки Христа услышати: «Приидите, благословеннии Отца Моего, наследуйте уготованное вам Царствие от сложения мира».
Аминь.
*
Сергий, святой преподобный игумен,
Радонежский чудотворец
 *
Молитва иная
    
О священная главо, преподобне отче, преблаженне авво Сергие Великий! 
Не забуди убогих своих до конца, но поминай нас во святых своих и благоприятных молитвах к Богу. Помяни стадо свое, еже сам упасл еси: и не забуди посещати чад своих. Моли за ны, отче священный, за дети своя духовныя, яко имея дерзновение к Небесному Царю: не премолчи за ны ко Господу, и не презри нас, верою и любовию чтущих тя. Поминай нас недостойных у Престола Вседержителя, и не престай моляся о нас ко Христу Богу: ибо дана тебе бысть благодать за ны молитися. Не мним бо тя суща мертва: аще бо и телом преставился еси от нас, но и по смерти жив сый пребываеши, не отступай от нас духом, сохраняя нас от стрел вражиих, и всякия прелести бесовския, и козней диавольских, пастырю наш добрый. Аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с небесными силами, у Престола Вседержителя предстоящи, достойно веселится. Ведуще бо тя воистинну и по смерти жива суща, тебе припадаем, и тебе молимся, еже молитися о нас всесильному Богу, о пользе душ наших, и испросити время на покаяние, и о невозбранном преитии от земли на небо, мытарств же горьких, бесов воздушных князей, и вечныя муки избавитися, и Небесному Царствию наследники быти со всеми праведными, от века угодившими Господу нашему Иисусу Христу: Емуже подобает всякая слава, честь и поклонение, со Безначальным Его Отцем, и с Пресвятым и Благим, и Животворящим Его Духом, ныне и присно и во веки веков.
Аминь.
*
Преподобный Сергий. игумен Радонежский
 *
Молитва третья
    
О Небеснаго гражданине Иерусалима, преподобне отче Сергие!
Воззри на нас милостиво, и к земли приверженных возведи к высоте небесней. Ты Горе на Небеси, мы на земли низу, удалены от тебе, не толико местом, елико грехми своими и беззаконии: но к тебе, яко нам сродному, прибегаем и взываем, настави нас ходити путем твоим, вразуми и руководствуй. Свойственно есть тебе, отче наш, благоутробие и человеколюбие: на земли живущу не о своем токмо спасении бысть тебе попечение, но и о всех к тебе притекающих. Наставления твоя быша тростию книжника скорописца, на сердце каждаго глаголы жизни начертавающаго. Не телесныя бо токмо врачевал еси болезни, но паче душевных врачь изящный явился еси: и вся твоя святая жизнь бысть зерцалом всякия добродетели. Аще толик был еси, святче Божий, на земли: колик ныне еси на Небеси! Ты днесь предстоиши Престолу Света Неприступнаго, и в Нем, яко в зерцале, зриши вся наша нужды и прошения: ты водворяешися вкупе со ангелы, о едином грешнице кающемся радующимися. И человеколюбие Божие есть неистощимо, и твое к Нему дерзновение много: не престани о нас вопия ко Господу. Испроси предстательством своим у Всемилостиваго Бога нашего мир Церкви Его, под знамением Креста воинствующей: согласие в вере и единомудрие, суемудрия же и расколов истребление, утверждение во благих делех: больным исцеление, печальным утешение, обиженным заступление, бедствующым помощь. Не посрами нас, к тебе с верою притекающих. Аще бо и недостойни есмы толикаго отца и ходатая: но ты быв подражатель человеколюбия Божия, сотвори нас достойны чрез обращение от злых дел к благому житию. Вся богопросвещенная Россиа, твоими чудесы исполненная и милостьми облагодетельствованная, исповедует тя быти своего покровителя и заступника. Яви древния милости твоя, и ихже отцем спомоществовал еси, не отрини и нас чад их, стопами их к тебе шествущих. Веруем, яко духом нам соприсутствуеши. Идеже бо есть Господь, якоже слово Его учит нас, тамо и слуга Его будет. Ты верный еси раб Господень: и Богу везде сущу, ты в Нем еси, и Он в тебе есть, паче же и телом с нами еси. Се нетленныя и живоносныя твоя мощи, яко сокровище безценное, вручи нам чудес Бог. Предстоя им, яко тебе живу сущу, припадаем и молимся: приими моления наша, и вознеси их на Жертвенник благоутробия Божия, да приимем тобою благодать и благовременну в нуждах наших помощь. Укрепи наше малодушие, и утверди нас в вере, да несомненно уповаем получити вся благая от благосердия Владыки молитвами твоими. Паству же твою духовную, тобою собранную, не престани управляти жезлом духовныя мудрости: подвизающымся помози, разслабленных возстави, споспеши иго Христово нести во благодушии и терпении: и всех нас управи в мире и покаянии скончати живот наш, и преселитися со упованием в блаженныя недра Авраамова, идеже ты радостно по трудех и подвизех ныне почиваеши, прославляя со всеми святыми Бога, в Троице славимаго, Отца, и Сына, и Святаго Духа.
Аминь.

*
========
Преподобный Сергий Радонежский, чудотворец.
 =========
Молитва Преподобному Сергию Радонежскому

О преподобие и богоносне отче наш Сергее! 
Воззри на нас (имена) милостивно, и к земле приверженных, возведи к высоте небесной. Укрепи наше малодушие и утверди нас в вере, да несомненно уповаем получити вся благая от благосердия Владыки Бога молитвами твоими. Испроси предстательством твоим всякий дар всем коемуждо благопотребен и вся ны спосшествующими молитвами сподоби в день Страшного Суда шуия части избавитися, десные же страны общники быти и блаженный оный глас Владыки Христа услышати: «Приидите, благословеннии Отца Моего, наследуйте уготованное вам Царствие от сложения мира». 
Аминь.

Преподобный Сергий Радонежский
=============================
Тропарь преподобному Сергию Радонежскому

Тропарь, глас 4:
     Иже добродетелей подвижник, яко истинный воин Христа Бога, на страсти вельми подвизался еси в жизни временней, в пениих, бдениих же и пощениих образ быв твоим учеником: темже и вселися в тя Пресвятый Дух, Егоже действием светло украшен еси. Но яко имея дерзновение ко Святей Троице, поминай стадо, еже собрал еси мудре, и не забуди якоже обещался еси, посещай чад твоих, Сергие преподобне, отче наш.
Ин тропарь, глас 8:
     От юности восприял еси Христа в души твоей, преподобне, и паче всего возжелал еси мирскаго мятежа уклонитися: мужески в пустыню вселился еси, и чада послушания в ней, плоды смирения возрастил еси. Тем быв Троице вселение, чудесы твоими всех просветил еси, приходящих к тебе с верою, и исцеления всем подавал обильно, отче наш Сергие, моли Христа Бога, да спасет души наша.
Тропарь, глас 4 (Обретение мощей):
     Днесь пресветло красуется царствующий град Москва, яко светолучными зарями, молниями чудес твоих осияемь, всю вселенную созывает похвалити тя, богомудре Сергие: пречестная же и славная обитель твоя, юже во Имя Святыя Троицы многими труды твоими создал еси, отче, имущи в себе стада ученик твоих, веселия и радости исполняется. Мы же, празднующе преславное обретение честных мощей твоих, в земли сокровенных, яко цвет благоуханен и кадило благовонно, любезно я лобызающе, различная исцеления приемлем и твоими молитвами грехов прощения сподобляемся, отче преподобне Сергие, моли Святую Троицу спасти души наша.
Ин тропарь, глас 8:
     В чистоте жития источник слез твоих, исповедания трудовныя поты совокупил еси, и купель духовную источил еси, священный Сергие, преподобне, омываеши сугубстве, творящим любовию память твою, скверны обоямы душевныя и телесныя. Сих ради, чада твоя суще, вопием ти: моли, отче, Святую Троицу о душах наших.
Кондак, глас 8:
     Христовою любовию уязвився, преподобне, и Тому невозвратным желанием последовав, всякое наслаждение плотское возненавидел еси, и яко солнце Отечеству твоему возсиял еси; тем и Христос даром чудес обогати тя. Поминай нас чтущих пресветлую память твою, да зовем ти: радуйся, Сергие Богомудре.
Ин кондак, глас 8:
     Яко безплотным равножитель, всех преподобных превозшел еси постническими труды и бдении молитвенными, мудре Сергие, тем восприял еси от Бога исцеляти недуги и прогоняти бесы и того ради вопием ти: радуйся, отче преподобне Сергие.
Ин кондак, глас 8 (Преставление):
     Взирающе на предлежащий честный твой гроб, в немже скрыся, яко многоценное сокровище, святое трудолюбное твое тело чистоты, мы, чада твоя суще жалостная, в удивлении един со единем вещающе, вопием: отче наш Сергие, моли Святую Троицу и нам спастися, твоим чадом.
Кондак, глас 8 (Обретение мощей):
      Днесь яко солнце пресветло, возсиявше от земли честныя мощи твоя нетленны обретошася. Яко благоуханный цвет, множеством чудес сияюще, и всем верным источающе различная исцеления, и веселяще избранное твое стадо, еже мудре собрав и добре паствил еси, о нихже и ныне Троице предстоиши моляся, сего ради вси вопием ти: радуйся, Сергие богомудре.
Величание
     Ублажаем тя, преподобне отче Сергие, и чтим святую память твою, наставниче монахов и собеседниче ангелов.
*

=================================
Прп. Сергий с житием (фрагмент). Евстафий Головкин. Икона. Русь. 1591 г. 65 х 52.5. "Ризница Троице - Сергиевой Лавры" СПГИХМЗ.
Образ преподобного Сергия, Радонежского чудотворца. Храмовая икона начала ХХ века. Церковь Нерукотворенного образа Спасителя в г. Донской, Тульской обл.
Преподобный Сергий Радонежский
оклад серебро 84 пробы, эмаль. 22х18см
Сергий Радонежский в житии
(в окладе, с Деисусом и святыми на полях)
Евстафий Головкин, 1591.
Сергиево-Посадский государственный историко-художественный музей-заповедник
Дерево, левкас, темпера.
65 х 52,5 см.
Икона Преподобный Сергий Радонежский

Прп. Сергий с избранными святыми на полях. Некрасова Т. и др. (выпускники иконописной школы 2007 г.). Икона. Сергиев Посад. 2006 г.

Преп. Сергий Радонежский

Преподобный Сергий Радонежский

Преподобный Сергий Радонежский
Россия, Москва. 1-я треть XIX век. 31 х 26,7 см
Дерево, масло

Прп. Сергий. Шитый покров. Москва. 1420-е гг. 196 х 84. "Ризница Троице - Сергиевой Лавры" СПГИХМЗ.
Минея - Сентябрь (фрагмент). Икона. Русь. Начало XVII в. Церковно-Археологический Кабинет Московской Духовной Академии.

Прп. Сергий Радонежский. Алёшин А.В. (Иконописная школа). Фреска Троицкого собора Троице-Сыпанова Пахомиево-Нерехтского женского монастыря Костромской епархии. 2004 г.

Прп. Сергий Радонежский. Тарасова С.Л. (Иконописная школа). Икона. Сергиев Посад. 2004 год. 33.5 см. х 14 см. Написана на доске крышки раки преподобного 1835 года. Икона с частицей мощей прп. Сергия. Собрание игумена Луки.

Преподобный Сергий Радонежский с житием
Россия, Москва. 1-я треть XVI века. 136 х 97,5см. Мастерская Феодосия.
Из Успенского собора г. Дмитрова.
С 1965 в Центральном музее древнерусской культуры и искусства имени Андрея Рублева. Москва.

Преп. Сергий Радонежский, чудотворец,
с житием и чудесами.
Cредник иконы.
Конец XVIII века. Солигалич.

Преподобный Сергий Радонежский, чудотворец.
Сергий Радонежский в житии
Россия, XVII век,  дерево, темпера, 105 х 86 см
Порядок клейм:
1. Рождение преп. Сергия
2. Крещение преп. Сергия
3. Обучение грамоте
4. Явление отроку Варфоломею во сне ангела
5. Молитва преп. Сергия
6. Благословение преп. Сергия Божественным старцем
7. Пострижение в иноки
8. Исцеление беснующегося вельможи (?)
9. Рукоположение преп. Сергия в иереи
10. Преп. Сергий наставляет братию
11. Явление Богородицы преп. Сергию
12. Погребение преп. Сергия
Государственный музей-заповедник "Коломенское", Москва

Сергий Радонежский в житии
Россия, XVIII век. 87,1 х 62,6 см .Дерево, темпера
Икона, по-видимому, была написана в связи со строительством в 1783 году новой деревянной Воскресенской церкви с трапезной. Порядок клейм:
1.Взыграние Варфоломея в утробе матери в церкви
2.Рождество Варфоломея
3.Крещение Варфоломея
4.Обучение книжному чтению
5.Явление старца отроку Варфоломею
6.Старец благословляет Варфоломея на учение
7.Варфоломей раздает имение после смерти родителей
8.Варфоломей в пустыне
9.Пострижение в иноки
10.Изгнание бесов молитвою
11.Строительство малой церкви в обители прп. Сергия
12.Поставление в иереи
13.Изгнание дьявола из кельи
14.Строительство большой церкви в обители
15.Прп. Сергий убеждает братию не скорбеть об оскудении
16.Принесение в обитель хлеба и рыбы неким человеком
17.Изведение источника
18.Воскрешение отрока
19.Поселянин гнушается прп. Сергия,увидев его в худой одежде
20.Благословение Дмитрия Донского
21.Видение прекрасных птиц
22.Видение на литургии божественного огня в образе ангела
23.Явление Богоматери прп. Сергию
24.Преставление прп. Сергия
Стилистические особенности иконы характерны для художественной традиции Солигалича.
Костромской государственный историко-архитектурный и художественный музей-заповедник "Ипатьевский монастырь"

Преп. Сергий Радонежский, чудотворец,
с житием и чудесами.
Конец XVIII века. Солигалич.

Прп. Сергий с житием. Мастерская Феодосия. Икона. Москва. 1-я треть XVI века. 136 х 97,5. Из Успенского собора г. Дмитрова. С 1965 в Центральном музее древнерусской культуры и искусства имени Андрея Рублева. Москва.

СЕРГИЙ РАДОНЕЖCКИЙ
с Петровской, Казанской, Корсунской, Игоревской иконами Богоматери
Палехские письма

Рождество преподобного Сергия
Преподобный Сергий приводит старца домой
Икона "Явление отроку Варфоломею".
Финифть, латунь. 10Х9. Ценральная Россия, Ростов(?), конец XIXв.
Обретение мощей преподобного Сергия
Обретение мощей преподобного Сергия Радонежского

Мощи преподобного Сергия († 1392; память 25 сентября/8 октября) были обретены 5 июля 1422 г. при преподобном игумене Никоне († 1426; память 17/30 ноября). В 1408 г., когда Москва и ее окрестности подверглись нашествию татарских орд Едигея, Троицкая обитель была опустошена и сожжена, иноки во главе с игуменом Никоном укрылись в лесах, сохранив иконы, священные сосуды, книги и другие святыни, связанные с памятью преподобного Сергия.
В ночном видении накануне татарского набега преподобный Сергий известил своего ученика и преемника о грядущих испытаниях и предрек в утешение, что искушение будет непродолжительно и святая обитель, восстав из пепла, процветет и еще более возрастет.
Перед началом строительства нового храма во имя Живоначальной Троицы на месте деревянного, освященного 25 сентября 1412 года, преподобный явился одному благочестивому мирянину и велел известить игумену и братии: «Зачем оставляете меня столько времени во гробе, землей покровенного, в воде, утесняющей тело мое?» И вот при строительстве собора, когда рыли рвы для фундамента открыты и изнесены были нетленные мощи преподобного, и все увидели, что не только тело, но и одежды на нем были невредимы, хотя кругом гроба действительно стояла вода.
При большом стечении богомольцев и духовенства, в присутствии сына Димитрия Донского, князя Звенигородского Юрия Димитриевича († 1425), святые мощи были изнесены из земли и временно поставлены в деревянной Троицкой церкви (на том месте находится теперь церковь Сошествия Святого Духа). При освящении в 1426 году каменного Троицкого собора они были перенесены в него, где и пребывают доныне.
18 июля (5 июля по старому стилю), день обретения мощей святого аввы Сергия, игумена Русской земли ― самое многолюдное и торжественное церковное празднество в обители.
ЯВЛЕНИЕ БОГОМАТЕРИ
ПРЕПОДОБНОМУ СЕРГИЮ РАДОНЕЖСКОМУ
Троицкий собор Троице-Сергиевой Лавры
Явление Богоматери преподобному Сергию Радонежскому
Конец XIX века.
ФРАГМЕНТ
Явление Богоматери преподобному Сергию Радонежскому.
Избранные святые.
Конец XIX века. Сергиев Посад. Мастер И.С. Хрустачев.
Дерево; резьба. 36,2х10,8х3,9 см.
Явление Богоматери Сергию Радонежскому
с образом Святой Троицы Живоначальной
Россия.
Дерево, левкас, темпера.
Явление Богоматери преп. Сергию Радонежскому
Россия, XVI век, дерево, резьба, темпера, 27,8 х 19,8 см
Событие, изображенное на иконе, относится к последним годам жизни преп. Сергия. "Явление Богоматери преп.Сергию" - сюжет местный, монастырский, его иконография также сложилась в самом Троице-Сергиевом монастыре.
Данная резная икона, где изображены и Михей, и Никон (будущий игумен монастыря), вторит составу персонажей амвросиева креста.
Явление Богоматери Сергию Радонежскому, в окладе
17 век. Мастерские Троице-Сергиева монастыря
Дерево, левкас, темпера. 30х25,5 см.
Явление Божией Матери
преподобному Сергию Радонежскому
Иконостас Никольского храма, Барнаул – 1999—2000 гг.
Явление Божией Матери преподобному Сергию.
Список с иконы стоящей у мощей Преподобного в Лавре.
Россия, Санкт-Петербург.
Середина XIX века.
Явление Божией Матери Сергию Радонежскому
(со святыми Иоанном Богословом и Николаем)
Центральная Россия, ок. 1880.
Дерево, темпера.
30,9 x 26,6 cм.
Частное собрание
Явление Божией Матери
преподобному Сергию Радонежскому
Мастерские Троице-Сергиевой Лавры.
Конец XVIII века.
Явление Божией Матери
преподобному Сергию Радонежскому
Середина XVII в.
Явление Божией Матери Сергию Радонежскому
с избранными святыми
Север России, 1850-1890.
Дерево, темпера.
32x27,5 cм.
Частное собрание

Преп.Сергий Радонежский у гроба родителей с образом Богоматери Черниговской
Дерево, левкас, темпера.
Россия, конец XIX в., 22х26 см.
Россия, частное собрание.
Явление Богоматери преподобному Сергию Радонежскому,
без оклада, 1785 г., Троице-Сергиева Лавра
Моление cв. преп. Сергия, игумена Радонежского, иконе Пресвятой Богородицы, Миниатюра XVII в.
Явление Богоматери
преподобному Сергию Радонежскому
Икона XVIII в.
ЯВЛЕНИЕ ПРЕСВ, БОГОРОДИЦЫ
СЕРГИЮ РАДОНЕЖСКОМУ
XVIII в.
ЯВЛЕНИЕ ПРЕСВЯТОЙ БОГОРОДИЦЫ
ПРЕПОДОБНОМУ СЕРГИЮ РАДОНЕЖСКОМУ
1908-1917 гг.
Явление Богоматери
преподобному Сергию,
праздники и святые
XVI век
ЯВЛЕНИЕ БОГОМАТЕРИ
ПРЕПОДОБНОМУ СЕРГИЮ РАДОНЕЖСКОМУ
Троицкий собор Троице-Сергиевой Лавры

Свв. Cергий Радонежский и мчн. Наталья
с образом Богоматери Грузинской
Центральная Россия, конец XIX в.
Дерево, левкас, сусальное золото, масло. 31Х26.5.

Прпп. Харитон Исповедник, Варлаам Хутынский, Сергий Радонежский. Икона (таблетка). Новгород. Конец XV в. 24 х 19. Из Софийского собора. Новгородский музей.



 ***

Комментариев нет:

Отправить комментарий

БЛАГОДАРЮ ЗА ВНИМАНИЕ!
Заходите еще.