no copi

пятница, 21 октября 2011 г.

* Преподобный Трифон Вятский *

*
Преподобный Трифон Вятский
*
Преподобный  
Трифон Вятский
Преподобный Трифон, архимандрит Вятский
(1612 г.)
*
Память 8/21 октября
*
Преподобный Трифон Вятский
*
Преподобный Трифон Вятский, архимандрит
   
Родом из селения Малой Немнюшки Пинежского уезда Архангельской губернии. Преподобный с юности имел желание к иноческой жизни. Услышав в храме слова о том, что кто принимает на себя иноческий образ, того Господь причисляет к Своим избранным, святой тайно оставил родительский дом и пришел сначала в Великий Устюг, а затем принял постриг в Пыскорском монастыре Пермской губернии.
     От непрестанных трудов и великих подвигов преподобный тяжело заболел и был близок к смерти. Во время болезни он имел видение св. Ангела Хранителя и святителя Николая, который и исцелил его. С этого времени преподобный стал подвизаться еще усерднее и получил от Бога дар чудотворения. Некоторые из братии позавидовали славе преподобного, и блаженный, чтобы избежать раздоров, удалился в пустынные места на реке Мулянке. Здесь он много потрудился над обращением ко Христу язычников-остяков и уничтожил почитаемую ими как бога ель.
     Перейдя на реку Чусовую, святой устроил здесь Успенский монастырь. Другая обитель была основана им на реке Вятке, близ г. Клыкова (Вятки). Несколько раз по монастырским делам св. Трифон путешествовал в Москву. Бывал преподобный и в Казани, где в одной из бесед с митрополитом Казанским Гермогеном предрек ему патриаршество и мученическую смерть.
     Скончался преподобный глубоким старцем 8 октября 1612 г. и был погребен в созданном им Успенском монастыре.
*
=========
Прп. Трифон. Воеводова В.Т. (Иконописная школа). Сергиев Посад. 1990-е годы. Уржум. Вятская епархия.
==========
Преподобный Трифон Вятский

Память его празднуется 8 октября в день преставления

Прп. Трифон был младшим сыном богатого крестьянина села Немигонска Архангельской области. Отца он рано потерял и жил в послушании у матери и братьев. Но когда они захотели его женить, он ушел в город Орлов, основанный купцами Строгановыми, и стал жить у благочестивого священника Иоанна под его руководством.
Уже в то время он проводил подвижническую жизнь и стяжал многие благодатные дары. Однажды слуги Строгановых из глупой шутки сбросили его в снег с высокого берега реки Камы. Снег обвалился, и юноша был засыпан. Испуганные слуги откопали его, но он оказался не только невредимым, но даже теплым, и снег вокруг него обтаял. Слуги сознались во всем хозяевам, и они пригласили блаженного к себе. Придя в их дом, он исцелил их сына и потом еще одного ребенка. Родители исцеленных хотели дать ему деньги, но он не взял их, а посоветовал им быть милосердными к бедным.
После этого блаженный поступил в Пыскорский монастырь, где на двадцать втором году жизни принял постриг с наречением ему имени Трифон. В монастыре он тяжело заболел и, когда впал в беспамятство, увидел ангела, желавшего вознести его на небо, и услышал глас с неба, повелевавший ему оставить его на земле. Когда Трифон очнулся, явился ему святитель Николай со словами: "Встань и ходи!" - и исцелил его.
После этого, избегая славы человеческой, преподобный тайно оставил монастырь в поисках уединения. Он остановился у становища язычников-остяков, обратил их силою своего слова ко Христу, уничтожил их капища и срубил ель, которой они поклонялись.
После остяков он проповедовал Христа у другого языческого племени - вогулов - и обратил их. Но игумен потребовал его возвращения, и Трифон повиновался. Но когда он извел из земли иссякшие соленые источники, слава его как чудотворца опять возросла, и он опять оставил монастырь, на этот раз навсегда.
Он поселился в лесу, принадлежавшем Строгановым, по их просьбе. Там он исцелил слепого крестьянина Григория. Но когда лес загорелся от костра, зажженного преподобным, Строганов в гневе забыл, как он чтил его, и приказал его заковать. Прп. Трифон предсказал ему ту же участь, и она действительно скоро постигла Строганова, впавшего в немилость у царя. Тогда он испросил прощения святого, но попросил его удалиться из его владений.
По внушению свыше прп. Трифон пошел в Вятку (Хлынов) основать там монастырь. Это было заветным желанием горожан, о котором он не знал. Сначала они обрадовались, но потом ревность их остыла, и за это они были наказаны проливным дождем, который не прекращался от 15 августа до 8 сентября. В этот день Пресвятая Богородица явилась одному благочестивому горожанину и повелела, чтобы обет был исполнен, дабы городу избегнуть гнева Божия. Наконец монастырь во имя Успения Пресвятой Богородицы был закончен, и прп. Трифон, возведенный в сан архимандрита, стал первым его настоятелем.
По делам своей обители он ездил в Москву и Казань, где предсказал митрополиту Ермогену патриаршество и мученический конец (см. житие свщм. Ермогена - 17 фев.). В конце своей жизни прп. Трифону пришлось перенести тяжелую скорбь: против него восстали некоторые из братии, недовольные введенным им строгим уставом, но главе с любимым его учеником Ионой, которого он готовил себе в заместители. Восстали против него и добились его низложения и изгнания.
Тогда святой старец ушел странствовать по разным городам и монастырям России. Везде он устраивал крестные ходы и раздавал милостыню. В городе Слободске он основал Богоявленский монастырь. Но умереть он желал в своем монастыре и, почувствовав себя больным, вернулся в Вятку. Диакон Максим нашел его больным в лодке. Под влиянием всего городского духовенства архимандрит Иона покаялся и послал просить своего духовного отца вернуться в монастырь. Велика была радость преподобного. У монастырских врат он был встречен архимандритом Ионой с братией, на коленях просивших у него прощения. Преподобный ответил: "Бог простит тебя, чадо Иона! Всему виной древний враг нашего спасения!"
Через несколько дней, 8 октября 1612 г., прп. Трифон мирно скончался и был погребен с великой честью. В завещании своем он оставлял преемником своим архимандрита Иону, но умолял его хранить устав.
В 1648 г. святые мощи прп. Трифона были обретены нетленными.

http://iconsv.ru/

*
================
Преподобные Тихон и Прокопий Вятские
Киров
 =================
АКАФИСТ святому преподобному Трифону, Вятскому чудотворцу
http://www.kotlovka.ru/index.php?option=com_content&task=view&id=2583

Кондак 1
     Избранный угодниче Христов и чудотворче, преподобне отче Трифоне, святостию жития и чудесы твоими возсиявый стране Вятстей, яко звезда богосветлая! Похвальная восписуем ти, любовию творящии всечестную память твою: ты же, яко имеяй дерзновение ко Господу, молитвами твоими от всяких нас бед свободи зовущих:
     Радуйся, Трифоне, преславный чудотворче.

Икос 1
     Ангела тя во плоти суща познавше, преподобне, и велия благодеяния от тебе приемше, яко чудотворца преславнаго тя славим и сице тебе со умилением зовем:
     Радуйся, северныя страны благоуханный крине.
     Радуйся, отрасле благочестиваго корене.
     Радуйся, от младости в добром наказании воспитанный.
     Радуйся, издетска сопричтенный в сыновство Отцу Небесному.
     Радуйся, благочестивыя матере твоея отрадо и утешение.
     Радуйся, братию и сродники твоя своим благочестием удививый.
     Радуйся, целомудрие девства невредимо сохранивый.
     Радуйся, от сердца твоего вся искушения юности отгнавый.
     Радуйся, к Богу имевый рачение велие.
     Радуйся, Господа ради путь тесный и скорбный избравый.
     Радуйся, дольняя горняго ради оставивый.
     Радуйся, яко спасения иский, во страну чуждую стопы твоя управил еси.
     Радуйся, Трифоне, преславный чудотворче.

Кондак 2
     Видев, яко мати и братия твоя восхотеша браку тя вдати, и чистоту девства паче возлюбив, дом отеческий оставил еси и странник быти предсудил еси, да сподобишися вечно пети Христу Богу: Аллилуиа.

Икос 2
     Разумев козни, от врага спасения нашего содеваемыя, терпение, пощение и молитву к Богу противу поставил еси, всеблаженне отче, и яко нищ духом же и телом, от града во град и от веси в весь преходил еси и во оных приметатися ко храмом Господним возлюбил еси. Сего ради зовем ти:
     Радуйся, вся красная мира сего ни во что вменивый.
     Радуйся, нищету телесную и духовную возлюбивый.
     Радуйся, рубища ветхая, яко одежду драгую, на теле своем носивый.
     Радуйся, алчбою и жаждею, мразом и зноем тело твое изнуривый.
     Радуйся, чашу поругания правды ради до конца испивый.
     Радуйся, за творящыя ти напасть, яко за благотворца Господу моливыйся.
     Радуйся, терпением твоим мира сего злобу победивый.
     Радуйся, огнем молитвы твоея вся стрелы лукаваго попаливый.
     Радуйся, силою твоею веры языческая суеверия потребивый.
     Радуйся, красоту селения Божия возлюбивый.
     Радуйся, приметатися в дому Божии изволивый.
     Радуйся, яко странник и пришлец быв на земли, ныне в обителех небесных вселился еси.
     Радуйся, Трифоне, преславный чудотворче.

Кондак 3
     Сила Божия дадеся ти, преподобне, егда в честнем странствии твоем некоего младенца именем Тимофеа, немощию лютою одержима и близ конечнаго издыхания бывша, молитвами твоими исцелил еси, и здрава того сотворив, купно с родители и присными его воспел еси укрепляющему ти Христу Богу: Аллилуиа.

Икос 3
     Имея помысл чист и душу непорочну, блаженне отче, уразумел еси суету мира сего и непостоянство, и вечных благ возжелев, мира сего отреклся еси и пострижение иноческое приял еси. Темже ублажаем тя, преподобне отче, и славяще еже о тебе изволение Божие, вопием ти сице:
     Радуйся, яко земная отринув, умом твоим к небесным востекл еси.
     Радуйся, яко к вышним течение свое выну управил еси.
     Радуйся, смирение возлюбивый.
     Радуйся, послушания рачителю.
     Радуйся, молитв кадило благоприятное.
     Радуйся, слез покаянных неоскудный источниче.
     Радуйся, благое иго Христово на себе возложивый.
     Радуйся, на высоту безстрастия возшедый.
     Радуйся, всего себе Богу предавый.
     Радуйся, от смерти напрасныя изволением Божиим дивно сохраненный.
     Радуйся, явлением святителя Николаа обрадованный.
     Радуйся, от недуга лютаго им исцеленный.
     Радуйся, Трифоне, преславный чудотворче.

Кондак 4
     Бурю искушений и бед от человек, злобных на тя святаго ради жития твоего, преподобне отче, с кротостию претерпевая и единаго только на потребу ища, еже како Богови угодити, Богом водимый, достигл еси Вятския страны, и во граде Хлынове обитель во славу Богородицы создав, в ней с лики иночествующих немолчно вопиял еси к Богу: Аллилуиа.

Икос 4
     Слышавше христоименитии людие града Хлынова, яко обители иночестей близ града того основание положил еси, Трифоне богоносне, возрадовашася радостию велию, и яко ангела Божия тя почитаху, служаще от имений своих к устроению оныя обители и вопияху тебе сице:
     Радуйся, тайнаго веления Божия послушавый.
     Радуйся, Авраама вере поревновавый.
     Радуйся, во страну Вятскую путь свой благочестне управивый.
     Радуйся, обитель иноческую тамо создати зело восхотевый.
     Радуйся, храмы Божия в ней благолепно устроивый.
     Радуйся, чудеса преславная при основании обители совершивый.
     Радуйся, яко Моисей молитвами воду источивый.
     Радуйся, Богородицы заступлению и покрову обитель твою вдавый.
     Радуйся, лика иноческаго предстоятелю богомудрый.
     Радуйся, града Хлынова святое украшение и покрове, Богом данный.
     Радуйся, сотворивый волю Господню и ины творити научивый.
     Радуйся, сего ради велий в Царствии Небесном нареченный.
     Радуйся, Трифоне, преславный чудотворче.

Кондак 5
     Боготечно, яко светозарная звезда, шествовал еси, угодниче Божий, в престольный град Москву, полезная обители твоей тамо устрояяя и от святейшаго патриарха Иова в архимандрита поставлен быв, с милостынею многою от благовернаго царя Феодора дарованною, в обитель твою паки возвратился еси, благодарственно воспевая Богу: Аллилуиа.

Икос 5
     Видев враг спасения нашего обитель твою добре устрояему от тебе, преподобне отче, воздвиже на тя некиих от ученик твоих, иже противу тебе возставше, от обители твоея тя отгнаша. Ты же, на земли сие изгнание с кротостию приемый, ныне же вселивыйся в обителех небесных, услыши нас, поющих ти сицевая:
     Радуйся, яко за благая ко спасению словеса поругание приемый.
     Радуйся, аки кроткий агнец вся терпевый.
     Радуйся, с небесе утешение приемый.
     Радуйся, молчанием на укоризны отвещавый.
     Радуйся, во изгнание незлобиво отшедый.
     Радуйся, любовию Христовою козни вражия победивый.
     Радуйся, многи обители иноческия во странствии твоем посетивый.
     Радуйся, в них себе утешение и отраду обретый.
     Радуйся, чудеса дивная во изгнании твоем совершивый.
     Радуйся, многи на путь иноческаго жития наставивый.
     Радуйся, блаженнаго Прокопиа на подвиг юродства о Христе благословивый.
     Радуйся, яко сый на земли яве с небожители беседовал еси.
     Радуйся, Трифоне, преславный чудотворче.

Кондак 6
     Проповедует присно страна Вятская подвиги и труды твоя, преподобне, в странах Архангельских, Устюжских, пермских, и светло красуется, стяжавши тя помощника и покровителя себе особне. Молим убо тя, святче Божий, не лиши и нас грешных небесныя твоея помощи и покрова молитв твоих, к твоему бо заступлению в скорбех наших вседушно прибегаем и прославльшему тя Господу со умилением зовем: Аллилуиа.

Икос 6
     Возсиял еси, преподобне, яко звезда богосветлая, во граде Слободстем, вонь же по изгнании твоем пришед, обитель Богоявления Господня создал еси и тамо вселился еси, всех озаряя святостию жития своего. Сего ради вопием ти сице:
     Радуйся, граду Слободскому пришествием твоим благословение от Господа низпославый.
     Радуйся, жителем града того светильник пресветел бывый.
     Радуйся, от них радостно приятый.
     Радуйся, любовию их утешенный.
     Радуйся, обитель иноческую тамо добре устроивый.
     Радуйся, милостыню на устроение ея многу собравый.
     Радуйся, тихое в ней пристанище обретый.
     Радуйся, присно в ней в труде и молитве пребывавый.
     Радуйся, и зде иноков богомыслию поучавый.
     Радуйся, ученика твоего Досифеа ко спасению наставлявый.
     Радуйся, путь терпения иноческаго тому показавый.
     Радуйся, образе веры и любве и ангельскаго жития в подражание учеником твоим оставивый.
     Радуйся, Трифоне, преславный чудотворче.

Кондак 7
     Хотение едино имел еси, преподобне, еже видети созданную от тебе обитель Богородицы во граде Хлынове. Сего ради весть от Бога прием, яко близ есть кончина твоя, от обители Соловецкия, еяже в странствии своем богоугодием достигл еси, паки во град Хлынов стопы твоя управил еси, да тамо во обители твоей, предаси дух твой Богу, Емуже от юности твоея навыкл еси пети: Аллилуиа.

Икос 7
     Дивно бысть, угодниче Божий, пришествие твое во град Хлынов, егда тя ветха денми суща и телесною немощию одержима, братия обители твоея отринуша, последи же, пред кончиною твоею святою, гнева Божия убоявшеся и терпением твоим побеждени бывше, раскаяхуся и в обитель твою с любовию тя прияху. Мы же таковому незлобию твоему дивящеся, вопием ти:
     Радуйся, отче благосердый, враждовавшыя на тя любовию Христовою возлюбивый.
     Радуйся, гнев на воздвигших гонение на тя совершенно в себе умертвивый.
     Радуйся, до конца обитель твою возлюбивый.
     Радуйся, паки в ней радостно и мирно водворивыйся.
     Радуйся, в затворе келейнем в ней уединивыйся.
     Радуйся, постом и молитвою к исходу из мира сего в нем уготовлявыйся.
     Радуйся, братию твою пред исходом от жития сего благословивый.
     Радуйся, поучение от Писания божественнаго им преподавый.
     Радуйся, тем благая за зло воздавый.
     Радуйся, при исходе твоем от временнаго жития причастия Божественных Таин сподобивыйся.
     Радуйся, от уз тела разрешитися и со Христом быти желание всегда имевый.
     Радуйся, о Нем единем присно воздыхавый.
     Радуйся, Трифоне, преславный чудотворче.

Кондак 8
     Странствие земное скончавшу ти, Трифоне приснопамятне, благоухания дивнаго исполнися келлия твоя: вериги же тайно тобою носимыя, спадоша с твоего телесе, и зрак лица твоего просветися, яко всем, видевшым исход твой, дивитися зело и возопити ко Господу: Аллилуиа.

Икос 8
     Вся братия обители твоея, преблаженне, со освященным собором и людьми многими со слезами и пении надгробными изнесоша всечестное тело твое ко гробу, тобою в храме Пресвятыя Богородицы уготованному, идеже оное, яко сокровище духовное, честно положиша. Мы же у раки твоея святыя вопием ти с любовию таковая:
     Радуйся, во благоухании святыни сном смерти опочивый.
     Радуйся, смерть вкусивый, тления же не познавый.
     Радуйся, в ризу нетления благодатию Божиею облеченный.
     Радуйся, чудесы многими от Бога по смерти прославленный.
     Радуйся, яко честная рака твоя врачебница бысть всем недугующым.
     Радуйся, яко всяк, приходяй к ней с верою, приемлет дары целебныя.
     Радуйся, разслабленных укрепителю.
     Радуйся, беснующихся от насилия диавольскаго свободителю.
     Радуйся, слепым зрение возвращаяй.
     Радуйся, хромым еже право ходити устрояяй.
     Радуйся, немым проглаголание даруяй.
     Радуйся, неисцельныя язвы дивно врачуяй.
     Радуйся, Трифоне, преславный чудотворче.

Кондак 9
     Ангели Небеснии радостно прияша чистую душу твою, преподобне, во обители райския, идеже Царь Славы Христос Господь венча тя венцем небесным, егоже уготова всем, возлюбльшым явление Его, и дарова нам тебе заступника и молитвенника благаго, да благодарно поем Ему: Аллилуиа.

Икос 9
     Витии многовещании не возмогут по достоянию воспевати славу, от Господа уготованную святым Его во Царствии Небеснем, еяже наследник сподобился еси быти, Трифоне преблаженне. Сея славы сопричастники быти и нас сподоби, угодниче Божий, святыми твоими о нас к Богу молитвами, да радостно вопием ти:
     Радуйся, ликовствуяй в чертозе Небеснаго Домовладыки.
     Радуйся, гражданине Иерусалима горняго.
     Радуйся, святче Божий, со всеми святыми прославляемый.
     Радуйся, от горних высот к нам земнородным милостивно приникаяй.
     Радуйся, обитель твою и град наш присно сохраняяй.
     Радуйся, в сониих и видениих верным являяйся.
     Радуйся, северныя и Вятския страны небесный особне покровителю.
     Радуйся, града Хлынова неотступный хранителю.
     Радуйся, всех скорбящих утешение.
     Радуйся, всех притекающих к тебе скорое услышание.
     Радуйся, предстателю наш благий.
     Радуйся, ходатаю о нас пред Богом немолчный.
     Радуйся, Трифоне, преславный чудотворче.

Кондак 10
     Спасительный залог Божия благодати святыя мощи твоя, преподобне, по летех мнозех обретени быша нетленни и в новем храме Богородицы честне от святителя Ионы положени быша, иже с братиею обители и всем множеством благоговейне лобызаху оныя, радостно поя Богу: Аллилуиа.

Икос 10
     Стеною молитв твоих, преподобне, огради нас от всяких бед и скорбей, тебе бо стяжахом заступника твердаго и предстателя о нас пред Богом неусыпнаго, да ограждаеми твоим заступлением, сице тебе зовем:
     Радуйся, в бедах и обстояниих скорый помощниче.
     Радуйся, призывающым тя усердный заступниче.
     Радуйся, почитающих тя прошения скоро исполняяй.
     Радуйся, многажды прошение помощию твоею предваривый.
     Радуйся, в милостех неистощимый.
     Радуйся, скорбящих прибежище теплое.
     Радуйся, печальных утешение.
     Радуйся, обидимых заступниче.
     Радуйся, от бед и скорбей нас скоро избавляяй.
     Радуйся, яко непрестанною молитвою о нас Бога умилостивляеши.
     Радуйся, сосуде честный, елей милости Божия к нам содержаяй.
     Радуйся, звездо светлая, путь к Царствию Божию нам указующая.
     Радуйся, Трифоне, преславный чудотворче.

Кондак 11
     Пение всеумиленное приносим ти, преподобне, пред ракою твоею святою предстояще, и молимся ти прилежно: якоже отроковицу, беснованием одержимую, милостивно исцелил еси, тако и нас, страстьми многоразличными недугующих, посети и данною ти от Бога благодатию исцели, да радостно поем прославльшему ти Богу: Аллилуиа.

Икос 11
     Светоподательна светильника тя вемы, отче, Престолу Божию предстояща и мрак страстей и грехов наших лучами молитв разгоняюща. Озари убо от горних высот и наша сердца, всеблаженне, да досточестно вопием ти сице:
     Радуйся, света Троическаго зрителю.
     Радуйся, небеснаго Сиона жителю.
     Радуйся, горняго мира блаженный обитателю.
     Радуйся, присно созерцаяй пресветлое лице Владыки Христа.
     Радуйся, немолчно воспеваяй трисвятую песнь Троице.
     Радуйся, луче пресветлая, от Солнца Христа возсиявшая.
     Радуйся, яко и по преставлении твоем с нами пребываеши.
     Радуйся, в молитвах твоих о нас к Богу теплый предстателю.
     Радуйся, страну Вятскую зело возлюбивый.
     Радуйся, мощи твоя святыя ей в наследие оставивый.
     Радуйся, сокровище неоскудное многих исцелений.
     Радуйся, Трифоне, преславный чудотворче.

Кондак 12
     Благодать и милость испроси нам, преподобне, у Христа и Бога нашего и молитвенник усердный буди о нас ко Господу, да утвердившеся в заповедех Его, получим спасение вечное и тако присно поем Богу песнь: Аллилуиа.

Икос 12
     Поюще подвиги предивнаго жития твоего и славяще чудеса твоя, преподобне, любовию ублажаем тя, яко многомощна молитвенника о нас и прдстателя пред Господем нашим. Ты же о святче Божий, яко благоутробен, принеси моление теплое о нас ко Владыце, да сподобит нас Небеснаго Царствия Своего, вопиющих ти с любовию таковая:
     Радуйся, Пресвятыя Троицы служителю верный.
     Радуйся, благодатию Духа Святаго приосененный.
     Радуйся, Пресвятыя Богородицы слуго изрядный.
     Радуйся, ангелом собеседниче предивный.
     Радуйся, со апостолы ликовствуяй у Престола Царя Славы.
     Радуйся, мученик добропобедных сострадальче.
     Радуйся, преподобных подражателю верный.
     Радуйся, всех святых Божиих сонаследниче.
     Радуйся, о грешных всегда Бога умоляяй.
     Радуйся, душы и телеса наша благодатию Божиею исцеляяй.
     Радуйся, по Бозе на тя упование возлагающих не посрамляяй.
     Радуйся, Трифоне, преславный чудотворче.

Кондак 13
     О предивный угодниче и преславный чудотворче, преподобне отче наш Трифоне! Милостивно приими сие малое моление наше, в похвалу тебе приносимое, и предстоя Престолу Царя Славы, умоли Господа, да сохранит нас от враг видимых и невидимых, от недуга и глада, от напасти и скорби и вечнаго мучения избавит, да сподобимся вкупе с тобою радости святых вечно воспевати Ему: Аллилуиа.
Этот кондак читается трижды, затем икос 1-й и кондак 1-й
*
==============
Боголюбская с прп. Трифоном Вятским. Икона. Вятка. 1730 - 1740-е годы. Вятский (Кировский) областной художественный музей имени В.М. и А.М. Васнецовых.
 ==============
Молитва святому преподобному Трифону, Вятскому чудотворцу
   
О священная главо, преподобне отче наш Трифоне! 
Земный ангеле и небесный человече, светильниче пресветлый, страну Вятскую озаряяй чудесы, граду нашему стено и утверждение, бедствующым крепкий помощниче, обители твоея добрый хранителю, присный о нас к Богу молитвенниче и теплый о душах наших ходатаю! Тебе, угодниче Божий, неистощимое от Всеблагаго Владыки благодати и даров дадеся сокровище, еже целити недуги телесныя и отгоняти страсти душевныя и от всех зол избавляти с верою имя твое призывающих. К тебе убо прибегаем и тебе припадающе молимся: не презри нас, молящихся тебе и твоея просящих помощи, избави нас от враг видимых и невидимых, завистно на ны возстающих и яростию зверскою поглотити хотящих, изми нас невидимым предстательством твоим от смущения и бури и тмочисленных скорбей наших, за грехи наша нам прибывающих. О предивный и богоносный отче наш Трифоне! Скоро потщися на помощь нашу. Вознеси благомощную молитву твою ко Господу сил: страждущую страну Российскую от лютых безбожник и власти их Господь да свободит, и да возставит престол православных правителей; верных рабов Его, в скорби и печали день и нощь вопиющих к Нему, многоболезный вопль да услышит и да изведет от погибели живот наш, да потребит Господь от земли нашея вся неистовыя крамолы, и утвердит в ней безмятежие, мир и благочестие, да сохранит обитель твою святую, град наш и вся грады и веси страны нашея от глада и губительства, от мятежа и нестроения, от запаления и бури, от нападений вражиих и от тлетворных ветр и от всякаго зла. Умилостиви о нас благоприятными молитвами твоими Христа Бога нашего, еже избавитися нам от грех наших и наветов вражиих, яко да заступлением твоим и помощию в мире и тишине богоугодне зде на земли поживем, и в будущем веце да сподобимся части святых Господем нашим Иисусом Христом, Емуже подобает и честь и поклонение, ныне и во вся веки.
Аминь.
*
=============
Прп. Трифон и блж. Прокопий Вятские. Икона. Вятка. XVII век. Из надвратной церкви арх. Михаила (1610 года) Богоявленского Слободского монастыря. Вятский (Кировский) областной художественный музей имени В.М. и А.М. Васнецовых.
 ============
Тропарь преподобному Трифону, архимандриту Вятскому

Тропарь, глас 4:
     От земных на Небесная помыслив, иноческое житие измлада, преподобне, возлюбив, и делом совершив ко Господу любовь, и твердым умом Его Духновенным учением озаряя мир, и, возлюбив, блаженне, всенощное бдение и молитву непрестанну и наставления Божественнаго Разума, инок стадо собра, мудре, и наставил еси ко свету Богоразумия, Трифоне отче наш, Христа Бога моли даровати душам нашим велию милость.
Ин тропарь, глас 4:
     Яко светозарная звезда возсиял еси от востока до запада, оставль бо свое отечество, дошел еси Вятския страны и Богоспасаемаго града Хлынова, в немже обитель во славу Пресвятыя Богородицы создав, и тамо на добродетель вперився, собрал еси иночествующих множество, и, сих наставляя на путь спасения, был еси ангелом собеседник и постником сопричастник, Трифоне преподобне, с ними Христа Бога моли спастися душам нашим.
Кондак, глас 8:
     Днесь в начале основания добродетелем, блаженне, положил еси в души своей страх Божий, от юности взем крест свой, благочестно Христови последовал еси, ангельским образом облечеся и бысть монах предивен, в добродетелех цветяше, к будущим Богови простирался. И своей плоти, яко врагу, немилостив, отче, был еси, терпением явися, блаженне, яко злато искушено в горниле, но и ныне не забуди посещати чад своих, поминай нас, чтущих пресвятую память твою, да вси благодарне вопием ти: радуйся, премудре Трифоне, наставниче монахов.
Ин кондак, глас 2:
     Волнений множество невлажно преходя, безплотныя враги струями слез твоих крепко погрузил еси, Богомудре Трифоне, и чудес дар прием, моли непрестанно о всех нас.
Величание
     Ублажаем тя, преподобне отче Трифоне, и чтим святую память твою, наставниче монахов и собеседниче ангелов.
*
==================================

Прп. Трифон Вятский перед Богородицей. Икона. Вятка. XVII в. Вятский (Кировский) областной художественный музей имени В.М. и А.М. Васнецовых.


***

1 комментарий:

Анонимный комментирует...

Благодарю за материал.Бог Вам в помощь.

Отправить комментарий

БЛАГОДАРЮ ЗА ВНИМАНИЕ!
Заходите еще.